LUKAS 17:26 - Allah Wene Fano Wene Hupla Inane

²⁶ It afuni ap Nuh werek oba andem hilingiti lagaukwa higirat he, an abat ta'lasi wagagi a'nogo hobuk a'nogoat hilingitunem wesigin o.

LUKAS 17:26 ပူးပေါင်းရင်းမြစ်များ

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

KEJADIAN 6:7

A'nogo endawimo weak agaikhesik, mel isikhe: ”Nambigen it elalinafi e, igi andi nen, afuni an nen elalinafigi mene andi inebe mondok legetfisikhi logolik, wam, sue, paik, yi mene ti mene enggi lek werek mondogat legetfisagain o,” iluk isikhe.

KEJADIAN 6:8

A'nogo isikhe meneat he, at Nuh nek he Allah endawimo fano asuageluk hilingiti lagaikhe.

YESAYA 22:13

Oba nen hebekhogo hit he hinagaiyekhogo hilingiti logolik seni isati logogun. Hiren hinaiba hinanggo kambing, domba wat fakhaluk eino ninggik, hinagai anggur agai ninggik ikhi logolik, ”Nit hobit wa'lasugun enggere, ninamburu ninggik, ninagai ninggik ikhi logouwogen we'ni o!” iluk wolinafi logogun.

LUKAS 17:22

A'nogo yagaisasikhesik, at agoromi ane wanhi lagaukwa mene omanogo yagaisikhi logolik he, mel yagaisasikhe: ”An abat ta'lasi wagagi a'nogo hundik-handik hobuk ninom mondok logogun mene re, oan werek kwelek, hit hinendawimo nen he, ninenggi misigam faget nineilenggen helo e, iluk a'nogo anggogoin meneat he, hineilenggen niigi'lek logogun oba weregaro.

LUKAS 17:24

An abat ta'lasi wagagi a'nogo wesigin he, o eilabut yegelhikhi logolik pogot erokwe a'lima mondok selek arik lagarek andi hak, wesigin o.

LUKAS 17:27

Nuh werek kwelek, it afuni andoma inamburu ninggik, enggen amusu ninggik, aben hemi ikhigik, it ekhe igisigik, ugu kwelek, ap Nuh a'nogo e so elema kwisikhemo, i nabung-habung ikhi logolik, it afuni omanogo felelenghogo inoatikhe.

LUKAS 17:7

A'nogo yagaisasikhesik he, hobuk wene ekhe inom mel yagaisasikhe: ”Hit ekhe hinamingmingengge mene hineabu wanhi logombiga, hinanggo konhi logombiga, oan kwi wagu kwelegat he, hamburu weak-weak name o, iluk yagasugun anggegep? Lego.

LUKAS 18:8

Lego. Weak-weagat elele woginabigin o, iluk eberogoat yagahisigi. A'nogo hilinginabigin meneat he, an abat ta'lasi wagagi a'nogo hobuk wesimbik he, afuni kweangma mene yoma ekhe inendawinggen noba himbirik were'ma isa wesigin a? Lek he a,” iluk yagaisasikhe.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

2 PETRUS 2:5

Andi higirat, afuni attagat welagaukwa andem oba logolik, Allah inabit mene nen inobabut weak hilingiti lagaukwama Allah nen herakfisigi'lek. We, i nabunghabung ikhi logolik inoasuageluk inoba pelakfei wagaikhemo inoati logolik, Nuh, afuni inobabut Allah endawimo amolo mene hilingiti logouwageluk wene yagaisikhi lagaikhe mene inom, inebe 7 nen ekhe inom, telinafikhe andi.

2 PETRUS 3:6

A'nogo walhasikhesik he, hobugen iba nabunghabung uageluk isikhemo, kweang andi i andibaat weaget fesikhe andi.