LUKAS 16:25 - Allah Wene Fano Wene Hupla Inane

²⁵ at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 16:25 ပူးပေါင်းရင်းမြစ်များ

AYUB 22:18

Meneat he, At Allah nen it inenggi werek logouwageluk hilingitu kwelegat. Ibi-eberogo nen it ap mondok morue ariginik mene nen eberi'lagwi mene andi re an he futfikhi lagi lek!

MAZMUR 17:14

It afuni o kweangma yoma inangge kabogetu mondok logolik werek mene andoma inoba nen fikhalogo nobagakhi logoino. Enggin fenggin it afuni andi inoba fisugu mene iluk Haren foukhogo fisegen mene a'nogoba it unggum wogisikhi logoino o. Nen, it inagainafuri inom, inombawi iren taginabugun mene inom ogo a'nogo nek unggum inoba fikhi logoino aro.

MAZMUR 49:11

Afuni yi wene ti wene inelu mene ogore, wa'lagaikharek enek. Kembu inafe morue mene ogore lek agaikharegat. A'nogo hilinglagunem he inangge yi mene ti mene re herakfisaluk lagunem, it ekhe eise agaikharek.

MAZMUR 73:7

It inendawimo yi weak ti weak peterogo logolik, weagerinafu mondok welagaikharek. Weak hilingisugun mene faget enek, ebetu mondok welagaikharek.

RATAPAN 1:7

Mondogat wolelenggenhogo taik igik, ou-pou engge hokhorogo hilinglagik, ikhemo nen enek he, Yerusalem enggi werek hilingik logolik attak hilingik welaga mene aremnogo ebethikhe. A'nogo ebethikhi logolik he afuni o aren andoma inaselei mene inenggimo agu kwelek enek he, ap misigen ogo ekhe lebetnabi lagaikha lek anggikhe. At wolelenggenhogo taik ikhe mene a'nogo at aselei mene nen ineilenggen hagasik he obaget endo yata.

DANIEL 5:30

A'nogo yagaisasikhesik were'ma, o hubanggo andi sambul, it afuni Babel mene inoe raja Belsyazar a'nogo ebe watukwa.

MATIUS 27:63

”Ninoe. Afuni lalinabik nikhi laga mene a'nogo, eluk logolik yagaisikhi logolik he, nenggi pire warek logombik, henaganek neluk asigin o, iluk isikhe a'nogo nen he,

MARKUS 9:45

Hineisogen weagethinabu hak hilinghinafe halok he, fena palogo lakfisaluk, hineisok fena nek logolik afuni ineluk mondok welagaikhare'ma andoma kumo fano o. Mene re, hineisok wuthogoat were'ma hinebe endu nagul agi'lek soborenggen wa'lagi'lek inoba fugu mondok welagare'ma andoma lakfisamo weago, iluk, hineisok fenakwe palogo lakfisano.

LUKAS 16:20

Meneat he, ap ekhe enggi lek mene enu Lazarus, ebene oumo mondok hokhorogo welagaikhe mene, ap kain enggi werek mene a'nogo awi kweba andoma fei waga lagaukwa.

LUKAS 16:23

Nen, ebe re, wa'la'luk lagaikhare'ma andoma lagaikhesik mondok weagat logolik he, elokhe hebekhogo liakhasikhe re, Lazarus Abraham era'lu were'ma eilenggen liagisasikhe.

LUKAS 16:26

Nen, ekhe re, afuni nit were'ma yoma nen hat were'ma andoma hoba wagik, nen, hit andoma nen nit ninoba wagik, inogo iluk tulem andoma pile uan mene hulirogo fesikhemo werego, iluk isikhe.

LUKAS 6:24

A'nogo meneat he, hit ap kain hineilmo werek mene halok enek he, hinangge hokhorogo werek andi nen he, hinendawimo hinagaiyek hikhi lagep mene, hobuk weagethinabigin o.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.

ROMA 8:7

Afuni inobabut inetogat logolik hilingitarek mene a'nogo oba ebeti logolik, Allah awe a'ma kuluk ane hologo welagaikharek lek andi nen at inom weim palegat werego.

ULANGAN 28:17

Hiren gandum enggen palhu mene inom, enggen palhu mene munenogo werago mene inom homan ugu logogin.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

IBRANI 11:25

An nebe fano logolik, we elama faget meneat he, anggilukhogo weak hilingiti logogin andi nabit. We, it Allah againafuri ninom yi enggin ti enggin hilingninafi logogun fano o,” iluk, endawimo anggasikhesik,

1 YOHANES 2:15

Mene re, afuni kweangma mene inobabut hilingitarek mene andi inom, yi mene ti mene kweangma welagarek mene andi inom, hinendawinggen tulemhogo logogun mondok lego. Ap sa nen it afuni kweangma mene inobabut hilingitarek mene andi, endawinggen tulem welagarek halok he, nineisena Allah endawinggen tulem welagarek mondok lego.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.