LUKAS 21:34 - Allah Wene Fano Wene Hupla Inane

³⁴ At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

LUKAS 21:34 ပူးပေါင်းရင်းမြစ်များ

KEJADIAN 19:32

Ma re, nit nineagwi ekhe takhouwogeluk nineisena mene ninom nogo uogen he, at obakheindok palasuageluk ekhe hilingisuogo,” iluk yagatikhe.

KEJADIAN 19:35

A'nogo yagatikhesik, o hubanggo andi sambulat, at Lot obakheindok palasuageluk hilingitukwasik, a'logo hobuk mene emberek nogo isukwa. A'nogo nogo isukwa meneat he, at Lot obakheindok mondok palagaikhemo nogo nen he, a'logo emberek nogo isukwa mene andi onggorat welagaikhe.

KEJADIAN 27:14

A'nogo yagatikhemo, at Yakub wam kambing omanogo hambogosi lagaikhesik agaisa wogosi wagaikhemo re, at Ishak amolo mene isatikhe.

MAZMUR 35:8

It inoba a'nogo asigin iluk wenggelek le'ma ferekhogoat inebe weagerinabi wesuak. It inonggwaregen yebet fakhili'lagwi mene andoma bene inebe lugut lagik, saluk igik, ikhilik lambik ineiloak lek akhoak.

AMSAL 21:4

Ap a'mage weak mene nen wene weak mene hilingiterek andi re, leget fakhikherek mene inom foget fakhikherek mene inom endawimo peterogo werek andi nen hilingiterek.

AMSAL 23:20

It afuni ekhe lugwi-lugwi palharek mene inom, inobalagalek nenggarek mene inom andi re, hobuk inenggi lek mene asugun enggere, it hinom sebesu fuk. Hat nogo nek ikhi logogin halok he hasu tilip-tilip lagu kwelek logogin.

PENGKHOTBAH 9:12

Yi sambul hilinglasigin ti sambul hilinglasigin iluk inonggot were'ma, sue hele fagarek oba ke'nok igik, nen ikan onggotma su webet fagarek oba elema kwalagik ikherek hak, nit afuni ninoba ogo ninonggot were'ma enggin mene ninoba asi wagarek andi o,” iluk isikhe.

YESAYA 28:7

It ap nabi inom, imam inom ogore anggur agai inom, ara agai inom hokhorogo nunggunem he lugu-lugwi palhu werek. Iren wenggelharek mene omanogo re nonghong enek ugu nen he ebekwe leil warik laga logolik talo-talonggerik lili'lagwi. It ap Allah ane yagaisagarek mene andi re wene Allah nen yagaisikherek mene omanogo fut figi'lek hilingitu werek It ap imam omanogo nen he wene piling nisani iluk it inambit waluk kwagarek mene omanogo re higithogo tegeri'lagwi lek.

HOSEA 4:11

Tuhan ane ikhi logolik, ”An nagainafuri yi sani, anggur attak mene ogo, ket mene ogo, hiren fanorogo hilingisuogeluk wenggeluageluk mene andoma legaphogo hinobagaikhemo welagebo.

IMAMAT 10:9

”Hat inom, hamlogomi inomen i anggur amusu naluk ogo, athe i lugul-lugwi palharek mene naluk ogo, An Nawi Sabu sale'ma kwi waga logogun lek Nen, hiren wene melalek yi sagal fogoin halok he hit hinebe wa'lasugun. Wene melalek yire hat hambisangma nen tagomangge mene nen ogo mondok tiphogo nek hilingiti logogun.

MATIUS 13:22

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

MARKUS 4:19

inendawimo nen, ”Yogondak ya faget ninggi'nogo hilingisigin he,” iluk, menenei ebetik, ”Nagarek hokhorogo logoilebe,” iluk inendawimo ebeti logolik, inonggwaregen laligik, inendawimo nen yi mene ti mene ekhe inamolo anggigik, agarek andi nen he, wene andi inendawimo kanggil agaresik he, enggen iterek lek andi aro.

LUKAS 10:41

at Yesus nen he, mel isikhe: ”Marta. Hat he, yi mene ti mene faget hendawinggen firogo set kwil-kwalhogo hilingiti lagen higi.

LUKAS 12:40

Andi hak he, hit hinendawimo nen he, at andi sambul wesigin, iluk anggigi'lek wonogat werek kwelek, an abat ta'lasi wagagi a'nogo re, arat wesigin andi, hinebe tegelek logoino o,” iluk yagaisasikhe.

LUKAS 17:3

Halok he, hinebe elelerogo re, hinebe hebelogo logoino o. Hit hinerugwi hinagaila'lak ekhe weak hilingitu halok he, komora'no o. Komorati logoumo, obabut hebelhe halok he, weak hilingite mene andi sebelogo legetfisano.

LUKAS 21:35

paik sapna nen alperelogo waterek hak, an wene igi andi misigamat hilingiti logolik, afuni kweangma mene mondogat weagerinafi logolik, hit hinomat weaget hinabinogo iluk he, hinebe hebelogo logoino.

LUKAS 21:8

at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

1 KORINTUS 5:11

A'nogo yagahisasigi andi re, wene ebe yi'nogo. At ekhe nen ikhi logolik he: ”An hinagailak Allah amlogo aro,” iluk ikhi logoligat he, pailak fakfisigik, ami'mik weak hilingitik, tugwi kembu oba himbirik logolik fogeratik, ane puk weak wenagisigik, amusu lugulugwi paluogeluk nenggarek a'nogo mene nunggu mondok welagik, afuni lalinafik, ikherek andi hangge mene inebe hinom lambukhogo logogun legat, sumburu hinom ninggi logogun legat, iluk yagahisasigi anggigi.

1 KORINTUS 6:10

yogot wanharek mene inom, inami'mik weak hilingitarek mene inom, amusu lugulugwi paluogeluk nenggarek mene a'nogo nunggu mondok welagaikharek mene inom, inane puk weak wenagisagarek mene inom, inenggi abisak wanharek mene inom, it afuni a'nogo hilingitarek mene andi mondogat Allah awe a'ma fisikhere'ma andi eisewerek asugun mondok lego.

GALATIA 5:20

tugwi kembuba himbirik logolik hilingitik, afuni ekhe inebe weak asuageluk wesarogo hilingitik, afuni ekhe inom weim palek welagik, heksek welagik, wene palhik, ina'mage horogat welagik, inonggwarek faget enek esinet fakhigik, afuni inebe misigat mene inom huli-huli hilingitik, hek-hek hilingitik,

ULANGAN 29:19

Hit hinanggele'ma andoma nen wene a'nogo hilingisu fuk iluk haferogo yagahisikhe mene andi re at ekhe nen holfoluk at oba ebe ambisangma mondok fano nek aga logogin angga fuk, we at onggwarek a'mage lagagin mene nen hilingirik lagain oba nen ogore. At hilingisigin andiba re ap fano meneet, weak meneet hinebe abirengge lek hilingisogo hinobagagin o.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

2 PETRUS 3:10

A'nogo werek meneat he, afuni inonggorat werek kwelek yi mene ti mene yogot wani kwagarek andi hak, ninoe Enupogot wesigin andi re, a'nogoat wesigin o. Andi sambul, pogot ebe misik sambulat sogoi ane hangge ilik-ilik legagik, yi mene ti mene pogoroba welagarek mene ero inomat endu ninggik, kweang ebe inom, yi mene ti mene kweangma welagarek mene inom, mondogat legagik, igin o.

2 PETRUS 3:14

Nerugwi nagaila'lak. Hinebe nendawi e. A'nogo wesigin iluk, nenangorogo logolik he, wene hinoba fakhigi'legat, weak agi'legat, Allah hinom fano were'ma at ebe hisa wesuagen, at faget anggilukhogo hilingiti logoino.

WAHYU 3:3

Hit a'nogo siakhogo menla'luk hinomame agi'lek halok he, afuni yogot wanuogeluk hinagaisogo wagaikharek andi hak, an a'nogoat, hiren, At yi sambul wesigin iluk, hinonggotma wesinogo iluk he, wene omanggum yagahisasukwama hinesanggo holhigip mene hinendawimo ebetfuluk he, weak hilingiti lagep mene fakhogo herakfisaluk hinobabut hebelasimbik, wene andiat hinenggi ninghogo fisogo logoino o.

1 SAMUEL 25:36

A'nogo yagatikhemo at he Abigail a'nogo sugulogo hun Nabal ambit wagunemen he, it ap raja nen seni isatarek omanogo hakhogo oloba seni hokho mene isati lagaukwa. A'nogo isati logolik at Nabal a'nogo lugu-lugwi palhikhesik agaiyek hokhorogo hilingitunem he, at agwe nen wene yi'nogo ti'nogo iluk ekhe yagati'lek werek kwelek enek he hobit huli agaikhe.