LUKAS 19:20 - Allah Wene Fano Wene Hupla Inane

^20-21 It a'nogo yagaisasikhemo nen, hobuk at ekhe wagaikhesik he, mel yagatikhe: Noe. Hat hobabut mondok ningsek logolik, hat mene le'maat he, it ekhe mene heligik, nen, haren awi feik lakfigi'lek, we, it ekhe nen awi feik lakfaga meneat he, enggen henggi abisak paligik, egendek a'nogo nen, hobabut palhirik, nailo nen he, uang emas hokho mene misigat wo'netigin a'nogo an su likak tetu mene elonggoma yelogo fisogo welagirik he, wokhesi wagi yi o, iluk yagatikhe.

LUKAS 19:20 ပူးပေါင်းရင်းမြစ်များ

MATIUS 25:24

A'nogo yagatikhesik were'ma, ap ekhe uang 1.000 nen wanhikhe mene a'nogo oba wagaikhesik he, ”Noe. Hat he, hobabut mondok weak andi nen he, it ekhe nen awi feik lakfaga meneat he, enggen henggi abisagat paligik, it ekhe awi yata meneat he, enggen henggi abisagat folhik, egendek a'nogo re, an hobabut nelu o.

LUKAS 19:13

A'nogo anggasikhesik logolik he, amingmingengge mene inebe 10 nen wolisasikhemo wagaukwama re, uang emas hokhondek mene ebe 10 nen inebe lombok misik tek sumburogo wogisikhi logolik he, mel yagaisasikhe: An oan wagi'lek werek kwelek, narupiah yiba onggo palogo sik-pikhogo hilingiti logoino, iluk yagaisasikhesik he, at a'nogo lagaikhe.

LUKAS 19:19

at oe a'nogo nen he: Nagot wa! Halok he, o sili 5 nen yoma hobuk hat eise logolik ferinarek logoinogeluk menhobagagi o, iluk yagatikhe.

LUKAS 3:9

E ero lombok enggen fano mene iti'lek halok, mugisogo endumo lakfisoageluk posie e omanggen oba fangsek mondok werego,” iluk yagaisasikhe.

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

YOHANES 11:44

Lazarus ebe wa'lagaikhe mene a'nogo eluk a'luk, enggi eisok engga yeligat, elokhonggen su laberegat, wulibi wagaikhe. A'nogo wulibi wagaikhemo, at Yesus nen it afuni andoma welagaukwa mene omanogo yagaisikhi logolik he: ”Ebe kwe loagen, oba engga su mene yelik yoma fikhal feni o,” iluk yagaisasikhe.

YOHANES 20:7

A'nogo meneat he, su Yesus ungguloba puksek mene nonggolek a'nogo nek he, su kut mene nonggolek welagaikheba aremnogo inom misi'mo welagaikhe lek. We ale'ma hak yinggilogo were'ma eilenggen hasikhe.

YAKOBUS 4:17

Hit hinendawimo nen he, ”Higit hilingisugun he, yi'nogo,” iluk hinelu logoligat he, ebe hilingiti'lek halok he, hit weak hilingi'luk wene hinoba fakhikhi lagebo.