LUKAS 16:24 - Allah Wene Fano Wene Hupla Inane

²⁴ Eilenggen liagisasikhesik, ane hokhorogo mel yagatikhe: Abraham neisena e! An endu aik hokhoma yoma heinet hokho wati lagi yoma hendawi nean o. Lazarus nen enggi tum ima pelakfembigen, i magaisogo re, nameliba sakho uageluk, fei wesuageluk yagasin o, iluk yagatikhemo,

LUKAS 16:24 ပူးပေါင်းရင်းမြစ်များ

AYUB 20:21

Aren mondogat nunggu sambul he omanogo ekhe figi'lek mondogat ninggi laga. Ap inoba re enggi werek welaga mene a'nogo re aninurogo welagi'lek weak-weagat lek aga laga.

YESAYA 27:11

Nen, e enggi segelet andoma puga'luk tamulhigik pugu mene re hemi nen e nolhu mene iluk tolili'lagwi. Unggulenu andi mene re yi'nogo ti'nogo faget fut-fili'lagwi le'ma re, Allah it elalinafe mene a'nogo nen he it faget inelaigisambik he endawirinabigin mondok lek.

YESAYA 66:24

It wesuogeluk waga logolik he, it afuni An nane oak sagalogo fuluk hilingiti logogun mene omanogo were'ma ineilenggen isikhi logogun. Nen, imbalo nen it inebe warek andoma ninggi logogin mene re wa'lasugun mondok lek, nen endu it nolinabigin mene ogore nagul aga logogin mondok legat. A'nogo hilingi'mo afuni mondogaren ineilenggen isaluk inali'lip mondok hikhi logogun o,” iluk ikhe isikhe.

ZAKHARIA 14:12

It ap inunggulenu lombok it Yerusalem mene inom weim yabi wesugun mene andoma mondogat inoba re, Tuhan nen ou mondok inailo mene lakfei wesigin. Andi nen he, inebe ineluk werek kwelek ineilenggen inom, inamelinggen inom, inebe abirengge inom mondok fili aga logogun.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

MATIUS 3:9

An nen he, at Allah nen Abraham amlogomi higit hilinglasuageluk helep yi mene higit hilingisu hagaro, iluk yagahisigi andi nen, hit hinendawimo nen he, Abraham andi nit nineisena, iluk anggagubo.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

LUKAS 16:30

ap a'nogo nen he, mel yagatikhe: A'nogo egen meneat he, ap ekhe wa'la'luk lagaikhare'ma nen eluk a'luk isa lamo nek he, inobabut hebelasugun o, neisena e, iluk yagatikhemo,

LUKAS 19:9

A'nogo yagatikhemo at Yesus nen he: ”Hat hebe Abraham en tagongge a'luk he, yogondak yiat hat hagainafuri hinomat Allah nen telhinafe o!

LUKAS 3:8

Halok he, hinendawimo ebet fuluk, weak hilingiti lagep mene herakfisaluk hinobabut eberogoat hebelaga iluk enegat asuagen higithogo hilingiti logoino o. Nen, hinendawimo nen he, Abraham andi nit nineisena, iluk anggagubo. At Allah nen Abraham againafuri hak hilinglasuageluk helep yoma mene elok hilingisu hagaro, iluk yagahisigi andi.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

YOHANES 7:37

Wene a'nogo isukwasik oba nen, seni a'nogo wurep kobokhogo nunggunem, Yesus ebe menlagaikhesik, ane hokhorogo mel yagaisasikhe: ”Ap sa nen i nele halok, an noba na wesuago.

ROMA 4:12

Ninomba Abraham andi agap enggalimo mene a'nogo pale'lek logolik, endawinggen Allah oba himbiret fesikhe hak, nit ninagap ninenggalimo mene a'nogo nek palek halok, Abraham ninomba ugun elo'lego. Athe, Abraham obabut waganogo ninendawinggen Allah oba himbiret fogo mene halok, Abraham ninomba ugun aro.

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

YAKOBUS 3:6

Ninamelinggen andi re, ebe endu hangge aro. Nit afuni kweangma yoma yi weak ti weak hilingitorek andi hak, ninenggi nineisok yi werek kwelegat he, ninamelinggen yi nenat ninebe abirengge weaget ninaferek andi. A'nogo weaget ninaferek andi re, endu andi ero re, endu ai'mo logogun mene andi meneatma, ninamelinggen oba nonggala'luk, ninebe mondok abirenggeat endu nunggu welagarek andi.

WAHYU 19:20

A'nogo were'ma, at ekhe attagat wagaikhesik, ”An Allah ane yagahisikhi lagi,” iluk eranenat mene olomene hangge a'nogo eilhanem elalin mene hilingiti lagaikhe a'nogo nen, lalinafunem eberogoat hangge, it afuni ekhe nen he, ”Nit at mene olomene hokho mene a'nogo agoromi,” iluk enegengge inoba wanhik, mene olomene hokho a'nogo ebe ilirengge hilingik a'nogoba inendawinggen himbiret figik, ikhi lagaikha meneat he, yogondak mene olomene a'nogo ebe inom, eranenat lalinafi laga mene a'nogo inom, emberek fakfisaluk, hele warogo i laut endu mene yenggele'ma hendali al hangge amben weak mene enu belerang inom amulok palfigi''lek nunggu mondok welagare'ma andoma inebe inelugengge pelakfisikhemo were'ma yerisigi.

WAHYU 22:1

A'nogo yaganetemo higiri'mo nen ombo'ne re, Allah inom, Domba Eak inom, emberek kain welagaikharek oba inobulu'mo nen, i inelugerinaferek mene eil wurik weak inafumak hangge mene elesi wulibisogo re,

1 SAMUEL 28:16

A'nogo yagatikhemo, at Samuel en he, ”Nineisena Tuhan nen hat hebe arat herakhobagaikhesik, ebe haselei mene hilinglagama meneat he, an noba nenahalok heinok wani wagen?