LUKAS 11:39 - Allah Wene Fano Wene Hupla Inane

³⁹ A'nogo isikhemo re, at Tuhan Yesus nen mel yagatikhe: ”Hit ap Farisi mene hinagaiwak andi inom, piring andi inom, we, endakwe nek he fanorogo sobalhi lagep meneat he, elonggoma afuni inagarek hinenggi abisak helikhi lagep mene andi inom, yi weak ti weak hilingiti lagep mene andi inom, hinendawimo mondok hokhorogo peterek werek andi weago!

LUKAS 11:39 ပူးပေါင်းရင်းမြစ်များ

KEJADIAN 6:5

A'nogo logolik, afuni kweangma mene inobabut mondok weak, hundik-handik inendawimo weak mene nek ebetu were'ma Tuhan en eilenggen isasikhe.

2 TAWARIKH 25:2

At Amazia nen he Tuhan endawimo anggikherek mene nek hilingiti lagaikheba nen he, we endawimo eberogo mene hakhogo hilingiti lagaikhe lek.

MAZMUR 22:13

An naselei mene re wam banteng esa hokhorogo logalogo wagarek andi hak, it an naselei mene nen an haningisogo kwela'nabi weri'lagwi. Nen banteng maro mene o Basan oba andoma hakhogo iren an huli'liphogo kwela'nabi weri'lagwi.

AMSAL 26:23

Iwak kweang tangge mene agap endakwe perak meneba labere'ma elonggoma kweang mene hilingik andi hak he, ap inanini weak hilingiterek mene andi re inaneba fano-fano aple nek ikhi logoligen he, inendawimo re weak mene nek peterek.

AMSAL 26:25

Ap ane sakhorek oba ugu halok he eberogo iluk angga fuk, at andi re endawimo wene weak mene peterogo logolik igin a'naga.

AMSAL 30:12

Nen it ekhe nen he inendawimo mondok weak hokhorogo logoligenat he, inonggwaregen an he nendawimo horek welagi iluk anggaregat.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

YEHEZKIEL 22:25

It inogogwi kaindek ferinarek welagaikharek inaben he mene singa nen paik senggelfuluk ane kouwaterek higit hilingiri'lagwi. Iren he afuni mondogat inoa'luk he it inangge inelokhoma agarek mene omanogo hogoukhogo helaluk wagaikharek andiba re, hemi sogwe hokhorogo sogwe mene nek agaikharesik werek andi.

YEHEZKIEL 22:27

It inogogwi kaindek pemerintah ba yabu hilingiri'lagwi inap andoma re mene olomene serigala nen paik hangge senfuluk tilip talap isikherek andi higit werek. Iren he inangge hokhorogo helogoin iluk ap wasugun mene nek hilingiri'lagwi.

ZEFANYA 3:3

It ap o andiba yi kain ti kain werek mene re mene singa ngin eterek hak hilingitarek inap werek. Nen, it ap Hakim wene higithogo tegetarek inap andoma re no serigala nen nunggu mene nele welerogo logolik hilingiterek hak, iren oak misik iluk ogo hobit nunggu mene iluk ekhe fagarek lek.

MATIUS 15:19

Inendawimo nen wene weak mene ebetik, afuni inoatik, hemi ap inagagwi mene pailak fakfisigik, helimenggerugwi pailak fakfisigik, yogot wanhik, ineranenat it ekhe wene inoba figik, inabok wiik-weakhogo palhik, agarek andi re, inendawimo nenat kagalogo lagai wagunem wulafarego.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 7:19

mel yagaisasikhe: ”Ap ekhe wesigin ikhi lagaukwa a'nogo harara? I a, athe, ap hunogoat mene ekhe yerogo logogun a, iluk yagasi lani o,” iluk, Tuhan Yesus oba lakfisa wagaikhe.

YOHANES 12:6

A'nogo wene palhikhe andi re, afuni inangge lek mene andi endawi nen isikhe fuk. We, at agaila'lak inom mondogat inarupiah mene fisogo logolik, at onggwarek faget hinagaisogo helikhi lagaikhe andi nen isikhe.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

KISAH PARA RASUL 5:3

Fei wagaikhemo, at Petrus nen he, ”Ananias. Iblis nen hendawimo kagalhemo Allah Areagun lalogo kweang onggo fena minggilogo honggwarek faget fakhaluk wagen andi nenahalok.

GALATIA 1:14

Wene nit Yahudi mene ninombalagen yaganisasukwa mene a'nogo fisogo logolik he, it an nagaila'lak ninom higit mene nen wene inendawimo seramhogo hilingitu kwelek, an enek he, nomamerogoat hilingiti lagagi andi.

2 TIMOTIUS 3:5

afuni ineilhanem he, Allah againafuri hangge logolik, inendawimo nen Allah omame andi mene herakfisigik, ikhi logogun o. Yogondak afuni inobabut andi hangge ekhe hilingiri'lagwi mene halok, hinom hundik logogubo.

TITUS 1:15

Allah nen afuni ekhe inendawimo fanorinafe mene halok, it faget, yi mene ti mene wesa lek. Fano nego. A'nogo meneat he, it ekhe inendawinggen Allah oba himbiret figi'lek logolik, inendawimo anggili'lagwi mene inom, eberi'lagwi mene inom, weagat werek andi nen, yi mene ti mene faget fano lek. Weak enego.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.