LUKAS 12:15 - Allah Wene Fano Wene Hupla Inane

¹⁵ afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 12:15 ပူးပေါင်းရင်းမြစ်များ

1RAJA-RAJA 2:40

aren anggo keledai ba talogo hu'lagungge puget fesikhesik, at amingmingengge aremnogo heraginabik he o Gat hun raja Akhis a'nogo ambit lagaikhe. Lagaikhesik o andoma were'ma heraginafikhesik woginarek hobuk ambotkwe wagaikhe.

AYUB 2:4

A'nogo yagatikhemo, at Iblis afuni inendawimo kagalik nikherek mene a'nogo nen he, ”A'nogo egen meneat he, afuni inonggwarek inagap telagarek andi re mondok esin o. Andi nen he, afuni inebe ineluk logouwogeluk halok he, inangge yi mene ti mene re elok herakfisagarego.

MAZMUR 10:3

It ap weak hilingitarek mene nen he iren weak hilingisugun iluk anggagarek mene omanogo nek legeisogo fakhagarek, ap an enek anggagarek mene andoma nen he inane hombuk palogo Tuhan ninabit iluk herakhobagali'lagwi.

MAZMUR 37:16

Afuni inobabut weak mene nen inangge hokho-pokhorogo were'ma hilingiri'lagwi mene andoma maben hak, oba nen he afuni ekhe fano hilingitarek mene nen inangge endebengge were'ma hilingiri'lagwi mene andi nek he onggo hokho mene hak werego.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

AMSAL 15:16

Inangge endebengge were'ma Tuhan faget inailo anggikhi logolik logogun andi fano, oba nen inangge hokhorogo were'ma inendawi fiti logolik logogun andi nek he mondok enggin.

AMSAL 16:16

Emas helagarek mene andi re we endep hak oba nen, inendawinggen kagalek mene helagarek andi nek he mondok fano. Perak helagarek mene andi re we endep hak oba nen, inelu agarek mene helagarek andi nek he mondok esin.

AMSAL 28:16

Ap inogogwi kaindek wene fanorogo wenggelharek lek mene nen ferinarek logolik he afuni enggin-fenggin mondok hokhorogo inoba fugu welagaikharek. Ap ekhe inoe kain logolik wene kwanirogo hilingitarek mene andi abithogo werek halok he ninhup-nanhup ferinarek mondok-mondok logogin.

YEREMIA 6:13

It inebe mondogat yenggerugwi magendek mene inom inaluendek mene inom he ineranhogo lalhigik ambisangma saburili'lagwi. Nen it nabi inom imam inom oba nen ogore afuni ineranhogo wene yagaisili'lagwiat.

YEHEZKIEL 33:31

It inebe felelenghogo andogosi we'luk, it An nagainafuri mene hakhogo haren hane yagaisugu mene omanogo holi'lagwi. Oba nen he, haren yi'nogo ti'nogo hilingi'ni iluk miminginafendek mene omanogo re, iren hologo hilingiri'lagwi lek. It inambeba nen he inendawinggen hundik hilingitarek mene agarek oba nen he, it inendawinggenma nen he, inonggwarek ambisangma helogoin mene faget enek ebeti logoligen hilingiri'lagwi.

MIKHA 2:2

Iren inendawimo ebeti logolik, afuni nen yabu helagarek mene faget ebe'luk halok he, yabu a'nogoat teligik, nen o wurik faget inendawimo inamolo anggaluk halok he, o a'nogo tolulurogo kwi lagik, hilingitaresik he, o a'nogoba yi mene ti mene werek mene omanogo inom, afuni inebe inom, mondogat inenggi abisak helagarek andi.

HABAKUK 2:9

Hinonggwarek hinagainafuri hinom hinalawi engginhogo helouwogoluk, hinanini weak it ekhe inangge mene teligik, nen hit hinaiba it ekhe nen inenggi abisak wani kwi wesinogo iluk ninghogo wutik, ikhi lagep andi nen he, homan ugu logoni o!

LUKAS 12:16

wene ekhe oba lirogo mel yagaisasikhe: ”Ap kain mene ekhe nen eabu kweang mulimo fanoma awi yatikhemo re, ebe enggen hokhorogo itikhemo,

LUKAS 16:14

A'nogo yagaisasikhemo re, it ap Farisi mene omanogo uang mondok inendawinggen hundik welagaukwasi'mo andi nen he, Yesus nen wene a'nogo ugunem inesanggo holhukwasik he, inane asegen wokhikhi logolik endo yatukwa.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

LUKAS 8:14

Nen, panggi hokhorogo anggele'ma pisikhe andi ebe re, it afuni ekhe Allah ane andi inesanggo holharesigenat inendawimo nen he, eige. Ninggi'nogo hilingisigin he, iluk, menenei ebetik, nagarek hokhorogo logoilebe, iluk inendawimo ebetik, kweangma mene inendawimo inagaiyek hogoin mene oba ebetik, agarek andi nen he, inendawimo Allah ane andi enggen wurik agi'lek lologo lek agarek andi aro.

1 KORINTUS 6:10

yogot wanharek mene inom, inami'mik weak hilingitarek mene inom, amusu lugulugwi paluogeluk nenggarek mene a'nogo nunggu mondok welagaikharek mene inom, inane puk weak wenagisagarek mene inom, inenggi abisak wanharek mene inom, it afuni a'nogo hilingitarek mene andi mondogat Allah awe a'ma fisikhere'ma andi eisewerek asugun mondok lego.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.

2 TIMOTIUS 3:2

Afuni inendawinggen tulem he, inonggwarek inebe faget inom, uang faget inom, esinet figik, inonggwaregen fogerakhigik, sewirakhigik, inane puk weak wenagisigik, ineisugwi inagaisawi inane holhi'lek herakfisigik, hai warinafi'lek inobabut lagi-lagorek hilingitik, Allah faget hilingiti'lek inabit welagik,

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.

YOSUA 7:21

Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.

2 PETRUS 2:14

It ap andi ineilmo re, hemi pailak fakfisogoin mene nek eberek logolik, inabit agi'lek weak hilingitu mondok logogun andi. A'nogo hilingiti logolik, afuni Allah ane kerat waluk, inendawinggen abolok werek mene lalinafi logogun andi. Inobabut he, ”Yi mene ti mene nit enek wo'niselep,” iluk ikhi logouwogeluk attagaren yanggulhukwasik he, andi meneat inelu logolik hilingiti logogun andi. A'nogo hilingiti logogun andi nen, Allah nen homan fisambik weagerinabigin werego.

2 PETRUS 2:3

It ap Allah ane yagaisagarek mene halok weinam asugun andi inobabut he, ”Nit enek wo'nisanik,” iluk agarek mene andi nen, hiren onggo wogisoageluk, wene inonggwarek inendawimo nen kagalogo ineranenat yagahisikhi logogun andi. A'nogo meneat he, it inobabut hilingiti logogun andiba, at Allah nen he, ”It andi wene inoba fembik inebe weagerinabigin,” iluk attagat endawimo tulemat anggasikhe fuk. Aninurogo welagi'lek weagerinabigin mene werego.