LUKAS 12:14 - Allah Wene Fano Wene Hupla Inane

¹⁴ at Yesus nen he, mel yagatikhe: ”Hinebe tegelogo hinobagaluk hinagarek lombok sumbuthisagain andi, an mennobagagama anggegen?” iluk yagatikhesik he,

LUKAS 12:14 ပူးပေါင်းရင်းမြစ်များ

KELUARAN 2:14

A'nogo yagatikhemo, at ap a'nogo nen he: ”Hat nit ninoe fetninarek logolik, wene ninoba figik kotik, ikhi logouwageluk sa nen menhobagaikhemo. Ap Mesir mene waten a'nogo hak an noasigiluk ikhi lagen a?” iluk yagatikhe. A'nogo yagatikhemo, at Musa ailo mondok agaikhesik endawimo nen he: ”Egi, nailo e. An hilingiti a'nogo afuni inelu agama higi,” iluk endawimo ebetikhe.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

LUKAS 12:13

At Yesus nen a'nogo yagaisugunem, it afuni hokhorogo andogorek welagaukwa mene omanogo misigat ekhe nen he, mel yagatikhe: ”Noe. An noe nen nit nineisena wa'laga logolik, at alolegengge nit nemberek faget fuluk laga meneat he, nagailak alegat agasik werek andi, an ekhe minggilogo wo'nesuagen he, yaga'no o,” iluk yagatikhemo,

LUKAS 22:58

A'nogo yagatikhesigen, welagi'legat, ap ekhe nen Petrus eilenggen hasikhesik he, mel yagatikhe: ”Hat yi re, it meneat anggigi,” iluk yagatikhe meneat he, aren he, ”Noe. An lego,” iluk yagatikhe.

LUKAS 5:20

Pelakfesukwama, at Yesus nen, ”It andi inendawinggen noba himbiret fagasigen waluk wagaikha higi,” iluk, eilenggen enegat isasikhesik he, ”Namlogo e! Hat weak hilingiti lagen mene re, an nen sebelogo legetfisigi o,” iluk yagatikhe.

YOHANES 6:15

A'nogo isukwama, at Yesus endawimo nen he, ”It andi wesimbik, an it inoe kain logouwageluk inane omamerogo mennobagagun anggigi,” iluk inobabut enegat palhikhesik he, o andoma hebisaluk punuba alegat lagasikhe.

YOHANES 8:11

aren he, ”Noe, Mondok lego,” iluk yagatikhemo, at Yesus nen he mel yagatikhe: ”An ogo re, wene hoba fuluk hoasigin legaro. Hebe hawiba lano. Lambik he, huli yogondak oba nen hobuk weak ekhe hilingiti logou fugo,” iluk yagatikhesik he, awiba lakfesikhe.]

ROMA 2:1

Andi halok he, hit nerugwi nagaila'lak yi. Wene it ekhe nek inoba fikhi logolik he, hit hinonggwarek hinoba nonggologoin elo'lego. Wene a'nogo wene it ekhe inoba fikhi logoligat he, hiren it hinom higirat hilingiti lagep yoma ri! Hinonggwaregen wene hinoba mondok fakhikhi lagebo.

ROMA 2:3

Hit nerugwi nagaila'lak yi. Hiren, it ekhe weak hilingitunem wene inoba fikhi logolik he, hinonggwarek ogore, it hilingiri'lagwi hagat hinom higirat hilingiti lagep yi ri! Hit hinendawimo nen he, ”Allah nen wene ninoba figi'lek herakninobagagin,” iluk anggikhi lageba? Wene hinoba fagain aro.

ROMA 9:20

Eige! Nagot yi. At Allah ane ugunem, haren at ane oak lagaligin nogo? Elo'lego. Afuni nen iwak temul mene hilingitunem kweang temul andi nen he, at hilingite mene andi yagati logolik: ”Haren an yi'nogo nenahalok hilingnafen,” iluk yagasigin nogo? Elo'lego.