LUKAS 18:13 - Allah Wene Fano Wene Hupla Inane

¹³ at ap uang pemerintah faget kino iluk andogoterek mene a'nogo nek he, ebe yatma mendek logolik ot legeisogo eilenggen pogoroba higit liak higi'lek ailorogo logolik, enggi nen endawinggen fothikhi logolik he, mel isikhe: Allah neisena e! An weak hilingiti lagi mene yi hendawi nean o, iluk yagatikhe.

LUKAS 18:13 ပူးပေါင်းရင်းမြစ်များ

2 SAMUEL 12:13

A'nogo yagatikhemo, at Daud en Natan mel yagatikhe: ”An At Tuhan elokhoma mondok weagat hilingiti o,” iluk yagatikhe. Yagatikhemo, at Natan nen he, ”Hat weak hilingiten mene andi, Allah nen sagalogo herakfisikhemo re, hebe wa'lasigin lego.

2 TAWARIKH 33:19

A'nogo at Manasye nen samban isikhemo Allah nen onggo yagatikhe mene inom, at ebe endawinggen hebelhi le'ma aweak hilingiti lagaikhe mene inom, kembu fogerati lagaikhe kwe inom, kembu he mene dewi Asyera alik waganek welagaikhe mene inom, aren tugwi kembu ekhe mene ekhe mene fogerati lagaikhe mene inom, omanogo mondogat he buku it nabi nen hilingiti lagaukwa mene tindelogo palek mene a'nogoba mondogat palogo fesukwa.

2 TAWARIKH 33:23

Oba nen he at eisena nen endawinggen sebel fakhaluk hebekhogo Tuhan ambit wagaikhe hakhogo re, hilingiti'lek weak enek hokhorogo hilingiti lagaikhe andiba re, at eisena nen hilingiti lagaikhe mene inom he higitsek lek welagaikhe.

EZRA 9:6

A'nogo liak figirik, an nen ikhi logolik he, ”Neisena Allah, nit ninaweak he lagaikhe-lagaikhe ninunggul horok-horok pogot fakha hak hilingi'mo re, an nen Hat heilhanem nelokhe legeisogo liak hea aplere nenggali mondok hokho ari'lago o.

AYUB 42:6

Andi nen he, an nane igi mene mondogat nendawimo ebethaluk he, nenggali ari'lago. An nendawimo nen he, Nane weak igimo, iluk anggigirik he, nebe kweang alolongengge oba inom, wul oba inom hurek welagi o, neisena,” iluk yagatikhe.

MAZMUR 106:6

It ninambu ninombalagen hilingiti lagaukwa higithogo nit mondogat weak hilingito, niren he mondok kwanirogo nek hilingitik, Hat hawene melalek sagalogo hilingitik, ogo.

MAZMUR 119:41

Tuhan neisena, Haren an hendawi hundik hilingnafi lagen mene andi inuk nean o, Haren wene watnisasigin higithogo nagap telnabin.

MAZMUR 130:7

Hit afuni Israel mene hineisena Tuhan nen endawi hundik mondok logolik, telninafu mondok welagarek andi nen he, ”Nit hobuk telninabigin,” iluk, serogo mondok logouwok.

MAZMUR 25:11

Tuhan neisena, an naweak hilingiti mene mondok hokhore'ma re, Haren wene watneten higithogoat naweak lek hilingisogo nobagain o.

MAZMUR 25:7

An nebe souge logolik naweak hilingiti mene inom, kwanirogo hilingiti mene inom, Haren leget nobagambik he, Hat hobabut fano logolik, hendawi hundik hilingiti lagen andiba an noba ebetniugu nogo.

MAZMUR 40:12

Tuhan neisena, an obokhogo hera'nobagagi'lek hendawit nafu logoino o. Hat hawe a'ma lombokhogo nobagaluk hendawirogo fetnarek mondok logoino o, iluk wuni watikhe.

MAZMUR 41:4

At ebe ou were'ma Tuhan nen lebethikhi logogin, nen oba ou logogin mene a'nogo fanot fikhi logogin.

KELUARAN 33:10

Ohena mendek a'nogo Tuhan awi su mene wuri'mo andi kweba were'ma, it afuni Israel mene ineilenggen yethaluk he, inebe mondogat inaiba lombok kweba menla'luk, ineindep awi yagaisogo fogerati lagaukwa.

YESAYA 1:18

Tuhan en ikhi logolik he, ”Hit weak hilingitu mene hinenggiba mep yuguli'mo unggum hinoba werek oba nen ogore An nen sue yanggwi esi eil kut andi higit pugunet hinobagagin o, nen hiren weak hokhorogo hilingitik, enggin mene hinoba welagik, hilingik welagep oba nen ogore, An nen mondogat sagalogo legetfisagain aro. Ma re, wene hinoba werek mene andi An nen korogo wokhagain enggere noba we'ni o.

YESAYA 6:5

A'nogo hilingigen he an nen ikhi logolik, ”Egi, an nambeba re weak mene nek ikhi lagi, nen nebe ogore afuni ineranen wene nek agarek mene omanogo inanggele'ma welagi hilingi'mo re, weaget nabiginat higi! iluk ebetirigen, ariginik welagiba nen At Tuhan Omame Mondok Hokho logolik, ebe Raja werek a'nogo an neilenggen nen tukhumhogo arat higi omare agwi,” iluk igi.

YESAYA 66:2

Yi mene ti mene mondogat oma re An nenat elalogo fesigimo werek. Andi nen he An nendawimo namolo re, afuni inendawinggen sebelfakhaluk, weak hilingitarek mene herak fisigik, An noba inailorogo welagik, nane hologo hilingitik, ikhi logogun andiat namolo welagirego,” iluk ikhe.

YEHEZKIEL 16:63

An nen hobuk hat weak hilingiti lagen mene andoma sagalogo leget fisagain, oba nen haren enek he honggot asigin lek, yi wene ti wene faget hane u re henggali nek aga logogin. Iluk An Tuhan Lego Mondok welagirek mene a'nogo nen nane mondogat igi,” ikhe.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

MATIUS 6:5

A'nogo yagaisasikhesik ekhe mel yagaisasikhe: ”Halok he, hit samban ikhi logolik, afuni ekhe inagap oba nek fano hak logolik inendawinggen pire mene nen he, samban ikhi lagi andi afuni nen futnobagauwageluk, Allah awi wuri'mo kwagaresik he, inebe menla'luk samban igik, kwe handogalma menla'luk samban igik, agarek andi hak he, ikhi logogubo. It andi onggo hela hak he, we fogerinabi'lagwi andi aro, iluk eberogoat yagahisigi o.

MATIUS 9:13

Allah ane ekhe mel isikhe: An Allah nendawimo re, afuni nen inanggo wa'netarek andi nabiro. We, it afuni ekhe hinendawirogo logogun andiat namolo. Iluk isikhe wene andi furogoat futfei lani o. An wagagi andi re, afuni inobabut fano hilingitarek mene inayonggo feigeluk wagagi fuk. Lego. We, afuni inobabut weak hilingitarek mene andi inayonggo feigeluk wagagi o,” iluk yagaisasikhe.

MARKUS 11:25

Hit ekhe menla'luk samban ikhi logolik he, weak hilingitep mene nineisena Allah pogoroba mene nen sebelogo legetfisoageluk, afuni nen hit weagethinafa mene hiren wene inoba fuluk welagep halok he, andi sebelogo herakfisano.

LUKAS 17:12

Pikhi logolik, o sili ekhe kwi lagunem he, ap inebe 10 nen inoumo henanggo inailo mene inebene welagaikhe mene nen ineilenggen Yesus yethasukwasik he, inebe yatma andem menlasi wagaukwasik logolik, mel yagatukwa,

LUKAS 22:41

at ebe ale'ma tegelogo horogat lagaikhesik, eindep awi yagaisogo samban ikhi logolik,

LUKAS 23:48

Nen, it afuni hokhorogo ineilenggen houwogeluk wagaukwa mene omanogo a'nogo hilingitunem ineilenggen hasukwasik hobuk inambotkwe inaiba laga logolik, inebe mondogat inendawinggen inenggi nen fothigik warilik-warilik lagaukwa.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

KISAH PARA RASUL 2:37

A'nogo yagaisasikhemo, inesanggo holhukwasik, wene andiba inendawinggen abolok isikhemo re, iren Petrus inom, it ekhe Yesus nen wenagaisogo inayonggo fuluk lakfisasikhe mene ekhe inom, yagaisikhi logolik he, ”Nagaila'lak. Nit ninobabut ninggi'nogo hilingisu,” iluk yagaisasukwa.

ROMA 5:8

A'nogo meneat he, at Allah ninebe endawi nen hilingiterek andi enegat asuageluk, nit weak hilingitu were'ma, Kristus ebe wo'nisasikhemo ninobali'mo wa'lagaikhe andi.

2 KORINTUS 7:11

At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.

1 TIMOTIUS 1:15

Afuni weak hilingitu were'ma Kristus Yesus nen ninebe telninabigeluk kweangma yoma pi wagaikhe iluk igi andi, afuni nen he, ”Wene andi eberogoat,” iluk furogo wanugun mene. Afuni ekhe weak endebat hak hilingitarek meneat he, an enek he, weak hokhorogo mondok hilingiti lagagi andi.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

IBRANI 8:12

It weak hilingitarek mene andi, an nen sebelogo legetfisaluk, hobuk nendawimo eberek logogin lego,” iluk yagaisasikhemo lisu palek werek.