LUKAS 21:33 - Allah Wene Fano Wene Hupla Inane

³³ Pogot inom, kweang inom, legasigin meneat he, an nane andi legasigin lego, etok mondok logogin” iluk yagaisasikhe.

LUKAS 21:33 ပူးပေါင်းရင်းမြစ်များ

MAZMUR 102:26

o attak he Haren kweang tik warogo fesigin, nen pogot he Hat henggi nenat talogo fesigin.

MAZMUR 119:152

O attagen engge wene Haren yaganisikhi lagen mene a'nogoba nen nelu aga lagi, Haren wene andire mondok-mondok logogin mene faget fesigin.

YESAYA 40:8

Engga re puk agik, owil-owilengge re sawet agik ikherek, oba nen he nit nineisena Allah ane andi nek he etok mondok logogin,” iluk ikhe ino yaganete.

YESAYA 51:6

Pogot liakhaluk he kweangma hineilenggen lourogo pelakhani, Pogot he so'le higit mondogat legasigin, nen kweang he su tiliphogo lagarek hak legasigin, afuni elonggoma logogun mene mondogat he kolum wa'lagarek andi hak wa'lasugun. Oba nen he An nen woghisagain mene andi re hinagap telek mondok-mondok logogin mene, nen An nomame asigin mene andi re lek asigin lek mene wokhisagain o.

MATIUS 24:35

Pogot inom, kweang inom, legasigin meneat he, an nane andi legasigin mondok lego,” iluk yagaisasikhe.

MATIUS 5:18

An nane eberogoat yagahisak. Pogot inom, kweang inom, oan lek agi'lek werek kwelek ya re, wene Allah nen komotninafikhe mene andi, lisu endebat sobon al hangge inom, inesinggen misigat hangge inom, lek agi'lek mondok felelenghogo eberogoat hilinglasigin o.

MARKUS 13:31

Pogot inom kweang inom mondogat legasigin meneat he, an nane andi legasigin lego mondogat logogin,” iluk yagaisasikhe.

LUKAS 16:17

A'nogo kwi weri'lagwi mene re, pogot inom, kweang inom, legasigin meneat he, wene Allah nen komotninafikhe mene andi wurep endebat ekhe legasigin mondok lego.”

LUKAS 21:32

Yi'nogo hilinglasigin, ti'nogo hilinglasigin, iluk yagahisigi andi, afuni o yogondak werek mene inebe ekhe legagi'lek oan werek kwelegat, mondogat hilinglasigin o, iluk eberogoat yagahisigi.

1 PETRUS 1:25

Mene re, ninoe Enupogot ane andi etok mondok logogin o,” iluk isikhemo lisu palogo fesukwa andi. At ane andi ebe re, niren Fano Wene yagahisogorek mene andi aro.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.