LUKAS 19:8 - Allah Wene Fano Wene Hupla Inane

⁸ at Zakheus a'nogo menlagaikhesik he, Yesus oba mel yagatikhe: ”Noe! An nangge yi mene ti mene mondogat tulem heirogo minggilogo re, it afuni inenggi lek mene andi sumburisagain. Nen, an nen afuni nera nen lalinafi mene halok he, onggo nenggi 4 oba nen hobuk oba loukhogoat wogisagain o,” iluk yagatikhe.

LUKAS 19:8 ပူးပေါင်းရင်းမြစ်များ

MAZMUR 41:1

Afuni nen wuni wulak fuluk inebe ambine seberogo ugunem yanggulinafu mene faget Daud awuni a'nogo.

KELUARAN 20:16

Hineranen wene afuni ekhe inabok palhubo.

AMSAL 6:31

Nen, hinatunem aben fak fembik halok he aren onggo tujuh kali lipat fagain fano, a'nogo hilingisigin andi faget he at angge yi mene ti mene mondogat legasigin.

BILANGAN 5:7

ap a'nogo nen aweak fageti logolik, ap are weagat fagain mene a'nogo onggo higithogo wogeti logolik he dua puluh persen ekhe inom oba mangorogo wogeti logogin.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

LUKAS 12:33

Hit hinagarek mene andi onggo hunisimbik he, onggo uang hunisugun mene omanogo it inagarek lek mene inelagaik mene andi sumburisano o. Sumburisaluk he, uang awi fili agarek lek mene waganogo fuluk, kwalogo fikhi logou hak, hinagarek fano mondok lek asigin lek mene, it ap ineil masi weak mene nen yogot hinasi kwigik, elugengge nen palhik, ikherek mondok le'ma pogoroba andoma kwalogo hinobagauwageluk lakfakhikhi logoino o.

LUKAS 16:9

Andi halok he, an wene ekhe yagahisak: ”Hinagarek yi mene ti mene kweangma mene, ineilmasirogo weak hilingitarek mene andi lek aga halok, hinawi fano mondok logogun oba wokhinabuageluk he, yogondak ya hinagarek andiba hinagaila'lak hinom enggawerakhikhi logoni o,” iluk yagaisasikhe.

LUKAS 19:7

Emberek lagunem, it afuni nen ineilenggen yerisasukwasik, wene palogo inane nguluk-habuk inabok palhi logolik he, mel isukwa: ”Yesus he, ap weak hilingiri'logo mene a'nogo aiba emberek nogo i louwogeluk lili'lagwi andi nailo e!” iluk isukwa meneat he,

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 7:19

mel yagaisasikhe: ”Ap ekhe wesigin ikhi lagaukwa a'nogo harara? I a, athe, ap hunogoat mene ekhe yerogo logogun a, iluk yagasi lani o,” iluk, Tuhan Yesus oba lakfisa wagaikhe.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.