LUKAS 1:37 - Allah Wene Fano Wene Hupla Inane

³⁷ At Allah nen yi mene ti mene hilingisigin he, elogo. Elok hilingisigin enek,” iluk yagatikhemo re,

LUKAS 1:37 ပူးပေါင်းရင်းမြစ်များ

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

2 RAJA-RAJA 3:18

A'nogo isikhesik at Elisa nen ane ekhe inom ikhi logolik, ”A'nogo oba nen wene andem Tuhan nen he we endep wene hangge hilingik. Aren he it ap Moab inap andiba nen hit hinebikhit hinomamet hinobaigiluk werego.

AYUB 13:2

Hit hinelu welagep mene andoma an ogo neluregat, nen hiren anggikhi logolik nit enek ninelure'ma athe onggot werek he angga fuk.

YEREMIA 32:17

”Tuhan henupogot mene neisena, Hat Homame Hokho mene a'nogoba pogot inom kweang inom elalhigin. Haren yi'nogo ti'nogo hilingisu lek mene ekhe werek fuk.

YEREMIA 32:27

”An he Tuhan Allah afuni mondogat faget ineisena welagi o. An nen hilingisu lek mene ekhe werek fuk.

ZAKHARIA 8:6

A'nogo hilinglasigin mene andi faget it ap inunggulenu yogondak ineluk werek mene nen he, wene andi re hilinglasigin elo'lek anggagarek, oba nen An nen hilingisu lek mene ekhe werek lek.

BILANGAN 11:23

A'nogo yagatikhemo, At nineisena Tuhan nen onggo yagati logolik: ”An nomame we endebat anggikhi lagen a? An nen yagaheti andi eberogo weak-weagat hilinglasigin a? Lega. Ebe hilinglagunemen heilenggen hagain o,” iluk yagatikhe.

MATIUS 19:26

at Yesus nen he eilenggen lurogo inoba fesikhesik mel yagaisasikhe: ”Afuni nen hilingisugun mondok elo'lek meneat he, at Allah nen yi mene ti mene hilingisigin elok enego,” iluk yagaisasikhe.

MARKUS 10:27

A'nogo ugunem, at Yesus eilenggen it inoba fesikhesik he, mel yagaisasikhe: ”Afuni nen hilingisugun mondok elo'lek meneat he, Allah nen hilingisu lek mene ekhe werek fuk. Aren yi wene ti wene mondogat hilingisu hagenego,” iluk yagaisasikhe.

LUKAS 1:36

Nen, yethan, hat hoe Elisabet a'nogo ebe yaman aga meneat he, omalik abat a'ma agama o. He andi ebe abili o, iluk, abok agarek a'nogo omalik a'ma agasik tugi 6 en folelhemo yagaheti.

LUKAS 1:38

at Maria nen he: ”I o. An Tuhan amingmingengge aro. Haren egen andi higithogoat hilingnabuago,” iluk isikhemo re, at malaikat yonggo wagaikhe mene a'nogo Maria herakfuluk lagaikhe.

LUKAS 18:27

at Yesus nen he, mel yagaisasikhe: ”Afuni nen hilingisu mondok elo'lek meneat he, at Allah nen hilingisigin enego,” iluk yagaisasikhe.

FILIPI 3:21

Andi ebe wesimbik he, nit ninebe ninomame lek logolik, ninagap fili agarek mene yi herakfisaluk obali'mo re at onggwarek agap hak fogeratarek mene a'nogo nirogo a'nogoat ninagap ket mene hilingninobagagin. At omameba yi mene ti mene mondogat at awe a'ma fisagain andi nen he, at ebe fogeratarek hak, nit ninebe fogetninabugun mene hilingisogo ninobagagino.