LUKAS 1:66 - Allah Wene Fano Wene Hupla Inane

⁶⁶ A'nogo ikhi lagaukwama inesanggo holhukwasik he, ”Allah nen omamerogo fanot fikhemo higi,” iluk ineilenggen hasukwasik, inendawimo ebeti logolik he, ”Yenggerek yi alue asimbik he, ninggi'nogo hilingiti logogin,” iluk ikhi lagaukwa.

LUKAS 1:66 ပူးပေါင်းရင်းမြစ်များ

KEJADIAN 37:11

A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.

KEJADIAN 39:2

Onggo palhikhemo, Yusuf Potifar o Mesir mene andi amingmingengge logolik, aiba andoma yi yabu ti yabu hilingitunem nineisena Tuhan nen serogo logolik lebethikhi lagaikhe andi nen he, higithogo nek hilinglaga lagaikhe.

1RAJA-RAJA 18:46

Andi sambul he, at Elia nineisena Tuhan nen omame wogotikhemo re, asu sogoi su oba sirogo obakheba liakfesikhesik, ban oba ninghogo pugetfesikhesik he, humusek mondok at Ahab hobuget fuluk attagat o kota Yizreel leget pa'leget ambe palek oba wagaikhe.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 80:17

Anggur ero lebekhogo endumo nolharek andi hak, nit ninaselei mene nen ninebe weaget ninabi'lagwi mene andi, Hat ha'mage it inoba fembik, it inebe leget fisano o.

MAZMUR 89:21

An nen namingmingengge Daud ebe wenatirik he, minyak unggul oba kweisalogo ebe menfigi.

LUKAS 1:80

Nen, at Zakharia amlogo a'nogo ebe alue agaikhesik endawinggen mondok wurik agaikhesik, afuni Israel mene oan eilenggen isa lagi'lek logolik he, o leimo afuni mondok le'ma andoma welagaikhe.

LUKAS 2:19

Meneat he, at he Maria a'nogo nek he, wene isukwa mene omanogo endawinggenma wanhikhesik he, menenei ebeti lagaikhe.

LUKAS 2:40

Lagai wagaukwasik logolik, yenggerek a'nogo alue aga logolik, ebe omame agik, endawinggen mondok kagalek mene hilinglagik ikhi lagaikhemo, Allah nen agaugwerati lagaikhe.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

LUKAS 9:44

”An wene yagahisagain yi fanorogo futfikhi logoni o. An abat ta'lasi wagagi a'nogo aben yonggo lambik it ekhe nen noasuageluk inenggiba nobagagun o,” iluk yagaisasikhe meneat he,

KISAH PARA RASUL 11:21

A'nogo yagaisugunem, Tuhan omame hokho mene a'nogo inoba logolik leberisugunem he, afuni inebe hokhorogo nen, ”Wene andi eberogoat higi,” iluk inendawinggenma wanhukwasik he, inobabut hebelagaukwasik inelokhe Allah wogetukwa.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.