LUKAS 16:31 - Allah Wene Fano Wene Hupla Inane

³¹ at Abraham en he, mel yagatikhe: It hoe hagot andoma Musa wene inom, it ap Allah ane yagaisikhi lagaukwa mene inane andi inom, inesanggo holhi'lek halok he, ap ekhe wa'la'luk lagaikharek oba nen eluk a'luk yagaisa lamo, it andi inendawimo nen he, eberogoat anggaluk inesanggo holugun elo'lek aro, iluk yagatikhe,” iluk Yesus nen yagaisasikhe.

LUKAS 16:31 ပူးပေါင်းရင်းမြစ်များ

LUKAS 16:30

ap a'nogo nen he, mel yagatikhe: A'nogo egen meneat he, ap ekhe wa'la'luk lagaikhare'ma nen eluk a'luk isa lamo nek he, inobabut hebelasugun o, neisena e, iluk yagatikhemo,

LUKAS 17:1

At Yesus nen a'nogo yagaisasikhesik he, at agoromi ane wanhi lagaukwa mene omanogo wene ekhe mel yagaisasikhe: ”Afuni nen an obokhogo heraknobagauwageluk it ekhe inendawimo kagalugun mene weregaro. Meneat he, at sa nen inendawimo kagalhu mene andi Allah nen ebe weaget fagain o.

YOHANES 5:47

Menere, wene Musa nen lisu palogo fesikhe mene andi, hiren eberogoat iluk futfigi'lek welagep halok, an nane andi ninggi'nogo futfuluk eberogoat iluk anggogoin nogo. Elo'lego,” iluk yagaisasikhe.

KISAH PARA RASUL 19:8

A'nogo isukwama re, at Paulus o afuni Yahudi mene samban ikhi lagaukwaba kwisikhesik ailo lekhogo logolik he, wene Allah nen awe a'ma fisikherek wene a'nogo futfuluk wanuageluk, inendawimo kagalogo, wene aren yagaisigik, iren onggo at yagatik, ikhi logolik he, tugi henagan welagaikhe.

KISAH PARA RASUL 26:28

A'nogo yagatikhemo, at Agripa nen he, ”An nebe yogondak ya weak-weagat Kristen mene asuageluk, haren hilingnabigin iluk anggikhi lagen a? Elo'lego,” iluk yagatikhe.

KISAH PARA RASUL 28:23

A'nogo yagatukwasik, ”Nit ninenggi yiba nen hobuk hoba wesugun o,” iluk wene waretukwa. Wene waretukwasik he, inenggi andiba inebe hokhorogo o Paulus welagaikheba ambit wagaukwa. Wagaukwama, ohealegen pikhit hubanggo wene Allah awe a'ma fisikherek wene a'nogo yagaisikhoat welagaikhe. Yagaisikhi logolik, iren Yesus hilingitikhe wene andi eberogoat iluk futfouwageluk, wene Allah nen komotninafikhe wene Musa nen lisu palogo fesikhe a'nogoba inom, ap ekhe Allah ane yagaisikhi lagaukwa mene nen lisu palogo fesukwa a'nogoba inom, komorinafi lagaikhe.

2 KORINTUS 4:3

Fano wene yagaisilik nikhi lago mene andi, afuni ekhe nen futfili'lagwi meneat he, it afuni longgo ili'lagwi mene nek he, wene andi faget inendawinggenma afumak enek laberek werego.

2 KORINTUS 5:11

It andi nen he, ninoe Enupogot ebe ninailorogo logogun iluk futfikhi logolik he, afuni nen wene andi futfouwageluk inendawimo kagalogo yagaisilik nikhi lago. Nit ninobabut hilingiti lago andi re, at Allah eilhanem weinam andi hak, hit hinendawimo nen nit futninobagakhi logogun anggikhi lagio.