LUKAS 1:20 - Allah Wene Fano Wene Hupla Inane

²⁰ A'nogo wagarik wene yagaheti meneat he, eberogoat anggigi'lek andi nen, hilinglasigin higit oba hilinglasigin andi oan hilinglagi'lek werek kwelek he, halonggobak te'merogo hane igi'lek logombigen, hobuk wene andi mondogat hilinglagunemen, hane houwak igin o,” iluk yagatikhe.

LUKAS 1:20 ပူးပေါင်းရင်းမြစ်များ

2 RAJA-RAJA 7:2

A'nogo yagatikhemo, ap raja onggwarek agot lebethikhi lagaikhe mene nen he, ”A'nogo elok hilinglasigin nogo? Mondok elo'lego. O yogondak yiba Tuhan pogoroba nen meiso hokho mene kwe hurogo pelabi wesumo mene ogore, a'nogo hilinglasigin mondok lego,” iluk yagatikhe. A'nogo yagatikhe meneat he, at Elisa nen he, ”Wene andi eberogoat hilinglagunem, hat heilenggen tomok hagain aro. A'nogo hagain meneat he, gandum enggen andi endebengge halok ogo haren ekhe enduk mikhagain mondok lego,” iluk yagatikhe.

KELUARAN 4:11

A'nogo yagatikhemo, at Tuhan nen ikhi logolik he, ”Sa nen afuni inambe hilingisogo fikherek nogo? Nen, sa nen inane unggut lugulugwit figik, inesanggo tagumet figik, ikherek nogo? Nen, sa nen ineilenggen puget figik, fenggen figik, ikherek nogo? An Hineisena Tuhan nen hilinginafirek lek nogo?

YESAYA 7:9

Afuni Efraim mene inawi kota eroma re o Samaria, nen hun Pekah re Samaria mene faget inoe raja werek andi nen he, hiren An noba tiphogo logogun lek halok eberogo nen he hambukhogo logogun lego iluk ikhe, iluk yaga'no,” isikhe.

YEHEZKIEL 24:27

O andi sambul ogore hat hane igi'lek logogin mene a'nogo hane ugu mene kwe husigin. Andi nen haren ap andi hinom hinane masugun. A'nogo hilingisigin andi re haren it inobaget enegengge hilingisiginmo re, iren An Tuhan a'nogo inelu asugun o,” iluk yaganete.

YEHEZKIEL 3:26

An nen hat hamelinggen helanglang oba to'mot hobagaumo re haren ap unggulenu wene oak sagalherek mene ariba wene yi'nogo ti'nogo iluk ekhe yagaisagain mondok lek.

DANIEL 10:15

Andi iluk aren an yaganetu kwelek a'nogo re an nelokhe wambo igirik nane u elo'legat agi.

BILANGAN 20:12

A'nogo meneat he, Tuhan en Musa inom Harun inom inenggali warogo wenagisikhi logolik, mel yagaisasikhe: ”An nomame hokho mene afuni Israel mene inelokhoma inukhisikhi lagi mene a'nogo hit hinendawinggenma nen eberogoat iluk futnobagagi'lek, An nebe horek welagi mene a'nogo agaugwet nafi'lek hinendawimo nen anggaluk hilingitep andi nen he, An o it wogisageluk wene warisasigiba andoma hit hemberegen woginarek logoin mondok lego,” iluk yagaisasikhe.

MARKUS 16:14

A'nogo hilingirik waga lagaikhesik, ebe hobuk he, irat Yesus agoromi inebe 11 nen omanogo hurek sumburu ninggi logolik were'ma, ”Ineilenggen neoak,” iluk inoba kwisikhesik inelokhoma menlagaikhesik mel yagaisasikhe: ”Hit yoma hinendawimo nen he, eberogoat iluk anggigi'lek hinendawimo pugat yoma ri! Allah nen an nebe arat nelugetnafemo were'ma, it ekhe nen ineilenggen neagasik yagahisa wagaikha meneat he, hinendawimo nen eberogoat iluk anggigi'legat welagep yoma ri!” iluk wenagisasikhe.

MARKUS 9:19

Yagatikhemo re, aren it afuni omanogo mel yagaisasikhe: ”Hit afuni o yogondak welagep mene yi re, hinendawinggen noba himbiret figi'lek welagep yi ri! An nafe morogo nenggi miren oba ninom logogun nogo. Yenggerek ari an noba waluk we'ni o,” iluk yagaisasikhemo oba waluk wagaukwa.

LUKAS 1:19

at malaikat a'nogo nen he, ”An Allah eilhanem mendek welagirek mene nenu Gabriel andi re nebe an aro. Fano wene yi yagahesuageluk, at Allah nen yonggo laknobagai wagama wagi o.

LUKAS 1:21

A'nogo yagatu kwelek he, it afuni olulu samban ugu welagaukwa mene omanogo nen he, ”Zakharia a'nogo olulu mondok wulibi wagi'lek Allah awi wuri'mo oloba mondok werek andi nailo e!” iluk a'nogo ugunem,

LUKAS 1:22

Zakharia ebe wulibi wagaikhesik he, weneane ekhe mondok yagaisigi'lek kamo isikhemo, it omanogo nen he, ”Ap yi Allah awi wuri'mo nen abikanggo ekhe hikhemo higi,” iluk futfesukwa. A'nogo ugunem he, at a'nogo ekhe ane mondok igi'lek, we enggi tum piling enek ikhi lagaikhe.

LUKAS 1:45

Neisena Tuhan nen abok yagahetikhe mene, ebeat asigin o iluk, hendawinggen Allahba himbiret fegen andi, hendawimo hagaiyek hokhorogo hakhagain o,” iluk yagatikhe.

LUKAS 1:64

Fogeratu kwelek aremnogoat, Zakharia a'nogo ane mondok houwak isikhesik he, ane ikhi logolik Allah hai wati lagaikhe.

ROMA 3:3

Mene re, it afuni Yahudi mene it fena wene andi hologo logolik inobabut humbunhogo hilingitarek lek andi nen ninggi'nogo hilinglasigin anggegep? It inobabut Allah ane hologo logolik humbunhogo logou lek andi nen he, Allah obabut humbunhogo hilingiterek mene andi lek a'luk obakhe nene hilingisigin anggegep?

2 TIMOTIUS 2:13

Mene re, At onggwaregen, ”An nobabut attak welagi mene andi lego, iluk hunogoat munenagarek lek andi nen, nit At oba hundik logogun lek halok, aren nit ninoba hundik mondogat welagarego,” iluk, agarek andi eberogo aro.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

IBRANI 6:18

Wene hombuk palogo yagaisasikhe andi re, nit Allah awe a'ma kwi wago mene halok ninendawimo nen, ”Fanotninabigin,” iluk eberek welago mene ninendawinggen hambukhogo logouwageluk nirat yaganisasikhe. Abok igik, hombuk palhik, wene pire isikhe andem, niren he, Allah eranen ikherek mondok lek, iluk ninendawinggen hambukhogo logouwageluk yaganisasikhe andi.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.