KOLOSE 4:6 - Allah Wene Fano Wene Hupla Inane

⁶ Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.

KOLOSE 4:6 ပူးပေါင်းရင်းမြစ်များ

1 TAWARIKH 16:24

At mondok along werek aple a'nogo afuni inunggulenu welagaikharekwe andoma tindelik lani o, At obabut fulu polanhogo hilingiri'lago mene andoma At againafuri inoba tindeli lani o.

MAZMUR 105:2

At Tuhan oba nek fogerati logolik, awuni wati logoino. Aren ekhe mene ekhe mene mondok elalin hilingiterek mene andoma mondogat yagaisilik laga logoino.

MAZMUR 119:13

Hat hawene melalek wo'netigin mene andomaba, an nambeba nen tindelhi lagi.

MAZMUR 119:46

Haren wene yi'nogo hilingiti logoino ti'nogo hilingiti logoino iluk yaganisasigin mene andi re, an nen it raja-raja omanogo inoba fageti logogin, an he nenggali asigin lek.

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MAZMUR 66:16

Yago, hit afuni wene melalek futfuluk hilingiti lagep mene yi sani, At Allah nen an nobaget hilingitikhe aple tindelogo yagahisagain enggere, hinebe we'luk he hinesanggo fanorogo holi we'ni o.

AMSAL 10:21

Ap fano mene nen inane agarek mene andoma re afuni hokhorogo fanot fisugu mene faget agarek, ap kembu mene nen lugulugwi kanggorogo nek matarek mene andoma re inonggwarek inebeat waragarek.

AMSAL 15:4

Inane liokhogo agarek oba re ekhe inom inagaiyek agarek, inane inoba wusufuk lafuk agarek oba re inagaiyek lega'luk inoba lebelek agarek.

AMSAL 15:7

Ap inendawinggen kagalek mene nen komorinafunem he yi wene ti wene inelu mondok agarek, meneat he, it inobabut kembu mene nen a'nogo ekhe wenggelharek lek.

PENGKHOTBAH 10:12

Ap hebelek mene ane ugunem he legeisogo fagarek, oba nen ap morue mene re onggwarek ane ambisangma eiloak lek agarek.

YEHEZKIEL 43:24

wanimbik he An wo'nesi we'no. It imam en he mayu wam pire warengengge andem ambolebene fol fuluk, endu nolumo re An nobaget fuluk nolhu mene asigin.

IMAMAT 2:13

Eluge andi re hit hinom Allah inom wene katokhogo warek werek iluk enekhogo hilingi'more enu warek mene andi re hundik-handik fei waga logolik he eluge fologo fei wagunogo. Nen yi mene ti mene abirengge fei wagu mene andi re eluge folhigik enek fei waga logogun.

MATIUS 5:13

A'nogo yagaisasikhesik he, ”Afuni yoma mondogat faget, mayu hangge hirat welagebo. Mene re, mayu andi aik lek aga halok he, nena meneba aik wereget asugun anggegep? Lego. Aik wereget asugun mondok legen he, kweisalogo lakfisugunem afuni ineisogen sebelisagarek andi.

MARKUS 9:50

Mayu andi fano meneat he, aik lek aga halok, nena meneba aik weregerasugun anggegep. Lego. Mayu andi hinendawimo fisogo logolik, afuni ekhe hinom lambukhogo logoino,” iluk yagaisasikhe.

LUKAS 4:22

it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

ULANGAN 11:19

Hit hinagainafuri inoba oloba nen inom, endakwe nen inom, set warikhi logolik inom, yabu hilingiti logolik inom, tindel isigik, yagaisigik ikhi logoino.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

1 PETRUS 3:15

Hiren he, Kristus agaugwerati logolik, ”Ninoe Enupogot aro,” iluk hinendawinggen oba nen fogerati logoino. Fogeratunem, it ekhe nen heinok hinoba wokhisikhi logolik he, ”Fano asigin, iluk oba eberek welagep andi nenahalok,” iluk yagahisugunem he, onggo wene furogo yagaisogoin mene hinendawimo eberek mondok logolik,