LUKAS 11:36 - Allah Wene Fano Wene Hupla Inane

³⁶ Nen, hit hinebe abirenggeat he, o mum hangge ekhe lek, we, selek mondok enek welagep halok he, esage ibilaga logolik hinoba seleget fikherek hak, hinebe abirenggeat selek logogun o,” iluk yagaisasikhe.

LUKAS 11:36 ပူးပေါင်းရင်းမြစ်များ

AMSAL 1:5

Komo wene andomaba re, it inendawinggen kagalek mene ogore ekhe inomat inelu agik, nen it ap sekolah hilingitu mene ogore ekhe inom ineluet fisigik, ikhi logogin.

AMSAL 20:27

Tuhan aselek selegerinaferek mene a'nogo nen afuni inendawimo areagun werek mene a'nogo seleget fisugunem he, inendawinggenma mondogat selegerinaferek.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

HOSEA 6:3

Andi nen he, niren At ebe tukhumhogo ninelu asuogen he, eberogoat ninomamerogo hilingiti logouwogo. O hil lakfei wagarek andi hak, At ebe ninoba wagik, meiso pi waga la'luk, kweang sakhot fikherek andi hak, ninebe fanotninafik, i wesigin o,” iluk li'lagwi.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

MATIUS 5:15

Nen, esage ibilogo sebelogo fagarek legat. We, eisok telik oba fugunem afuni oloba welagaikharek mene inebe mondogat selegerinaferek.

LUKAS 11:35

Andi halok he, o selek mene hinendawimo werek andi mum asinogo iluk, hinobabut hebelogo logoino.

LUKAS 11:37

Yesus nen wene andi yagaisugu were'ma, ap Farisi mene ekhe nen Yesus yagati logolik mel isikhe: ”An were'ma sumburu nemberek na luogen eme o,” iluk ayonggo fesikhe. Ayonggo fesikhemo, aiba kwisikhesik he, sumburu nuogeluk hu'lagaukwa.

2 KORINTUS 4:6

At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

IBRANI 5:14

Mene re, it inaluendek enek he, inendawinggen arat wurik agaikha andi nen he, wene yi weak, yi fano, iluk penesu inelu andi nen sumburu haro mene andi re it inamburu o.

YAKOBUS 1:25

Nit afuni ninenggi hele warek hak were'ma, nineisena Allah nen fano weneba komotninaferek andiba fikhalninaferek. Halok, sa nen wene andi esanggo nek holfuluk he, onggot agarek fuk. We, higithogo futfuluk, oba eberek mondok logolik, wene andi higithogo hilingite halok, yi mene ti mene hilingitunem, Allah nen endawinggen agaiyekhogo lebethikhi logogino.

2 PETRUS 3:18

Ninoe Enupogot telninaferek mene obabut fano a'nogo nen wo'nisikherek mene andi wanhik, ebe hinelu agik, ikhi logolik he, hinendawinggen wurik a'luk logoino. Yogondak ya inom, hobuk inom, at Yesus Kristus alegat fogeratu mondok logouwogo, iluk, ”Amin,” igi andi.