LUKAS 20:14 - Allah Wene Fano Wene Hupla Inane

¹⁴ Lakfei wagaikhemo wagunem, it ap yabu kagalek welagaukwa mene omanogo ineilenggen yethasukwasik it-it ikhi logolik he, mel isukwa: Eisena obali'mo yabu eisewerek asigin mene a'nogo ebe waga a'li. Halok yabu yi nirat eisewerek asuogen he, ebe wasuogo, iluk,

LUKAS 20:14 ပူးပေါင်းရင်းမြစ်များ

MAZMUR 2:8

Haren kino yaganetunem he, yi afuni ti afuni inunggulenu lombok andoma Hat wokhesigin o. Nen o kweangma mondogat andi re Hat honggwarek hangge mene asigin o.

MAZMUR 89:27

A'nogo hilingisogo foumo aren he mel yaganesigin, ”An neisena re Allah Harat logogin o. Hawe a'ma fetnarek mondok logolik, telnafi logogin mene o,” iluk yaganeti logogin.

MATIUS 16:7

A'nogo yagaisasikhemo, it-it ikhi logolik mel isukwa: ”Sumburu roti mene ekhe waluk wagi'lek andi nen ikhe higi,” iluk ugunem

MATIUS 21:25

Menere, at Yohanes nen afuni ima pelaginafi lagaikhe a'nogo re, Allah pogoroba mene nen yagatikhemo pelaginafi lagaikhe a? I a, athe, afuni kweangma mene nen yagatukwama pelaginafi lagaikhe a. Yagane'ni ta!” iluk yagaisasikhemo, it-it ikhi logolik he, mel isukwa: Pogoroba mene nen yagatikhemo pelaginafi lagaikhe, iluk yagasumo re, aren he, ”Halok he, hiren Yohanes ane eberogoat iluk futfigi'lek welagagip andi nenahalok,” iluk, yaganisanogo.

MATIUS 21:34

Lagaikhesik werek kwelek, enggen itunem palharek oba higit asi agaikhemo re, ap eabu eisewerek mene a'nogo nen, amingmingengge mene ekhe it ap kwalogo logouwageluk fisasikhe mene omanogo nen anggur enggen ekhe wogosuageluk, inoba lakfisa wagaikhe.

LUKAS 19:47

A'nogo yagaisasikhesik he, at Yesus hundik-handik Allah awi wuri'mo wene yagaisugu mondok welagaikhe. A'nogo yagaisugunem it ap Allah eisewerek inogogwi kaindek inom, Allah ane lisu palek inelu mene inom, Yahudi mene kaindek inenu werek mene inomen, ”At Yesus ebe ninggi'nogo wasuok,” iluk abok palhi lagaukwa.

LUKAS 20:13

A'nogo mondok hilinginafukwama re, at kain eabu eisewerek mene a'nogo endawimo nen he, hobuk he, ninggi'nogo hilingitasik he. An nonggwarek namlogo nendawinggen hundik mene yiat inoba lakfoumo re, inane agaukhogo hai warogo wanugun anggikhi lagi, iluk anggasikhesik lakfei wagaikhe.

LUKAS 20:15

amlogo a'nogo yabumo nen leget enda'ma waganogo wulakfisasukwasik he, ebe mondok watukwa. It a'nogo hilingitukwa andi nen he, ap kain eabu eisewerek mene andi nen it ap andi ninggi'nogo hilinginabigin anggegep?

LUKAS 20:19

At Yesus nen wene a'nogo yagaisasikhemo re, it ap Allah ane lisu palek inelu mene inom, Allah eisewerek inogogwi kaindek omanogo inom, inesanggo holhukwasik he, ”Wene andi nit faget oba lirogo yaganisikhe higi,” iluk futfesukwasik he, andi sambul, at Yesus ebe fakfouwogeluk isukwa meneat he, afuni omanogo inailo nen he, kamo isukwa.

LUKAS 20:5

it-it ikhi logolik he, ”Allah pogoroba mene nen yagatikhemo pelaginafi lagaikhe, iluk yagasumo re, aren he, halok he, hiren Yohanes ane eberogoat iluk futfigi'lek welagagip andi nenahalok, iluk yaganisanogo.

LUKAS 22:2

it ap Allah eisewerek mene inogogwi kaindek inom, Allah ane lisu palek eisewerek mene inom, afuni mondogat inailo nen he, ”Yesus wene ninggi'nogo oba fembik wasuok he,” iluk weim abok ikhi lagaukwa.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 3:15

Nineluget ninaferek mene ero ebe at meneat he, hiren watepma Allah nen he, ebe eluget fikhemo, nit nineilenggen eberogoat hogosigen yagahisikhi lago o.

ROMA 8:17

Nit ninebe Allah againafuri halok he, at Kristus yi enggin ti enggin hasikhe hak, hogoin halok, Allah nen nit Kristus ninomat fogetninabigin andi nen he, Allah nen yi mene ti mene at againafuri wogisageluk abok yagaisasikhe mene andi, at Kristus ninomat wo'nisamo, eise logogun o.

IBRANI 1:2

Meneat he, o wurep oba, nit yogondak welago yaba re, Allah nen wene andi amlogo yagatikhemo, aren nit yaganisa wagaikhe. Amlogo andi re, eroba Allah nen yi mene ti mene mondogat elalhikhe andi, ebe at amlogo nenat elalhikhemo, eisewerek logouwageluk menfesikhemo welagarek andi.