LUKAS 14:21 - Allah Wene Fano Wene Hupla Inane

²¹ Inane a'nogo ilik lagaukwama re, at amingmingengge mene a'nogo nen oe a'nogo yagasi wagaikhe. A'nogo yagasi wagaikhemo, at oe eisewerek a'nogo a'mage hokhorogo lagasikhesik, mel yagatikhe: O kota hokho yi, ebekwe hokhokwe inom, endepkwe inom, laga logolik, afuni inelagaik mene inom, inouwak sagalek mene inom, ineilenggen mum mene inom, ineisok wut warek mene inom, woginarek we'no o, iluk yagatikhe.

LUKAS 14:21 ပူးပေါင်းရင်းမြစ်များ

MAZMUR 2:12

At Tuhan a'mage endu amulok weak-weak ibilagarek andi hak, a'mage het-periluk hit weagethinabinogo nen he, At elokhoma hinailorogo hineindep awi yagaisogo nen, fanorogo fogerati logoino o. Afuni nineisena Tuhan en inebe ferinarek logouwagaluk awe a'ma kwagarek mene nek, Aren fanorinafunem inendawimo inagaiyek hikhi logouwago, iluk isikhe.

MAZMUR 38:7

Linggene inukhogo nendawimo warugu mondok logolik he nelokhe heiselogo kunggukhogo pelabek logolik welagi.

YESAYA 35:6

I elesi fulogoumhogo o leikwe wagik, nen i lagu agai mene o walkwe lagik hilingitunem afuni ineisok hambelek mene re no rusa nen huksombo lagagik pigik hilingiterek hak hilingiti logogun, nen inane lek mene re inagaiyegen inanggilugeti logogun.

YEREMIA 5:1

Yago hit Yerusalem mene yi sani, hinawi kota andiba nen ebekhe kwe andoma hineilenggen kogolik lani o! Fanoro kogolik laluk hineilenggen nen fanorogo fut feino. O kota ebekhe kwe andoma nen ap misik ogo ekhe eberogo anggikhi logolik Allahba tiphogo hilingiri'lago mene ekhe werega, lega, iluk hera'no. Nen werek halok he An Tuhan nen o Yerusalem andi weaget fagain lego.

ZAKHARIA 11:11

Nenggi a'nogo sambulat Tuhan nen wene watikhe mene a'nogo palagaikhe. Nen, it ap domba onggo palharek inap omanogo nen futfikhi logolik he, an nobabut hilingiti lagi mene andomaba Tuhan ane ili'lago iluk futfesukwa.

ZAKHARIA 11:7

An Zakharia nebe, it domba onggo palharek inap omanogo nen domba watu mene omanogo halhi logouwageluk onggo palnafa. Nen, an nandomuk he ebe pire mene were'ma re, ekhe enu, ”Endawi fano” salhigi, nen ekhe re, ”Hele homago” salhi. A'nogo salhirik he an nen domba omanogo halhu mene erorati.

MATIUS 11:28

Hit hinoba enggin-fenggin hikhi logolik set kwil-kwalhogo hilingiti lagep mene andi, an nen hinoba korogo hinobagagin enggere noba we'ni o.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 15:12

A'nogo yagaisasikhemo, at agoromi ane wanhi lagaukwa mene omanogo oba wagaukwasik he, mel yagatukwa: ”Wene yaganisegen a'nogo, it ap Farisi mene nen inesanggo holhasik he, ”At weak ikhe, iluk inabiret hobagaga andi futfisegen a? Lega,” iluk yagatukwa.

MATIUS 18:31

A'nogo hilingitunem, ap kwelakfesikhe mene andi agaila'lak fena nen ineilenggen hasukwasik inendawimo mondok weak agaukwasik, iren hobuk yonggo ap kain a'nogo wene mondogat yagasi wagaukwa.

MATIUS 20:7

it ap omanogo nen he, ”Yabu ekhe wanuageluk ninayonggo figi'lek andi nen welago o,” iluk yagatukwa. A'nogo yagatukwama re, at ap eabu eisewerek a'nogo nen he, ”Halok he, hit hinomat an neabumo anggur yabumo andoma hilingisi lano o,” iluk inayonggo fesikhe.

LUKAS 14:13

Mene re, hat a'nogo seni isati logolik halok he, inenggi lek inelagaik mene andi inom, inouwak sagalek mene inom, ineindep holu mene inom, ineilenggen mum mene inom, it ariginik mene nek inayonggo fikhi logoino. A'nogo inayonggo fugunem, iren hat hayonggo fogoin lek andi nenat, hat hendawimo hagaiyek hokhorogo anggagain o. It andi nen onggo wokhesugun lek andi nen, afuni inobabut higithogo hilingitarek mene wa'lagaikharek oba nen Allah nen inelugerinabigin sambul andi re, hat hilingiti logogin mene onggo, at Allah nenat wokhesigin o,” iluk yagaisasikhe.

LUKAS 14:20

Nen, at ekhe nen he, nagailage. An nagwe ket ikhigiri'mo andi nen he, seni isago nogoin andi, an na wesu re, elo'lego, iluk yagatikhe.

LUKAS 14:22

A'nogo yagatikhemo, at ap a'nogo lagaikhesik ambotkwe wagaikhesik he, oe a'nogo mel yagatikhe: Noe. Yaganeten a'nogo woginarek wagi meneat he, o fena mondok selek werego, iluk yagatikhe.

LUKAS 24:47

Nen, ekhe mel iluk lisu palek weregat: Hit afuni weak hilingiti lagep mene andi, herakfisaluk hinobabut hebelhep halok he, Allah nen sebelogo legetfisagain o, iluk, at enu hombuk palogo wene ikhi logolik he, ero o Yerusalem huli nen yagaisaluk, pikhit huli yi awi ti awi inunggulenu lombok mondok yagaisilik laga logoino, iluk Allah ane lisu palek weregaro.

LUKAS 9:10

It ap Yesus nen inayonggo fesikhesik lakfisasikhe mene omanogo lagaukwasik he hobuk inambotkwe wagaukwasik, ”Niren yi'nogo hilingito, ti'nogo hilingito,” iluk piling-palanghogo Yesus yagasi wagaukwa. A'nogo yagasi wagaukwama re, aren it woginarek inale'ma kenghogo o sili enu Betsaida andi lagaikhe.

YOHANES 9:39

A'nogo fogeratikhemo, at Yesus nen he mel yagatikhe: ”An nen afuni ekhe ineilenggen mum mene halok fanorinafik, it ekhe ineilenggen fano mene halok mumet fisigik, ikhi logolik ayo wurinabigiluk nebe kweangma yoma pi wagagi o,” iluk ugunem,

IBRANI 13:17

Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

WAHYU 19:15

At a'nogo nikhi logolik, afuni inunggulenu lombok mondogat mabenetfisagain mene, karok enggat hokho mene ambelema nen wulabi waga laga higi. A'nogo mabenetfisaluk sige tomuk posiemanggen omame hokho andi hak, at ane omameba afuni fakfisaluk, eisena Allah omame mondok hokho yi mene ti mene hilingisu hagenek a'nogo a'mage lagaluk, wene inoba fugunem anggur enggen amusu keraluogeluk obuluk oba sagalharek andi hak, at eisogen al perelinabigin mene higi.

WAHYU 22:17

A'nogo yaganetesik hobuk he, mel yaganete: ”Sa nen i nele nen nogoin inamolo halok he, i inelugerinaferek mene onggolek weat helambik noageluk, Allah Areagun inom, Domba Eak agwe ikhikhe mene a'nogo inom, emberegen ikhi logolik, Na we'ni o, iluk ugunem, sa nen it emberek inane ugunem inesanggo holugun mene nen, Na we'ni o, iluk ikhi logogun aro,” iluk ugunem holhi.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.

1 SAMUEL 25:12

A'nogo yagaisasikhemo re at Daud agoromi a'nogo nekhengge inambotkwe sugulogo Daud ambit wagaukwasik he at Nabal ane isikhe mene a'nogo yagatukwa.