LUKAS 13:17 - Allah Wene Fano Wene Hupla Inane

¹⁷ it fena Yesus inabit welagaukwa mene omanogo mondogat inenggali agaukwa. Meneat he, it afuni ekhe inebe hokhorogo omanogo mondogaren he, at Yesus hilingiti lagaikhe andi mondogat faget he, inendawimo inagaiyek hokhorogo hikhi lagaukwa.

LUKAS 13:17 ပူးပေါင်းရင်းမြစ်များ

MAZMUR 109:29

It afuni an noba fu'mo hikhip niili'lagwi mene andoma re it inebe sebelfisagarek awene a'nogo nek inoba asi wesigin, nen su hokho mene jubah endakwe labetarek a'nogo hak he it inenggali mene inoba sebelinabi wesigin.

MAZMUR 111:3

At Tuhan nen yabu hilingiterek mene andoma re esin mondok hilingi'mo andungdang mondok welagarek, Aren katokhogo nek hilingiterek mene andoma re etok mondok logogin mene.

MAZMUR 132:18

Nen o kerajaan aren melalinafi logogin oba andoma re mondok fanorogo nek logogun. A'nogo meneat he, at inom weak mene re, inenggali warogo fikhi logogin,” iluk Harenat isigin andi iluk wuni watukwa.

MAZMUR 40:14

Tuhan neisena, weak-weagat an nebe telnabin o, an nebe weak-weak lebetnean o!

KELUARAN 15:11

Afuni ekhe inawesa meneba himbirik welagaikharek andi hangge, Hat he andi hinom he higitsek lek, Hat hamunek tegelek mondok were'ma fogethafarek. Hebe futfagauwageluk elalin mene hokho hilingiten andi hak, Sa hagen a'nogo hilingisu hak nogo?

YESAYA 4:2

Linggene ekhe asi wesigin oba re Tuhan nen o kweang yiba yi mene ti mene yago mene fanot foumo re elokhe fano asigin. Linggene andi sambul he afuni Israel mene inagap telasigin mene re inagaiyek higik, inangge enggen ugu palugun mene faget wonoget fakhigik, ugun.

YESAYA 45:24

Afuni inane ikhi logolik, ”Katokhogo hilingiri'lagwi mene inom, inomame werek mene inom andoma re, Tuhan amu nenat wogisikherek iluk ugun!” Afuni mondogat inabit An noba fagarek mene re hobuk An nambit waga logolik inenggali hilik-hilik wesugun o.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

LUKAS 14:6

it ap omanogo nen wene onggo yagasu re, elo'lek agaikhemo inane mondok igi'lek kamo isukwa.

LUKAS 18:43

iluk yagatu kwelek aremnogoat, eilenggen mum mene a'nogo fano agaikhesik, Yesus ombo'ne laga logolik he, Allah fogerarik lagaikhe. Nen, it afuni fena omanogo Yesus nen higitikhe mene andi ineilenggen hasukwasik he, Allah fogeratukwaat.

LUKAS 19:48

A'nogo abok palhi lagaukwa meneat he, it afuni hokhorogo re, at Yesus ane ugunem inesanggo hologo mondok welagaukwa andi nen he, at ebe ninggi'nogo wasu heat hilinglaga lagaikhe.

LUKAS 20:40

it ekhe nen, heinok wanu inailo agaikhemo re, heinok wanhi'lek kamo isukwa.

KISAH PARA RASUL 4:21

A'nogo yagaisasukwama, ap a'nogo elalinat hilingitukwa andi faget, afuni mondogaren Allah fogerati lagaukwa andi nen, wene ninggi'nogo inoba fou heat hilinglagaikhemo re, hobuk we komorogo wulakfisasukwa.

2 TIMOTIUS 3:9

It Yanes inom, Yambres inom, weak hilingitukwama, it ekhe nen, ”Inendawinggen lek,” iluk enegat futfesukwa hak, it andi a'nogoat inendawinggen lek hilingiri'lagwi iluk, afuni mondogaren inobabut enegat palumo re, it inane andi ebe asigin lego.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.