LUKAS 14:18 - Allah Wene Fano Wene Hupla Inane

¹⁸ Lakfesikhemo, yagaisilik lagunem he, it afuni omanogo mondogat inabiren inane lagokhogo ikhi logolik, at ekhe nen he, nagailage. An yabu ekhe onggo palhirik neilenggen hali lagainmo re, seni isago nogoin sambul andiba re, an he wesigin lego, iluk yagatikhe.

LUKAS 14:18 ပူးပေါင်းရင်းမြစ်များ

YEREMIA 6:10

A'nogo ikhemo an nen ikhi logolik he, ”Tuhan neisena, an nen ap saba yagasu hak nogo, nen sani inendawinggen wenggelogo logouwageluk yagaisagain, it he inungguloak haro logolik fut fili'lagwi lek. Haren yagaisano ugu mene omanogo an nen it inoba yagaisugunem he iren endo yagaisogo inabit eri'lagwi inap werego.

LUKAS 14:17

Inayonggo fesikhesik, ebe arat isakfuluk he, amingmingengge mene ekhe yagati logolik: Seni isago yi arat nogoin higit aga. Halok he, afuni inayonggo figi mene omanogo wesuagen he, woginabi lan o, iluk lakfesikhe.

LUKAS 14:19

Nen, at ekhe nen he, nagailage. An wam sapi ouwali waganek mene 10 nen pirendek wuret higik onggo palhi mene neilenggen kogoli lagainmo re, seni isago nogoin sambul andiba re, an he wesigin lego, iluk yagatikhe.

LUKAS 18:24

Endawimo a'nogo weak agaikhemo, at Yesus eilenggen enegat yethasikhesik he, agoromi mel yagaisasikhe: ”Eige. Nailo e. Afuni inangge hokhorogo werek mene re Allah awe a'ma fisikherek oba andoma ninggi'nogo ku hearo.

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

YOHANES 1:11

At onggwarek awiba wagaikhe meneat he, at oe agoren ebe wanhi'lek herakfisasukwa.

YOHANES 5:40

hinebe hineluget hinabuageluk an noba wesu re, hinabiro.

FILIPI 3:4

Ninagap endakwe yi faget hilingitorek andiba fanotninabigin iluk angga higit logoilepma re, it afuni ekhe nen elo'lek hak, anggugu kwelek, an enek he, esin hak anggikhi logoile.

2 TIMOTIUS 4:4

It andi ebe wene andi ugunem inesanggo to'motfuluk, suetninung pilingitarek wene andi pilingitunem enek he, inesanggo langhogo holhi logogun andi.

IBRANI 12:16

At Esau sumburu nele nen, mel isikhe: ”Manggusa tago re, anatma, an eise asigin mene andi esin he, lek. Nagot eise asuak,” iluk sumburu piring misik earek mene faget, agot oba onggo wanhikhe andi hak, hit ekhe pailak fakfisigik, ebe mene esinet figi'lek hinendawimo seramet figik, ikhi logogubo.