LUKAS 18:32 - Allah Wene Fano Wene Hupla Inane

³² Nebe noasuageluk, yonggo lambik it ap enda'ma mene inenggiba nobagagun o. Nobagaumo, inane asegen wo'niigik, endo ya'nafik, wesi nobagagik,

LUKAS 18:32 ပူးပေါင်းရင်းမြစ်များ

YESAYA 50:6

Ap an yei noari'lagwi mene andi nambot wogisaluk, nelokhenggen he ap nomboro lit hili'lagwi mene omanogo wogisikhi lagi. Aben li'norogo hilingnobagagik, noba wesibak subet niigik, ugunem he an nelokhe hebekhogo hinakfikhi lagi lek.

YESAYA 52:14

Attak he afuni hokhorogo nen At ebe ineilenggen hasukwasik youk lagaukwa, oba nen he elokhe mondok weaget fagama re, afuni inelokhe hangge hilingik logogin lek.

YESAYA 53:3

At andi re yi enggin ti enggin higik, heinet weakhogo wato welagik ugu were'ma, at ebe inendawimo seramet fisigik, agaiseratik, agarek. Ap misik iluk ogo ineilenggen at oba kwelakha inabit welagaikharek. Nen niren ogore at faget ninendawimo seramet fogoregat.

MIKHA 5:1

Tuhan nen ikhi logolik, ”Hit afuni Betlehem Efrata mene yi, o Yehuda ba yoma yi awi ti awi o kota sili werek mene yoma nen he, hit hinawi kota Betlehem yi nek he kota we endep mene werek oba nen, An nen it hinombawi inunggulenu attak welagaukwa andi mene, afuni Israel mene ferinaferek logolik yagaisikhi logouwageluk menfagain o,” iluk isikhe.

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

MATIUS 20:19

Wene noba fembik he, it ap endakwe mene nen inane asegen yaganetik, yei lambisogengge noatik, imbik he, nebe eba mennobagambik noasuageluk wogisogoin o. Nen, arat noatunem, nenggi pire warek logombik he, henaganek he neisena Allah nen neluget nabigin o,” iluk, yagaisasikhe.

MATIUS 22:6

It ekhe nen, at kain amingmingengge lakfisasikhe mene omanogo inebe fakfisaluk yei inoatikhesik he, inebe mondok inoatik, isukwa.

MATIUS 26:67

A'nogo yagatukwasik he, wesi oba figik, yei watik, inenggi yinggilogo tung-tanghogo watik, ikhi logolik he,

MATIUS 27:2

enggi hele warogo at Pilatus ebe Gubernur kain were'ma oba waluk wagaukwasik he, wogetukwa.

MARKUS 14:65

A'nogo yagatukwasik he, it ap omanogo ekhe nen wesi suphogo Yesus oba fesukwasik he, inenggi nen eilenggen salfuluk, yei inenggi tap wati logolik he, ”Sa nen hoate nogo. Yaganisan ta,” iluk yagati lagaukwama, it ap kaindek omanogo inagoromi Allah awi wuri'mo kagalek welagaikharek mene nen ebe fakfesukwasik yei inenggi nen tamuk-tamakhogo watukwaat.

MARKUS 15:1

A'nogo hilingiti lagaukwasik, o wei isikhemo re, ap wene Allah faget ero pilingitarek mene inebe mondogat, it ap Allah eisewerek mene inogogwi kaindek omanogo inom, inaluendek omanogo inom, Allah ane lisu palek eisewerek mene omanogo inom, fena inomaren, ”Yi'nogo hilingisuok,” iluk isukwasik he, Yesus enggi hele warogo Pilatus wogosi wagaukwa.

LUKAS 18:33

yei lambisok noatik, imbik he, nebe mondok noasugun o. Noatunem he, nenggi pire warek logombigen, ekheba re, neluk asigin o,” iluk,

LUKAS 23:1

Wene a'nogo isukwasik, afuni inebe welagaukwa mene omanogo mondogat menlagaukwasik he, Yesus Pilatus oba waluk wagaukwa.

LUKAS 23:11

Fugunem he, Herodes agoromi tentara mene omanogo inomen, Yesus ebe inendawimo inabiret fuluk, inane asegen hokhorogo wokhikhi lagaukwasik he, su fano mondok kaindek labetarek mene ekhe labetfesukwasik, ambotkwe Pilatus oba lakfei wagaukwa.

LUKAS 23:35

It afuni omanogo andem mendek logolik ineilenggen werek kwelek he, it ap Yahudi mene inogogwi kaindek omanogo inambisang singgin isukwasik, Yesus inane asegen wokhikhi logolik he, mel isukwa: ”At yi Allah nen Kristus menfuluk lakfei wesigin isikhe a'nogo ebe arat halok he, it afuni ekhe elok telinafi laga a'nogo hak, onggwarek ebe ogore a'nogoat telanik he,” iluk yagatukwa.

YOHANES 18:22

ap Allah awi kagalek welagaikharek mene omanogo ekhe ebe andem mendek logolik, at enggi tap lambukhogo Yesus yei wati logolik he, mel yagatikhe: ”Ap Allah eisewerek mene inoe kain yi nen yagahetunem, haren wene a'nogo yagasu hak nogo? elo'lego,” iluk yagati lagaikhemo,

YOHANES 18:28

A'nogo hilingi'luk, sue ane isikhemo hup siakhogo at Yesus ap Kayafas were'ma nen, o wene inoba figik kotik agarek oba waluk lagaukwa. Waluk lagaukwasik he, Yesus enek oloba kwelakfesukwasik, ”Nit seni Paskah a'nogo mene ninggi logou ha'ma, ninabisak kumo re, nit ninebe weak fakhogo hanogo,” iluk he, o wene inoba figik, kotik agarek oba andoma kwigi'lek we o silimo kamo isukwa.

YOHANES 18:30

iren he, mel yagatukwa: ”At yi weak hilingiti'lek logoilepma re, hat hoba waluk we'lo legaro,” iluk isukwama,

YOHANES 18:32

Inane a'nogo yagatukwa andi re, at Yesus nen wene fageat yagaisikhi logolik, ”An yi'nogo hilingnabimbik noasugun,” iluk ikhi lagaikhe mene a'nogo, it a'nogo hilingitukwama, at ane ebe agaikhe andi.

YOHANES 18:35

at Pilatus nen he, mel yagatikhe: ”Wene yaganeten andi re, an nebe ap Yahudi mene nen yaganeten a? It ap honggwarek hogogwi hagoromi inom, ap Allah eisewerek inogogwi kaindek inom, inomen, hat hebe an wo'neta andi re, hat ninggi'nogo hilingitenma,” iluk yagatikhemo,

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 3:13

Nineisena Allah andi, Abraham inom, Ishak inom, Yakub inom, ninombalak ekhe inom, ineisena Allah andi nenat he, amlogo Yesus esinet fesikhe andi. Mene re, hiren, it ekhe nen wasuageluk inenggiba fegepma re, at Pilatus nen enggi hele fikhalogo wulakfeigeluk ugunem, hiren he, Ap andi ninabiro, iluk egep a'nogo.