LUKAS 10:6 - Allah Wene Fano Wene Hupla Inane

⁶ Hai warinabik kugunem, iren hai warogo fano wokhinafa halok he, Allah nen fanorinabigin. A'nogo meneat he, it ekhe nen hai warogo wokhinafi'lek halok he, hai warinafep mene hinane oak helano o.

LUKAS 10:6 ပူးပေါင်းရင်းမြစ်များ

MAZMUR 35:13

Oba nen he it inoba ou were'ma, it inobaget an nendawinggen heiselhunem he namburu ninggi'lek welagi, nunggul somarek logolik samban inobaget ugu welagi.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

LUKAS 10:5

Nen, afuni inaiba kwikhi logolik he, Hinebe yoma Allah nen fanothinabuago, iluk hai warinabik kwino.

LUKAS 10:7

It afuni hit wokhinabugun mene were'ma kwegep halok he, andomaat hinom logoino. Logolik, it afuni yabu wokhisugunem inenggi onggo yi mene ti mene wogisagaregaro, iluk, iren yi mene ti mene noageluk wokhisugu halok he, andiat ninggi logoino. O ya kwigik, ta kwigik, nikhi logogubo.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

2 TESALONIKA 3:16

Ninoe Enupogot ninendawinggen hambuget ninaferek mene a'nogo onggwaregen yi mene ti mene faget hinendawinggen hambuget hinafu mondok logolik he, hinebe mondogat fethinarek logouwago.

YAKOBUS 3:18

E fano mene awi yatunem enggen fano iterek andi hak, afuni inobabut lioksek logolik, it ekhe inom liokhogo logouwageluk lambulinafunem inobabut higithogo fano hilingitarek andi.

1 PETRUS 1:14

Hit attagat he, wene andi hinonggot logolik, yi mene ti mene hinamolo nen hinendawinggen en nunggunem hilingiti lagagip andi, hobuk he, hinobabut andi mene wanhup. Yenggerugwi nen ineisenalak inane hologo logolik higithogo hilingitarek andi hak, hit Allah ane hinesanggo hologo higithogo hilingiti logoino.

1 SAMUEL 25:17

Arigini'mo re, hat nagaisa nen ninggi'nogo hilingisigin aple andi re fanorogo wenggel hambik, an nen ti'nogo hilingisigin iluk katokhogo ino. Nit ninoe andi re mondogat ungguloak haro logolik ane uageluk heinok wokhugunem ogore ane igi'lek werek a'nogo. Nen aren a'nogo hilingite mene andi onggore at ninoeba inom, nen at eisok erokwe mene mondogat inom, ninoba asi wesigiluk werek andi!” iluk yagasi lagaikhe.