LUKAS 2:36 - Allah Wene Fano Wene Hupla Inane

³⁶ Nen, o andoma he ekhe enu Hana. Ap Fanuel unggulenu Asyer mene a'logo, Allah ane yagaisikherek mene welagaikhe. At agun wanhikhesik oba nen 7 tahun emberek welagaukwasik,

LUKAS 2:36 ပူးပေါင်းရင်းမြစ်များ

KEJADIAN 30:13

A'nogo tatikhemo, at he Lea nen he, mel isikhe: ”Hemi mondogaren he, He Lea endawimo agaiyek hakhoago, iluk yaganesugun andi nen he, an nendawimo nagaiyek anggikhi lagi o,” iluk isikhesik, omalik andi enu Asyer salhikhe.

2 RAJA-RAJA 22:14

A'nogo lakfisasikhemo, ap Hilkia inom, Ahikham inom, Akhbor inom, Safan inom, Asaya inom, omanogo he enu Hulda, ebe o Yerusalem sili ekhe ket wutukwaba andoma logolik, Allah ane yagaisikhi lagaikhe mene a'nogo oba lagaukwa. At he andi, ap Harhas omba Tikwa amlogo enu Salum, afuni Tuhan awi wuri'mo At faget hilingiti logolik su labeti logogun mene faget hilingiti lagaikhe agun andi agwe. He andi wene yagasi lagaukwa mene omanogo esanggo holhikhesik,

AYUB 5:26

Hat hebe re, gandum enggen wurik agunem palharek andi hak, hebe hagap ket mondok logombik, yaman asimbigen wa'lasigin o.

MAZMUR 92:14

It andi re, e o Tuhan Awi wuri'mo yakfugu mene hangge welagik, nen nit nineisena Allah awi wuri'mo andoma nen hokho agu mene hakhogo hilingik logogin.

KELUARAN 15:20

A'nogo sebelinafikhemo, at he Miryam Harun oe ebe Allah ane yagaisikhi lagaikhe mene nen angge e anggwe folelek mene fothugunem ane ikherek mene wanhikhemo, hemi ekhe mondogat inangge e anggwe folelek mene wanhukwasik fothikhi logolik, inom wuni lagik-wagik watukwa.

YEHEZKIEL 13:17

Tuhan nen ikhi logolik, ”Afuni wa'lagaikharek mene yi re, yogondak hat he afuni hat hunggulenu mene inanggelekwe andoma mene nen nit he nabiage hemi welago iluk hilingitarek mene andoma heilenggen woginabimbik he wenagisan o,

LUKAS 2:35

inendawimo anggili'lagwi mene andi enegat asigin o. Nen, hat ogo re, karok enggat mago mene nen hendawinggenma talukhogo hoasu hagat, hendawimo mondok heiseligin o,” iluk yagatikhe.

LUKAS 2:38

A'nogo ugu were'ma, at Yesus agaisa eisena inom kwisukwasik welagaukwa andi sambul inoba wagaikhesik he, mel isikhe: ”Allah neisena a,” iluk hai watikhesik he, it afuni o Yerusalem mene inanggele'ma nen, Allah nen hobuk telninabigin iluk nenangorogo welagaukwa mene mondogat yagaisikhi logolik, ”Ebe waga yi,” iluk, yenggerek a'nogo abok yagaisikhi lagaikhe.

KISAH PARA RASUL 2:18

Andi sambul he, an namingmingengge mene, ap inom, hemi inom, an Nareagun hokhorogo inoba pelakfei wesigin o. Pelakfei wagunem he, iren an nane yagaisikhi logogun o.

KISAH PARA RASUL 21:9

At Filipus a'logomi inebe 4 mene re, inebe silerik logolik, Allah ane yagaisikhi lagaukwa mene welagaukwa.

1 KORINTUS 11:5

Nen, hemi inebe lombok he, inasu inunggul oba yanggulhi'lek logolik afuni andogore'ma samban igik, wene yagaisigik, ili'lagwi halok he, inonggwaregen inaguni lombok inenggali wasu hagat hilingiri'lagwi. A'nogo hilingiri'lagwi andi re, inesi felelenghogo pale'ma hilingisu hagat hilingiri'lagwi aro.

1 KORINTUS 12:1

Nerugwi nagaila'lak. Allah Areagun nen wo'nisikherek wene andi hinonggot logogun andi nabit.

1 TIMOTIUS 3:2

Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,

1 TIMOTIUS 5:9

It hemi sogwe mene Allah againafuri nen leberisikhi logouwageluk inenu lisu palugun halok he, inebe ta'lagaukwasik oba nen umur 60 tahun oan hilinglagi'lek mene inenu palugun lego. We, umur 60 tahun hilinglaga mene halok inenu palugun. Mene re, inaguni misigat mondok waganek were'ma sogwe fisaga mene halok inenu palugun.

YOSUA 19:24

Kweang fuap mene sumburisasikhe mene re, it inunggulenu Asyer mene ineisok erokwe omanogo inoba sumburogo wogisasikhe.

HAKIM–HAKIM 4:4

Andem sambul he, ap Lapidot agwe enu Debora, Allah ane yagaisikhi lagaikhe mene andi nen, afuni Israel mene wene inoba figik, kotik, ikhi lagaikhe.

1 SAMUEL 1:2

Ap Elkana andi agagwi inebe pire. Inenu re, Hana inom, Penina inom. At Penina eagwi taginafi lagaikhe meneat he, at Hana nek he, eagwi lek welagaikhe.