LUKAS 16:20 - Allah Wene Fano Wene Hupla Inane

²⁰ Meneat he, ap ekhe enggi lek mene enu Lazarus, ebene oumo mondok hokhorogo welagaikhe mene, ap kain enggi werek mene a'nogo awi kweba andoma fei waga lagaukwa.

LUKAS 16:20 ပူးပေါင်းရင်းမြစ်များ

AYUB 2:7

A'nogo yagatikhemo, at Iblis afuni inendawimo kagalik nikherek mene a'nogo Tuhan elokhoma omanogo nen wulibi lagaikhesik wagaikhe. Wagaikhesik, ap Ayub oba eiso'ma nen pikhit ungguloak huli oumo weak mene mondok lambukhogo fesikhe.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

MAZMUR 73:14

A'nogo tegelhirek meneat he, hundik-handik omanogo re weak mene nek noba asi wagunem, ekhe sambul ekhe sambul hubet-habet andoma re enggin-fenggin hugu mondok welagirek.

YESAYA 1:6

Hinunggul oba nen pikhit hineisok agut huli andoma re fano selek oba ekhe werek lek. Hit hinebene mondogat he hinoumo inom, tuk-tugengge inom hokhorogo logoligat he, legasuageluk sobalogo amusu figik obat figik igi'lek welagep andi.

YEREMIA 8:22

Wene ningginik mene hilinglagaba yogondak huli nen an nunggulenu mene inoba ou andoma fano ari'lagwi lek nogo? O Gilead oba mondogat oma re, Dokter ou fano hilinginaferek mene inom, obat inom legen hilingiri'lagwi he a?, iluk heinok wanhi lagi.

MATIUS 26:71

kwe hokho ambe pale'ma wulifarek oba wulibi wesigeluk ugunem he, at helenggerek ekhe inamingmingengge hunogoat mene eilenggen yethasikhesik, afuni hokhorogo omanogo mel yagaisasikhe: ”Ap yi Yesus Nasaret mene a'nogo inom nikharek mene aro,” iluk yagaisasikhemo,

LUKAS 16:19

A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.

LUKAS 16:21

Fei wagunem wengik logolik, endawimo nen he, ap kain mene a'nogo amburu nunggunem enggen pilelogo o hulumo pugunem andogorogo nalabut ninghogo ninggi logoile e, iluk anggikhi logolik were'ma, mene we'luk he, oumo ebene omanogo ameli nen melanget higik ninggi lagaikhe.

YOHANES 11:1

Ap ekhe enu Lazarus erugwi Maria agot Marta inom inaiba o Betania misi'mo mene welagaukwa.

KISAH PARA RASUL 3:2

Lagasukwa hak he, ap ekhe agaisa alabutmo nen eisok wut warek mondok ta'lagaikhesik welagaikhe mene, kwe ambe pale'ma enu Eil Amulit Fano iluk ikhi lagaukwaba andoma fei wagaukwama were'ma hasukwa. Afuni nen ap andi inenggi ekhe kamo igi'lek hundik-handigat afuni ekhe Allah awi wuri'mo kugunem he, yi mene ti mene ambe kino weak yagaisikhi logouwageluk, kwe ambe pale'ma andoma yerogo fei waga lagaukwa.

YAKOBUS 1:9

Hit Allah againafuri hinenggi lek mene ekhe inawe a'ma logolik he, ”An Allah nen kainet nobagaikhemo welagi,” iluk hinendawimo hinagaiyek anggogoin o.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.