LUKAS 15:20 - Allah Wene Fano Wene Hupla Inane

²⁰ A'nogo anggasikhesik, o welagaikheba a'nogo hebisaluk he, eisena a'nogo oba wesigeluk oan wagunem, at eisena a'nogo nen yatma wagu kwelek eilenggen yethasikhesik he, endawinggen abolok isikhesik, fungusek lagaikhesik he, obakhe felikhogo hai ambe saluk-saluk watikhe.

LUKAS 15:20 ပူးပေါင်းရင်းမြစ်များ

KEJADIAN 33:4

A'nogo hilingitikhe oba nen he at Esau humusek Yakub ambit lagaikhesik obakhe felikhogo fakfesikhesik olokhe kwe hai inambe saluk wat-wat aga logolik, emberek le agaukwa.

KEJADIAN 45:14

A'nogo hilingitukwasik, at agot Benyamin a'nogo inom hai magaisogo puksek logolik le agaukwama at Benyamin nen ogo, Yusuf hai magaisogo puksek logolik inom le agaukwaat.

KEJADIAN 46:29

at Yusuf eisena emberek ambi asuogeluk kereta, kuda nen lisogo waluk lagarek a'nogo meneba lagasikhesik wagaikhe. Wagaikhesik, inom ambi agaukwasik he, eisena obakhe felik hai wati logolik, le mondok aninurogoat agu welagaikhe.

2 SAMUEL 14:33

A'nogo yagatikhemo re at Yoab a'nogo raja Daud were'ma at Absalom en kino isikhe mene a'nogo yagasi lagain iluk lagaikhe. A'nogo lagaikhemo re at raja nen Absalom a'nogo raja a'ma eindep awi yagaisogo elokhe sogoum fogerasi wagaikhemo, raja nen he ebene elokhe tophogo hai watikhesik ebe wanhikhe.

MAZMUR 86:15

Oba nen he, neisena Tuhan Allah, Hat he hendawi hundik ninafik, hendawirogo welagik, hendawi hundik mondok welagik, tiphogo nek hilingninobagagik, hobabut sebelek oba hilingninobagagik, ikhi lagen.

MAZMUR 86:5

Tuhan neisena, Hat he fano mene logolik afuni inaweak sebelogo leget fisageluk he hamolo welagen, It afuni Hat hoba samban ugu welagaikharek mene inoba re, Haren hendawi hundik mondok hokho meneba hilingninapluk he ekhe inom oba heilarogo hendawirinafu mondok welagen.

YESAYA 49:15

A'nogo ugunem Tuhan nen onggo yagaisikhi logolik he, ”He misik ekhe nen onggwarek omalik oba onggorasu hak nogo, nen at onggwarek eak takhikhe mene oba abit asu hak nogo? He andi nen eak elok onggorasuba nen, An he hat hoba nonggorasigin mondok lego!

YESAYA 57:18

Nen it inobabut hilingiri'lagwi mene andi re An nen mondogat isikhi lagi o, oba nen he An nen it inoba fano higirinabimbik he inebe woginarek lagik, leberisigik igin o, nen afuni inoba sinurogo werek mene ogore inendawimo koninabigin aro.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

HOSEA 11:8

A'nogo isikhesik, Tuhan nen mel yagaisasikhe: ”Hit afuni Israel mene yi. An nen hit hinebe mondok-mondok herak hinobagaluk lagik igin nogo? Mondok elo'lego. An nen afuni Adma mene inebe mondok legetfisasigi andi hak, legethinafik, afuni Zeboim mene hilinginafigi andi hak hilinghinafik, igin nogo? Mondok lego. An nen hit hinebe nendawi hundik mondok hokho meneba hilinghinarek welagi andi nen he a'nogo hilinghinabigin lego!

LUKAS 15:19

A'nogo weak hilingitiri'mo re, haren he, yi an namlogo, iluk hobuk igin mondok elo'lego. We, hat hamingmingengge meneat nobagainogo, iluk yagasi lagain, iluk endawimo anggasikhe.

LUKAS 15:21

A'nogo hilingitikhemo, at amlogo a'nogo nen he, mel yagatikhe: Neisena! An he, at Allah pogoroba mene a'nogo inom, hat inom, hineil salogo weak hilingiti o. A'nogo hilingitiri'mo re, yi an namlogo, iluk hobuk igin mondok elo'lego, iluk yagatikhe.

KISAH PARA RASUL 2:39

At Allah nen, Nareagun wokhisagain, iluk wene watnisasikhe andi re, hit hinebe inom, hinagainafuri inom, it ekhe inaiba yatma mene andoma inom, hinebe nineisena Tuhan Allah nen, we'ni o, iluk wolhisili'logo mene halok, mondogat faget wene hirat wathisasikhe o,” iluk yagaisasikhe.

KISAH PARA RASUL 20:37

Samban isikhemo re, it mondogat le aga logolik he, Paulus ebe obakhe felikhogo fakfesukwasik, inambe saluk hai wati logolik, hai warogo lakfesukwa.

EFESUS 2:13

Attak he, hinebe yatmaat welagagip meneat he, yogondak, Kristus Yesus hinom hunitigipmo re, at amep wulagaisogo wa'lagaikhe andiba, horok ya hinobagaikhemo welagep.

EFESUS 2:17

At Yesus nen a'nogo wo'ninarek wagaikhemo re, fena mene, fena mene ninom, at Allah Areagun misigat andiba nineisena Allah oba ku higirat hilinglagaikhe, iluk, Yesus ebe attagat wagaikhesik, ”Hinom lambulogo hinobagagi o,” iluk, wene fano wene hit endakwe mene yatma were'ma yagahisigik, nit afuni Yahudi mene horogat were'ma yaganisigik, i wagaikhe andi.