LUKAS 13:7 - Allah Wene Fano Wene Hupla Inane

⁷ Iti'le'ma lagaikhesik he, amingmingengge mene eabu kwalogo welagaikhe mene ekhe mel yagatikhe: E ara yi enggen ekhe ite a? Lega, iluk 3 tahun oba kogoli waga lagi mene re, ebe mondok iti'lek. Halok he, kweang alemarogo yago logogin enggere mugisogo lakfisan o, iluk yagatikhemo,

LUKAS 13:7 ပူးပေါင်းရင်းမြစ်များ

KELUARAN 32:10

An na'mage inoba figirik arat inoasigin andi nen he, haren hulit ninabigiluk ugun o. A'nogo meneat he, harenek he, herakhobagambik, haren tagomangge mene inunggulenu hokho asuageluk hilinghabigin o,” iluk yagatikhe.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

IMAMAT 19:23

Hit o Kanaan arat kwi lagep halok, yi agayo, ti agayo, enggen nenggarek mene awi yakfembik, tahun henagan wela'lugen enggen attak-attak isigin mene andi re, nogoin lek iluk futfembik ninggi'lek logoino o.

IMAMAT 25:21

A'nogo hilingi'mo tahun 6 meneba re At Tuhan nen hinanggweang oba fanot foumo re, 3 tahun he enggen itu mondok logogin.

MATIUS 7:19

Yi e ti e enggen fano iterek lek mene andi re, ero mugusogo endumo mondok lakfisagarego.

LUKAS 13:8

at amingmingengge mene a'nogo nen he, mel yagatikhe: Noe! tahun yiba muti'lek hebisouwogo. A'nogo werek kwelek, an nen wusa yogolhik, mogot kwelafik, ikhi logogin o.

LUKAS 3:9

E ero lombok enggen fano mene iti'lek halok, mugisogo endumo lakfisoageluk posie e omanggen oba fangsek mondok werego,” iluk yagaisasikhe.

YOHANES 15:2

Hele enggisok ebe lombok, an noba hundik logolik enggen iti'lek halok, tekhogo lakfisagain o. Meneat he, enggisok ebe lombok enggen ite halok he, ekhe inomat iti logouwageluk wulfuk palogo wusa yogoligin o.

YOHANES 15:6

Nen, hele enggisok palogo lakfisagarek mene puk agunem he, afuni nen andogorogo fuluk endumo lakfisugunem endu ninggerek andi hak, at sa nen an nemberek hundik lek, kobolek logolik, a'nogoat palogo lakfoumo ebe endu nagain o.