LUKAS 15:24 - Allah Wene Fano Wene Hupla Inane

²⁴ An namlogo yi wa'laga anggogo mene eluk a'luk waga yi. Mondok longgoikhe meneat he, hobuk herato yi, iluk, inendawimo inagaiyek hokhorogo anggasukwa.

LUKAS 15:24 ပူးပေါင်းရင်းမြစ်များ

KEJADIAN 45:28

A'nogo anggasikhesik aren ikhi logolik, ”An namlogo Yusuf he eluk werek andi, enggere an nebe oan wa'lagi'le'ma yaat lambik neilenggen ha lagain.” iluk anggasikhe.

YESAYA 35:10

Afuni Tuhan nen inagap telinabigin mene re inambotkwe sugulogo o kota Yerusalem inagaiyekhogo kwi waga logogun, it inagaiyek hokho mene asumo inelokhe heanerogo logogun. Iren inagaiyek higik, inanggilugetik, ikhi logogun. Inendawi ou hagarek mene inom, anggolo hurane hagarek mene inom andoma mondogat legasigin.

YESAYA 66:11

Omalik misik ekhe agaisa eilak ninggerek hakhogo, hit he hinangge nunggu mene sik-pikhogo were'ma ninggi logogun.

YEHEZKIEL 34:16

Longgo aga mene re An nen heraginafik, nonghong agasik werek mene re An nen heragaisogo woginarek wagik, inoumo werek mene re An nen fanorinafik, inoba ou mene re An nen higirinafik igin, oba nen he asei hokho mene inom, omame werek mene inom he An nebe gembala fano mene logolik halinafu mene welagimo re ariginik mene andoma re leget fisagain o.

YEHEZKIEL 34:4

Nen domba omame lek mene re hiren halogo fisikhi lagep lek, nen ou mene re higirinafi lagep lek, inoumo werek mene re hiren yel fisikhi lagep lek, nen inafe mongol mene inom, longgo ugu mene inom he hiren inambotkwe woginarek wesuogeluk heraginafi lagep legat. A'nogo hilingiti logoligenat he hiren hinanggo domba andoma hinobabut weak logolik hinaniniba weaget fisikhi lagep andi.

MATIUS 8:22

A'nogo yagatikhemo, at Yesus nen he, mel yagatikhe: ”Herakfisaluk he, an nombo'ne eme o. Warek mene halok he, it afuni inebe warek mene hangge werek mene andoma nenat salinafi logouwago,” iluk yagatikhe.

MARKUS 8:22

Yesus agoromi inom wene a'nogo ilik-ilik he, o Betsaida wulifukwa. Wulifukwama re, it afuni o andoma mene nen he, ap ekhe eilenggen mum mene Yesus nen enggi fakhoageluk oba waluk wagaukwasik he, inane inelagaik ane yagatukwa.

LUKAS 10:19

Halok he, Yethani! Kisu inom, ililim inom, hineisogen alperelogo hebisigik, Iblis ninom weim palek mene a'nogo omame legetfisigik, hilingiti logobagaigeluk, an nomame wokhisigirik eisewerek hilinghinafi o. Eisewerek hilinghinafiri'mo, yi mene ti mene ekhe nen weagethinabigin mondok lego.

LUKAS 15:23

A'nogo hilingisimbik he, wam sapi eak eilagambi fano mene a'nogo waganogo, at faget ninendawimo ninagaiyegeti logolik obaget warogo isasuogo.

LUKAS 15:25

A'nogo hilingitu kwelek aremnogoat, at oe a'nogo yabumo welagaikhesik wagaikhe hak he, gitar wati logolik wuni watunem inane esanggo holik-holik wagaikhe.

LUKAS 15:32

Meneat he, hat hagot yi re, wa'laga anggogo mene re, eluk agasik waga o. Longgo ikhe mene herato o, andi nen he, ninendawimo ninagaiyek hikhi logolik hilingisu meneat hilingiti lago, iluk yagatikhe,” iluk Yesus nen yagaisasikhe.

LUKAS 15:4

”Ap hit mene ekhe anggo domba 100 nen were'ma re, misigat ekhe longgoi laga halok he, 99 aremnogo o leimo fisaluk, misigat longgo igin mene andi herakfisigi'lek mondok herarik nikhi lagaresigen, arat herakhikherek a'nogo lek?

LUKAS 19:10

Telhinafe mene andi, an abat ta'lasi wagagi a'nogo, it afuni nong ari'lagwi mene heragaisogo telinabigeluk wagagi aro,” iluk yagaisasikhe.

LUKAS 9:60

A'nogo yagatikhemo, at Yesus nen he, mel yagatikhe: ”Warek mene halok, it afuni inebe warek mene hangge werek andi nenat salinafi logouwagen he, hat Allah awe a'ma fisikherek wene andi, o yi awi ti awi yagaisilik nikhi logoino o,” iluk yagatikhe.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

ROMA 11:15

Allah nen, it afuni Israel mene inebe herakfisasikhe andiba, yi afuni ti afuni mondogat andoma Allah inom lambulinafikhe andi. Hobuk it woginafunem en ninggi'nogo hilinglasigin? Afuni warek mene inelugerinabu hak woginabigin andi.

ROMA 12:15

It afuni ekhe inendawimo inagaiyegetu halok he, hit hinomat hinendawimo hinagaiyegetik, it ekhe le agu halok he, hit hinomat le agik, ikhi logoino o.

ROMA 6:11

Andi hagat he, hit hinendawimo nen he, ”Weak hilingiti logogun mene faget waregat logolik, Kristus Yesus ninom hundik logolik he, Allah fagerat nineluk logogun,” iluk hinendawimo anggikhi logoino o.

ROMA 6:13

Hinenggi hineisok hinebeba welagarek mene ekhe inom mondogat he, weak mene asikhe arige hak a'luk he, weak hilingiti logouwageluk, at wogeti logogup. Hinebe warek hangge were'ma Allah nen hinelugethinafikhemo hineluk logolik hilingisugun higithogoat, hinebe abirenggeat Allah wogo'ni o. Hinenggi hineisok hinebeba welagarek mene inom ekhe mondogat he, at asikhe arige hak a'luk he, higit hilingiti logouwageluk Allah wogo'ni o.

ROMA 8:2

An attak he, weak hilingitaresik wurep oba inebe mondok wa'lagaikharek andi mene nen hele warogo hak fetnarek welagaikhe. A'nogo were'ma, hobuk Allah Areagun en Kristus Yesus ninom hunogo ninobagakhi logolik nineluget ninaferek mene a'nogo nen, hele fikhalogo nobagaikhemo welagi.

1 KORINTUS 12:26

Ninenggi nineisok yi mene ti mene ninebeba hundik welagarek mene, ekhe ou nen heinet watu halok he, ninebe abirenggeat heinet watorego. Nen, ninenggi nineisok yi mene ti mene ninebeba hundik welagarek mene, ekhe afuni nen fogeratu halok he, ninebe mondogat ninagaiyek anggogoregaro.

EFESUS 2:1

Hit attak he, Allah ane sagalogo fuluk weak hilingiti lagagip andi nen, hinendawinggen faget hinebe warek hangge welagagip.

EFESUS 2:5

Nit weak hilingiti lagagu andiba, ninendawinggen faget ninebe warek hangge were'ma, Allah obabut fano enago nen Kristus ninom hunogo ninobagasikhesik ninomat nineluget ninafikhe. Mene re, hirat At obabut fano nenat telhinafikhe andi.

EFESUS 5:14

A'nogo selek oba fugunem enegat a'luk he, selek agarek andi nen he, mel agarek andi: ”Hat nogo ikhi lagen andi, hebe menlame o. Nen, warek hangge welagen andi, helugame o. At Kristus nen selegethabigino,” iluk agarek andi.

KOLOSE 2:13

Hit attak he, hinagap endakwe faget hinenggalimo mene a'nogo palek lek, weak hilingitu mondok logolik he, hinebe warek hangge were'ma, at Allah nen nit weak hilingiti lagagu mene sebelogo legetfisasikhesik he, Kristus hinom hundigat were'ma hineluget hinafikhe andi.

1 TIMOTIUS 5:6

Mene re, it hemi sogwe mene ekhe it inamolo mene hesanggeat hilingiri'lagwi mene andi re inebe ineluk werek meneat he, warek hangge werego.

YUDAS 1:12

Hit hinerugwi hinagaila'lak inebe hinendawi nen seni isago hinom misi'mo andogorogo nunggunem, it ap andi inenggali legat hinoba kwi wesimbik he, afuni ekhe kwelaginarek welagi'lek inonggwarek faget enek oba ebeti logolik hinom ninggi lagep andi re, weago. Su fano mola were'ma muli mene oba labulagarek andi hak, hinom weak ninggi lagep andi o. Inebe re, ohena meiso nagain lek meneat sogoien aburungweak waluk nikherek andi hak nikho o. Nen, ekhe re, e enggen iti'lek, engga mondok lek agunem, omanggen inom feisalhunem mondok puk agarek andi hak werego.

WAHYU 3:1

A'nogo yaganetesik hobuk yaganeti logolik: ”Allah Areagun ebe katoksek mondok iluk, 7 nen a'nogo eise welagik, hesagal ebe 7 nenat a'nogo nenggim fisogo welagik, igirek mene a'nogo nen wene yi yagahesik: At Allah nen malaikat ayonggo fuluk lakfei wesu hak, at againafuri o Sardis andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yi'nogo palin: Hit o Sardis mene afuni nen hinabok ikhi logolik, it ineluk werek, iluk, ili'lagwi meneat he, hinebe warek hangge logolik hinobabut hilingiti lagep mene andi an nelu o.