LUKAS 1:79 - Allah Wene Fano Wene Hupla Inane

⁷⁹ O mummo logolik wa'lasu hak andi ninailo, iluk anggili'lagwi a'nogo o selek hilingisogo fisigik, ninonggothogo were'ma, Kwe yiba lamo hinendawinggen hambuk igin, iluk, yaganisigik, igin o,” iluk, Zakharia nen isikhe.

LUKAS 1:79 ပူးပေါင်းရင်းမြစ်များ

AYUB 10:22

O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

AYUB 3:5

O andi sambul haren he, mondok te'met figik, mumet figik, henanggulok sebelogo weaget figik ino o. Mo yasinogoluk ohena nen sebelek mondok logouwak.

MAZMUR 107:10

Afuni andi it ekhe nen he, Allah awe a'ma logogun ninabit, iluk Tuhan Allah Lego Mondok werek mene a'nogo nen he, ”Yi'nogo hilingiti logoino,” isikhe mene a'nogo inendawimo serametfikhi lagaukwa andi nen inenggi posiemanggen heleba warogo fisasukwama heinet watu logolik hele warek o mum oba andoma welagaukwa.

MAZMUR 107:14

Aren he it inebe o mum oba omanogo nen inom posiemanggen meneba homago mene omanogoba nen inom, hele fikhalogo wulakfisa waga lagaikhe.

MAZMUR 23:4

An nebe tonggwe mum hikhaksekwe lagain halok ogore, Haren fetnarek mondok logolik, ap wam domba halherek mene nen, anggo ebe wasinogoluk, arigeba ebe telherek andi hak, telnafi lagen andi nen he, nailo lekhogo logogin.

MAZMUR 25:12

Tuhan nen he it afuni At Awene melalek futfuluk hilingitarek mene nek, it logoinkwe yagaisikherek.

MAZMUR 44:19

Nit ninendawimo re Hat hoba ninonggot aga lago mondok lego, Hat hawene melalek omanogoba nen higilogo esanggomat fikhi lago legaro.

AMSAL 3:17

Hebelek mene andi nen he, hat hebeba hagaiyekhogo logouwageluk hilinghobagagik hobabut fanorogo logouwageluk halhobagagik, igin.

AMSAL 8:20

An he, kwe higithogo lagaikharek andi hak, nobabut higithogo hilingitik, pikhithogo lagik, igirek andi.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 42:7

Afuni ekhe ineilenggen mum mene fenggenogo fanorinafik, it ekhe inebe mummo hele warogo ferinarek were'ma fikhalogo telinafik, igin o.

YESAYA 48:17

Allah Israel mene Horek Mondok logolik hinagap telhinaferek mene a'nogo nen yi'nogo ili'logo, ”An he hit hineisena Tuhan Allah welagi o, hit hinoba fano asigin mene faget yagahisigik, kwe lagukwe wokhinarek lagik, igirek mene welagi.

YESAYA 48:22

Tuhan ane ikhi logolik he, ”Ap inobabut weak enek hilingiri'lagwi mene andi it inobaget inagap telherek mene ekhe werek lego,” iluk isikhe.

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 49:9

Ap hele warek welagaikharek mene re An nen lologo wulaginabi wagik, nen it mum se'ma werek mene re An nen selek oba woginarek wulibi wagik, igin. Punu lei pirim se'kwe oba nen ogore it inangge lek mene ekhe logogun lek, ebekhe laga-logogun kwe andoma mondogat he inamburu fouget fisikhi logogin.

YESAYA 59:8

Hiren hinebe misik sebe uluk werek mene faget hilingiti lagep lek, hiren hilingiti lagep mene andoma mondogat he katokhogo hilingiti lagep lek. Hinanggwe laga lagepkwe andoma re yaning haning hilingi'mo re ap kwe andiba lagaikharek mene re fanorogo laga logogun lek.

YESAYA 9:2

Tuhan neisena, Haren it inoba inagaiyek hokho mene hoageluk hilingfisikhi lagen, nen afuni nen enggen ugu palek mene kabogeti logolik inom, hugulengge suburikhi logolik inom, inagaiyek hagarek hak it wonoget fakhoageluk harenat hiling fisikhi lagen.

YEREMIA 2:6

A'nogo hilingirilik laga logolik iren he, Nineisena Tuhan o Mesir en wo'ninarek wulibi waga logolik, kwe o leikwe yi mene ti mene fulelek legat, mondok weakwe, kiling ele hokhorogo werekwe, puk halongorekwe, afuni lagaikharek lekwe, wo'ninarek wagaikhe mene a'nogo ebe koma werek iluk mel heinok wo'nafi lagaukwa legat andi.

YEREMIA 6:16

Nineisena Tuhan nen againafuri faget mel ikhe: ”Hit hinebe ebekhe lagaikharek oba kwe handogalma andoma mendek logolik he hineilenggen fanorogo penesino o. A'nogo pene'luk he, kwe attak laga lagaukwa kwe andi, hiren wenakhaluk he, Fano re yi kwe iluk hinendawinggen hambukhogo logobagaigen he, kwe fanokwe andiat laga logoino o,” iluk ikhe. A'nogo ikhe meneat he, iren mel aga, ”Kwe haren egen kwe andi nen laga logogun he ninabiro,” iluk aga.

MATIUS 4:16

O mum oba welagep mene andi, o seleget hinabigin mene hokho mene ekhe hegebo. Hit o andoma wa'lasuogeluk hinoba mum asumo, seleget hinabigin mene ekhe waga andi o,” isikhe a'nogo higithogoat hilinglasuageluk Yesus andoma lagai wagaikhe andi.

YOHANES 1:9

At selek mene andi, kweangma yoma waga logolik, nit afuni mondogat ninebe lombok ninendawimo seleget ninabi wagaikhe.

YOHANES 12:46

Nen, it afuni inendawinggen an noba himbiret fogoin mene halok mondogat he, o mum oba logoinogo iluk, selegerinabigeluk an nebe selegerinafirek mene kweangma yoma pi wagagi o.

YOHANES 8:12

Hobuk he, at Yesus nen it afuni omanogo wene ekhe mel yagaisasikhe: ”Afuni selegerinafirek andi re, an aro. Ap sa nen an nombo'ne nikhi logogin halok he, an nebe selek mene logolik inelugerinafirek mene a'nogoat wo'nabigin andi nen he, at andi o mum oba nikhi logogin lego,” iluk ikhi lagaikhemo,

YOHANES 9:5

An kweangma yoma logolik, nebe o selek hangge andi nen he, afuni selegerinafirego.”

KISAH PARA RASUL 10:36

Higimo re, nit afuni mondogat ninoe Enupogot Yesus Kristus nen lambukhogo ninobagauwageluk wene fano wene andi, ebe nit afuni Yahudi mene ninoba lakfei wagaikhe andi hinelu o.

ROMA 3:17

Afuni ekhe inom fano lambukhogo logou re, inonggoro.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.