LUKAS 18:14 - Allah Wene Fano Wene Hupla Inane

¹⁴ It samban a'nogo isukwa andi faget, an wene ekhe yagahisak. Ap sa nen endawinggen legeisogo fakhaluk fogerakhugu halok he, Allah nen sebelfisikherego. Nen, ap sa nen endawinggen sebelfakhaluk, an elo'lek, anggikhe halok he, Allah nen legeisogo fisikherek andi nen he, at ap samban attak ikhe mene andi, Allah nen wene oba mene sebelogo legetfisigi'lek kamo isikhe. Meneat he, at ap samban hobuk isikhe mene andi nek he, Allah nen wene oba mene sebelogo legetfisasikhemo aiba lagaikhe, iluk yagahisigi,” iluk yagaisasikhe.

LUKAS 18:14 ပူးပေါင်းရင်းမြစ်များ

AYUB 22:29

At Allah nen he it afuni wonoget fakhagarek mene re sebelogo fisikherek, oba nen he it afuni sebel fakhagarek mene re inagap telinaferek.

AYUB 25:4

At Allah eilhanem he afuni ekhe inaweak lek mene mondok fanorogo nek logou hak anggegen a?

AYUB 9:20

An nen tiphogo nek hilingiti logolik weak ekhe hilingiti'lek iluk ikhi lagiba nen nambeba nen he agaumsek mene wulibi weri'lago. An nane igin iluk nambeba nen ikhi lagi mene andoma re, At Allah weaget fikhi logolik hakhogonek ikhi lagi.

MAZMUR 138:6

Hat hebe lego mondok logolik hokho hagun welagen, oba nen he it mondogat sebelek mene re Haren futfisikhi lagen enek, ap wonoget fakhagarek mene re Hat helokhoma nen hina'lasu lek hak.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

KELUARAN 18:11

It afuni Mesir mene nen wonoget fakhikhi logolik hilingitu kwelek At Tuhan nen a'nogo hilingiti laga andiba re, it mene inanggembu ilahi omanogo mondok sebelek werek kwelek At Tuhan enek he mondok hokho mene werek iluk an yogondak futfikhi lagi o,” isikhe.

AMSAL 15:33

Komorinafunem nendawinggen kagalagarek andi ero re Tuhan oba inailorogo welagaikharek andi aro. Nen legeisogo ninobagauwageluk halok attak he inendawimo sebelfakhogoin halok fano.

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

AMSAL 25:7

Hit yagahisikhi logolik hat hobali'mo ap ineabu lego mene ekhe logouwak iluk yagaisagarek andi re weak hak oba nen, heabu ambolkwe lego meneba ekhe lagain iluk liak fisagarek andi nek he mondok fano.

AMSAL 29:23

Ap legeisogo fakhikherek mene andi re hobuk sebelasigin, nen ap obabut sebelek mene re hobuk fogerasugun.

AMSAL 3:34

At Tuhan he ap leget fakhagarek mene inoba re abit isikherek oba nen he ap sebelfakhagarek mene inoba re fanot fisikherek.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

YESAYA 45:25

Oba nen he Yakub ombawi mene nek he inagap telinabigin, nen iren An Tuhan foget nafi logogun o, iluk ikhe.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

HABAKUK 2:4

Ebereogo nen he, it weak hilingiri'lagwi mene andi fano asugun lek. Oba nen he, it ekhe Allah endawimo anggikherek mene andi higithogo hilingiri'lagwi mene nek he, inendawinggen Allah oba himbiret fuluk logogun andiba, ineluk mondok logogun o,” iluk yaganete.

MATIUS 23:12

Ap sa nen onggwaregen, an kain, iluk menlasigin halok he, Allah nen ebe sebelogo inawe a'ma fagain o. Nen, at sa onggwaregen it ekhe inawe a'ma hak logogin halok he, Allah nen ebe legeisogo fagain o,” iluk yagaisasikhe.

MATIUS 5:3

”Afuni inendawimo nen, An he, Allah eilhanem elo'lek welagi, we Allah oba nek tibet fuluk logogin iluk anggagarek mene andi, Allah awe a'ma fisikherek oba andoma eisewerek irat agaikhasik werek andi nen he, inendawimo inagaiyek hikhi logouwak.

LUKAS 1:52

Afuni kaindek inenupogot welagaikharek mene andi sebelogo fisikhi logolik he, it inenu lek mene andi menfisigik,

LUKAS 10:29

at ap a'nogo endawimo nen he, Yesus nen, ap andi fano hilingiterek mene, iluk anggoageluk, mel yagatikhe: ”Afuni ninom welagorek mene nendawinggen hundik logogun andi, inebe sani,” iluk a'nogo yagatikhemo,

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

ROMA 3:20

Wene Allah nen komotninafikhe wene andiba re, nit afuni weak hilingitorek mene fagikherek andi nen he, nit mondogaren wene aren komotninafikhe wene andi hologo logolik, at eilhanem higithogo hilingisugun elo'lego. Hologo hilingiti logoumo, aren hobuk ninom hunisogo ninobagau meneat he, elo'lego.

ROMA 4:5

A'nogo meneat he, afuni ekhe nen Allah endawimo fanorogo yi mene ti mene hilingiti'lek logoligat, inendawimo nen he, ”It afuni ekhe nen Allah ebe inendawimo sebelfikhi lagaikha meneat he, aren he, it wene inoba mene elok korogo legetfisaluk hobuk inambotkwe at inom hunogo fisikherek,” iluk inendawinggen at oba himbiret fugunem he, aren he: ”Hinobabut higithogo hilingiti logou hak, hinendawinggen an noba himbiret fegepma wene hinoba mene korogo wokhigirik, hinambotkwe ninom hunogo hinobagagi andi aro,” iluk yagaisikheregat.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

ROMA 8:33

Allah nen ninebe wenagaisogo wo'ninafikhe mene halok, wene ninoba mene korogo wokhamo re, hobuk wene sa nen ninoba fagain nogo? Elo'lego.

GALATIA 2:16

Mene re, afuni wene Allah nen komotninafikhe wene a'nogo higithogo hilingitunem he, Allah nen wene inoba mene korogo wokhilik inom hobuk inambotkwe hunogo fisikherek lek. We, inendawinggen Yesus Kristus oba himbiret fugunem enek, hunogo fisikherek iluk hineluaro. Wene andi faget, Allah aneba lisu mel iluk palek werek: ”Afuni ekhe nen higithogo hilingitunem, wene inoba mene korogo wokhilik, inom hobuk inambotkwe hunogo fisikherek lek,” iluk lisu palogo fesukwa andi nen, niren wene Allah nen komotninafikhe wene a'nogo higithogo hilingitunem fuk. We, ninendawinggen Kristus oba himbiret fugunem wene ninoba mene korogo wokhaluk, at ninom ninambotkwe hunogo ninobagauwageluk ninendawinggen Kristus Yesus oba himbiret fesugu andi.

YAKOBUS 4:10

Ninoe Enupogot awe a'ma kuluk hinendawinggen sebelogo logogun halok he, aren legeisogo hinobagagin aro.

YAKOBUS 4:6

A'nogo meneat he, Allah nen ninebe endawirogo logolik, hokhorogo lebe'nisikherek andi. A'nogo hilingitarek andi nen mel isukwa: ”Afuni inonggwaregen fogerakhugunem Allah nen inoasigeluk abit isikherek. Menere, inonggwarek inendawinggen seberogo logogun halok endawirinaferego,” iluk lisu palogo fesukwa.

1 SAMUEL 1:18

A'nogo yagatikhemo, at Hana nen Eli yagati logolik he, ”Neisena, an hamingmingengge hendawitnafi logoino o,” iluk yaga'luk he, sumburu nagaluk wagaikhesik endawimo fano logolik oba heanerogo nasikhe.