LUKAS 10:37 - Allah Wene Fano Wene Hupla Inane

³⁷ ap a'nogo nen he, mel isikhe: ”Ap andi warek were'ma ap ekhe wagaikhesik endawi nen lebethikhe andi aro,” iluk yagatikhemo, at Yesus nen mel isikhe: ”Halok he, haren ogo a'nogoat hilingirik lan o,” iluk yagatikhe.

LUKAS 10:37 ပူးပေါင်းရင်းမြစ်များ

AMSAL 14:21

Ap ekhe nen ap amu mene inabok palogo abiret fisikhe halok he andi aweagat hilingite, ap ekhe endawimo nen ap enggi lek meneba endawi hundik hilingite halok he agaiyekhogo logouwak.

HOSEA 6:6

Hiren wam, yi mene ti mene An nobaget warogo nolneti lagep andi nabit hangge. Oba nen he, An nebe tukhumhogo hinelu agik, hinendawinggen hundik mondok welagik, ikhi logogun andi nek he, an namolo re andi o,” iluk yagaisasikhe.

MIKHA 6:8

Lego! We nineisena Tuhan nen nit fano mene hilingiti logouwageluk weinamhogo yaganisikhe mene ebere yi: Afuni amu mene inoba higithogo nek hilingfisigik, nen, inendawi hundik hilingitarek mene andi ero omamet figik, ninendawinggen sebelek logolik Allah ninom hundik welagik, hilingiti logogun andi nek he mondok esin o.

MATIUS 23:23

”Hit ap Allah ane lisu palek eisewerek mene inom, Farisi mene inom, hinagap oba nek fano hangge logolik hinendawinggen pire mene yi ri! Allah faget hilingiti logogun esin hangge re, higithogo hilingitarek andi inom, afuni ekhe inendawinggen hundik welagaikharek andi inom, inobabut lenurogo welagaikharek andi inom, werek kwelegat he, a'nogo hilingiti'lek logolik, hiren larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi fikhi lagep meneat he, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!

LUKAS 10:36

A'nogo yagatikhesik he, wene ekhe mel isikhe: ”It ap yogot wanharek mene nen ap watukwa mene andi, Allah nen, afuni hinom welagep mene hinendawirogo logogun iluk isikhe a'nogo higit, ap inebe henagan andi, sa hagen endawiratikhe anggegen,” iluk a'nogo isikhemo,

LUKAS 10:38

A'nogo yagaisasikhesik he, hobuk at Yesus agoromi ane wanhi lagaukwa mene omanogo inom lagaukwasik, o sili ekhe kwisukwa. O andoma he ekhe enu Marta welagaikhe. Aren he, ”Yesus an naiba kwi wesuak,” iluk ayonggo fesikhesik wanhikhe.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

EFESUS 5:2

Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.

1 PETRUS 2:21

At Kristus ebe hit faget yi enggin ti enggin hilik-hilik wa'lagaikhe andi nen, hit ogo re, at obabut waganogo yi enggin ti enggin hoagelugat Allah nen hinayonggo fesikhe andi.