LUKAS 14:13 - Allah Wene Fano Wene Hupla Inane

^13-14 Mene re, hat a'nogo seni isati logolik halok he, inenggi lek inelagaik mene andi inom, inouwak sagalek mene inom, ineindep holu mene inom, ineilenggen mum mene inom, it ariginik mene nek inayonggo fikhi logoino. A'nogo inayonggo fugunem, iren hat hayonggo fogoin lek andi nenat, hat hendawimo hagaiyek hokhorogo anggagain o. It andi nen onggo wokhesugun lek andi nen, afuni inobabut higithogo hilingitarek mene wa'lagaikharek oba nen Allah nen inelugerinabigin sambul andi re, hat hilingiti logogin mene onggo, at Allah nenat wokhesigin o,” iluk yagaisasikhe.

LUKAS 14:13 ပူးပေါင်းရင်းမြစ်များ

2 SAMUEL 6:19

A'nogo hilingitikhesik, afuni andoma welagaukwa mene inebe mondogat ap lek hemi lek inebe lombok wam kurik endu enggen oba werago mene inom, sumburu roti mene abirengge ekhe inom, kue anggur enggen mene inom, misi'mo sebethigik wogisilik lagaikhe. A'nogo sumburogo wogisasikhemo inailokwe lombok helaluk lagaukwa.

2 TAWARIKH 30:24

A'nogo kabogetunem he, it afuni a'nogo wam watu mene inom, nen warogo it nunggu mene inom, at raja Hizkia nen he sapi ai mene 1.000 nen inom, domba re 7.000 nen inom, wogisasikhe. It pegawai Hizkia agoromi omanogo nen he sapi ai mene re 1.000 nen inom, domba 10.000 nen inom, wogisasukwa. Andem oba re it ap imam inebe logalogo enogo fakhasukwa.

NEHEMIA 8:10

Nineisena TUHAN nen hinendawimo hai hakhoagaluk hilinghinafe mene andi nen hinendawinggen ago wasigin werego. Halok o yogondak he, nineisena onggwarek awi weikhemo welago andi nen he, hinailokwe hinambotkwe lambik, hinendawimo weak welagi'lek, hinagaiyek hikhi logolik, hinamburu ninggik, hinagai ninggik ino o. A'nogo hilingiti logolik, hit hinamburu inom, anggur amusu inom, it afuni ekhe inamburu inom, inagai inom, lek mene andi ekhe sumburogo wogisano aro,” iluk yagaisasukwa.

NEHEMIA 8:12

A'nogo yagaisasukwama, it afuni omanogo pugulogo inailokwe lagaukwasik, inamburu ninggik, inagai ninggik, ikhi logolik, it ekhe sumburogo wogisigik, uogeluk inailokwe inam-botkwe lagaukwa. Lagaukwasik, Allah nen wene komorinafikhe wene enu salogo yagaisasukwama inesanggo holhukwasik futfesukwa andi nen he, inendawimo inagaiyek agaukwa.

AYUB 29:13

An nen it hemi sogwe mene leberisugunem he inendawi sebel fakhikhi lagaukwa, it afuni wiik weakhogo welagaikharek mene nen he an fogetnafi lagaukwa.

AMSAL 14:31

Ap ekhe nen ap enggi lek mene fanot fikhe halok he eisena Allah legeisogo fili'lago, nen ap ekhe nen enggi lek mene andi sebelfikhe halok he eisena ebe Elalhe mene a'nogoat sebelogo fikhe.

AMSAL 22:9

Ap obabut fano endawinggen lebeksek mene andi re Tuhan nen fanot fikhi logogin, andi re Tuhan nen wogeterek mene omanogo aren afuni inenggi lek mene sumburisikhi logogin andiba hilingfikhi logogin.

YESAYA 58:10

Afuni inamburu nele werek mene inoba noageluk wogisikhi logoino, ap sebelek werek mene inoba leberisikhi logoino. Hiren a'nogo hilingiti logogun halok he, hit hinera'lukwe mumhogo hilingik mene andoma linggene selek welagarek andi hak selek mondok asigin.

YESAYA 58:7

Nen afuni nelerogo werek mene inoba hit nunggu mene sumburogo wogisigik, ap inawi lek mene hiren woginafik, afuni inalfulukwa werek mene inasu labetfisigik ikhi logolik, it hinagaila'lak ekhe leberisa elok werek kwelek hikhiphogo herakfisa fugo.

MATIUS 15:30

Hu'lagaikhesik were'ma re, afuni inebe hokhorogo at oba waga logolik, ineisok wut warek mene inom, ineilenggen mum mene inom, inenggi ineisok hambelek mene inom, inane lek mene inom, it fena inoba ou mene hokhorogoat inom, woginarek Yesus oba wagaukwama re, aren fano higirinafikhe.

MATIUS 22:10

it amingmingengge mene omanogo hobuk kwe hokho handogalma andoma lagaukwasik were'ma, afuni inobabut weak mene fano mene, lagunem inom ambi agaukwa mene mondogat inayonggo fesukwama wagaukwama re, oloba inebe mondok pete isikhe.

LUKAS 11:41

Halok he, hit mene yi mene ti mene piring elonggoma fikhi lagep mene andi, afuni inagarek lek mene sumburogo wogisegep halok he, hit faget yi mene ti mene mondogat fenakwe sobalek logou hak fano logogin o.

LUKAS 14:12

A'nogo yagaisasikhesik he, at Yesus nen ap awi eisewerek ayonggo fesikhe mene a'nogo yagati logolik, ”Linggene a? hu'mokwe a, haren afuni hinom sumburu misi'mo isago nouwogeluk halok he, hat hinom hundik mene inom, hagaila'lak mene inom, hogogwi hagoromi mene inom, kaindek inenggi werek hinom welagep mene andoma inom, inayonggo fugun o. A'nogo hilingiten halok he, hobuk it ekhe seni isati logolik hat hayonggo foumo, onggo wurabeten hanogo.

LUKAS 14:21

Inane a'nogo ilik lagaukwama re, at amingmingengge mene a'nogo nen oe a'nogo yagasi wagaikhe. A'nogo yagasi wagaikhemo, at oe eisewerek a'nogo a'mage hokhorogo lagasikhesik, mel yagatikhe: O kota hokho yi, ebekwe hokhokwe inom, endepkwe inom, laga logolik, afuni inelagaik mene inom, inouwak sagalek mene inom, ineilenggen mum mene inom, ineisok wut warek mene inom, woginarek we'no o, iluk yagatikhe.

KISAH PARA RASUL 9:39

”I o. Halok he, puok,” iluk inom pisukwa. Pisukwasik he, Petrus ebe waluk henambo inom lagasukwa. Henambo lagasukwasik were'ma, it hemi sogwe mene at oba horokhogo andogosi wagaukwasik, le aga logolik he, su elonggoma mene inom, endakwe uan mene inom, he Dorkas eluk oba inom logolik, igisasikhe mene inukhasukwa.

ULANGAN 14:29

Kabogesi wagunem, nunggu mene andi re it afuni Lewi mene it inanggweang le'ma it faget inom, afuni pok mene faget inom, omalik suarek mene inom, hemi sogwe hit hinawi kota andoma werek mene faget inom fisugunem, iren inendawimo anggikhi logogun higithogo hela waga logogun. Nen hiren a'nogo hilingiti logogun halok he, At hineisena Tuhan Allah nen hiren ekhe mene ekhe mene hilingitunem Aren fanoabet hinobagakhi logogin.” iluk yagaisasikhe.

ULANGAN 16:11

Hit hineisena Tuhan Allah elokhoma obalik Aren wenagaisogo fuguba omanogo laluk, hit hinagainafuri inom, hinamingmingengge inom, it afuni Lewi mene inom, afuni hit hinambok mene inom, omalik suarek mene inom, hemi sogwe hit hinawi kota kwe andoma werek mene inom seberogo hinagaiyegeti logoino.

ULANGAN 16:14

A'nogo kabogeti logolik, hit hinagainafuri inom, hinamingmingengge inom, afuni Lewi mene inom, ap pok mene inom, yenggerugwi suarek mene inom, hemi sogwe mene hit hinawi kota ba werek mene inom, seberogo hinagaiyegeti logogun.

1 TIMOTIUS 3:2

Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

TITUS 1:8

ap pok inonggot mene wagunem aiba fanorogo woginaferek mene halok, fano hilingitarek andi mene nek amolo anggikherek mene halok, endawimo nen menenei uanhogo eberi'logo mene halok, obabut higithogo hilingiterek mene halok, ebe Allah faget tegelek welagarek mene halok, onggwaregen komorogo welagarek mene halok, menfisogoin o.

FILEMON 1:7

Filemon nagailage. Haren afuni Allah againafuri mene ekhe mondogat hendawirinafi logolik he, inendawimo fanorinafendek andi nen, an Allah faget hilingiti logouwageluk nendawimo ago watnobagaikhi lagenma nendawimo nagaiyek hokhorogo anggikhi lagi o.

IBRANI 13:2

It afuni ekhe nen he, malaikat inebe ap pok hangge inobakhe nigik woginafukwasik inahenengge wanhukwa andi nen he, ap pok hinoba wagu halok he, hinobakhe nene herakfisigi'lek woginafi logoino o.