LUKAS 11:9 - Allah Wene Fano Wene Hupla Inane

^9-10 Andi hak, an wene ekhe yagahisak. It afuni inebe lombogen Allah kino yagatunem he, aren inebe lombok wogisikherek enek andi. Nen, it ekhe inebe lombogen yi mene ti mene at oba heratunem inebe lombok he, herakhagarek enek andi. Nen, it ekhe inebe lombogen kwe ane papaget hugunem he, aren inebe lombok kwe hurisikherek enek andi. Andi nen he, hiren Allah kino yagati logoino o. Yagati logoumo wokhisagain aro. Fano mene at oba herati logoino. Herati logoumo, herasugun aro. Kwe ane papaget hikhi logoino. Papaget hikhi logoumo, aren kwe huthisagain aro.

LUKAS 11:9 ပူးပေါင်းရင်းမြစ်များ

MAZMUR 118:5

An noba yi enggin ti enggin hikhi logolik, neisena Tuhan nen, telnabuagaluk ayonggo fugunem, nane esanggo holheresik, an nebe telnaferek.

MAZMUR 27:4

An nen wene misik ekhe neisena Tuhan kino yagahesik. An namolo re ebe yi'nogo. An neluk logolik oba re, ”Haren fanorogo nek hilingnafunem hobabut enek hugu welagik, nen wo'narek nikhi logoinogen iluk kino yagahetu welagik, ikhi logolik he, neisena Tuhan haiba andoma nabolok lek logoiyogen, iluk yagaheti o.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

MAZMUR 34:10

It afuni Tuhan inailorogo welagaikharek mene re, inelagaikhogo welagaikharek lek andi nen he, hit At againafuri mene nen he, At agaugwerati logoino o.

MAZMUR 34:4

Hit an ninom seberogo Tuhan enu legeisogo fouwok, ninebe mondogaren at enu hokhorasuogen we'ni.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

KIDUNG AGUNG 5:6

Oba nen he an nendawi hundik mene a'nogo faget kwe huthigiba nen, at ebe ambotkwe sugulogo lagama. Andi nen an nen at ane igin mene holigin iluk nendawinggen fenggek-fenggek ikhi logolik heratiba nen he we alomarogo herati lagi. At enu wolhigiba nen, ane onggo yaganete lek.

YESAYA 45:19

An nane hinagaisogo igirek lek, nen nendawimo hinagaisogo fisogo welagirek legat. An nen nagainafuri Israel mene yagaisikhi logolik, ”An hera'nabik logoin andi re alomarogo logoin o, An Tuhan nen nane igirek mene andi re eberogo meneat igirego, nen yagaisigirek mene andoma re eberogo meneat yagaisigirego,” iluk ikhe isikhe.

YEREMIA 29:12

Ma re, hiren An noba lebetninabin iluk kino yaganeti logogun. Hiren samban An noba yaganetunem he An nen hit onggo yagahisikhi logogin.

YEREMIA 33:3

”An nenu hombuk palhu halok he An nen nane onggo yagaheti logogin o. An nen he wene esin mene fano awene mondogat yagahetik, wene haren fut fou elo'lek mondogat inonggot mene yagahetik, ikhi logogin o

DANIEL 9:3

A'nogo ebetirik, neisena Tuhan Allah nen endawit nabuagaluk su karung mene laberogo, sumburu ninggi'lek heang nebe wul oba hurek logolik, samban nane nelagaik nane Allah ayonggo figi.

MATIUS 21:22

Nen, hit yi mene ti mene Allah kino yagati logolik hinendawinggen at oba eberogoat himbiret fegep halok he, wokhisagain aro,” iluk yagaisasikhe.

MATIUS 21:31

Halok he, hit hinendawimo nen he, it ap inebe pire andem sa hagen ineisena endawimo anggasikhe higithogo hilingitikhe anggegep,” iluk, yagaisasikhemo, iren he, ”Andi amlogo attak mene andi nen hilingitikhe,” iluk yagatukwama, at Yesus nen he, ”Halok he, an nen wene ekhe eberogoat yagahisak. Hit oan werek kwelek he, it ap uang pemerintah faget kino iluk andogotarek mene inom, hemi hesangge yanini hilingirik nikharek mene inom, it andi tak Allah awe a'ma fisikhere'ma andoma kugun o.

MATIUS 6:29

Mene re, at ap Salomo ebe kain logolik alilingge wagane'ma fogerati lagaukwa andi elo'lek hangge, oba nen enggen andi nek he eilamulit mondok fano!

MARKUS 11:24

A'nogo hilingiterek andi nen he, hiren yi mene ti mene Allah kino yagati logolik, hinendawimo nen, Arat wo'nisikhemo, iluk anggegep halok wokhisagain aro, iluk yagahisigi.

MARKUS 13:37

hinobabut hebelogo logobagaigeluk, yagahisigi o. Hit yagahisigi mene andi re afuni mondogat inomat yagahisigi o,” iluk yagaisasikhe.

YOHANES 14:13

Nen at sa nen, yi mene ti mene an nenu hombuk palogo Allah kino yagate halok he, an amlogo nen hilingitunem, it afuni nen neisena fogerasuageluk, an nen hilingisigin o.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

YOHANES 15:7

Hit an ninom hundik logolik nane hinendawimo werek halok, we, nena mene hit hinamolo mene an kino yaganesumo wokhisamo helogoin aro.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

IBRANI 11:6

Afuni inendawinggen Allah oba himbiret figi'lek halok he, at endawimo fanorogo hilingisugun mondok elo'lego. Nen, at oba wesuogeluk halok, iren he, ”Allah eberogoat werek,” iluk anggigik, ”At ebe inelu asuogeluk hilingisugun halok, aren onggo ebe mene wogisikheregat,” iluk anggigik, ugun andi.

IBRANI 4:16

Andi nen he, nit weak asu hak were'ma, fanoasuak, nineisena Allah obabut fano nen endawitninafik, lebetnisigik, uageluk, at Allah kain welagarek oba logolik obabut fanoba heanerogo hilingiterek andi nen, ninailo legat oba horokhogo kwikhi logouwogo.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

YAKOBUS 5:15

Iren inendawinggen Allah oba himbiret fuluk, samban ugun andiba, ninoe Enupogoren hinoba ou mene andi se asuageluk fano hilinghinafik, hit ekhe weak hilingitep mene werek halok, sebelogo legetfisigik, igino.

1 YOHANES 3:22

aren wene komotninafikhe wene higithogo hilingitik, at eilhanem endawimo fanorogo nek hilingitik, ikhi lago andi nen, nit yi mene ti mene kino yagatunem, aren wo'nisili'logo.

WAHYU 2:24

A'nogo meneat he, afuni ekhe nen, he andi Iblis awene endawimo mene yagaisikherek, iluk agarek mene andi re, hit afuni o Tiatira mene fenakwe nen, wene andi yagatik, hinelu agik, igi'lek andi nen he, hiren wene enggin mene ekhe hilingisubagaigen iluk yagahisagain lego.