LUKAS 14:15 - Allah Wene Fano Wene Hupla Inane

¹⁵ At Yesus nen a'nogo yagaisasikhemo, afuni sumburu nouwogeluk hurek welagaukwa mene omanogo, ap ekhe nen esanggo holhikhesik he, Yesus mel yagatikhe: ”It afuni ekhe Allah nen awe a'ma fisikhere'ma andoma logolik sumburu nogoin mene andi, inendawimo inagaiyek hikhi logogun o,” iluk yagatikhemo,

LUKAS 14:15 ပူးပေါင်းရင်းမြစ်များ

MATIUS 25:10

onggo pala lagaukwama re, at ap agwe ikhikhe mene a'nogo arat wagaikhesik he, it inendawinggen wenggelek mene tegelogo fakhaluk welagaukwa mene omanogo inom pesta hilingiti logolik seni isago nuogeluk woginarek oloba kwisikhesik kwe yagatikhe.

MATIUS 8:11

Nen, ekhe yi yagahisak. Afuni inebe hokhorogo po'lima nen, ma'lima nen, Allah awe a'ma kwimbik he, Abraham inom, Ishak inom, Yakub inom, seni isago nouwogeluk andogosi kugun.

LUKAS 12:37

At kain a'nogo amingmingengge mene omanogo inoe yerogo were'ma ebe waga logoumo re, inendawimo inagaiyek hokhorogo anggogoin o. A'nogo yerogo were'ma wesimbik he, at inoe a'nogo obakhe hele pukhogo, agoromi omanogo isago noageluk inebe misi'mo lambukhogo hutfisambik he, aren sumburisagain o, iluk yagahisigi,” isikhe.

LUKAS 13:29

Nen, it afuni po'lima nen, ma'lima nen, elikwe yikwe nen, Allah awe a'ma fisikhere'ma andoma seni isago nuogeluk andogosi wesugun o.

LUKAS 22:16

Ninom yiat naluk hobuk, at Allah nen awe a'ma fisambik ebe mene nogoin andi oan werek kwelek he, yi mene ekhe ninom ninggi'lek logogin o, iluk eberogoat yagahisigi,” iluk yagaisasikhesik he,

WAHYU 19:9

A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.