KOLOSE 4:3 - Allah Wene Fano Wene Hupla Inane

³ Samban ikhi logolik, nit faget he, mel ikhi logoino: ”Allah nineisena. Wene Kristus nen hilingitikhe wene, attak hendawimo hinago welagaikhe mene a'nogo, it Paulus lagen yagaisilik nikhi logouwageluk, kwe hurisan o,” iluk, samban nit faget ikhi logoino o. Wene andi fagerat nenggi hele warogo nobagagama welagi.

KOLOSE 4:3 ပူးပေါင်းရင်းမြစ်များ

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

ROMA 16:25

Allah fogerati logouwogo! An nen fano wene Yesus Kristus hilingitikhe wene yagahisasigi hak, at Allah omame hokho mene a'nogo nen hinendawinggen wurigethinafi logogin elogo. Wene Allah endawimo mene andi, attagaren hinago welagaikhe mene re, yogondak Allah nen weinamet fesikhe.

1 KORINTUS 4:1

Hiren nit faget he, ”It inebe Kristus amingmingengge logolik, Allah endawimo anggikherek awene afuni kweangma inonggot kwe yagaisilik nikharek mene o,” iluk futninobagakhi logoino.

2 KORINTUS 2:12

An o Troas andoma wagagi hak he, fano wene Kristus hilingitikhe wene a'nogo, afuni andoma mene fano asuak yagaisoageluk ninoe Enupogoren yaganetikhemo yagaisugu welagagi.

EFESUS 3:1

Andi nen he, an Paulus hit afuni endakwe mene Kristus Yesus nen telhinabuageluk, at faget nenggi hele warogo nobagagama welagi.

EFESUS 3:3

Wene at Allah endawimo hinago welagaikhe mene andi, an fakhogo yaganetikhe, iluk lisu katokhogo palogo yagahisasigi andi.

EFESUS 3:4

Hiren wene andi enu salhi logolik he, ”Wene Kristus faget hinago welagaikhe mene andi, at Paulus elu agasik werego,” iluk enegat futfogoin andi.

EFESUS 3:9

At Allah yi mene ti mene mondogat elalhikhe mene a'nogo nen anggikhi logolik, ebe yi'nogo hilinglasigin, iluk, wene endawimo hinago welagaikhe mene, afuni mondogat weinamhogo yagaisilik nikhi logouwageluk nayonggo fesikhe andi. Nen, it ap malaikat pogoroba kwe yonggo nikharek mene omanogo inogogwi kaindek inom, inane hologo welagaikharek mene inom, nit Allah againafuri nen he, ”At Allah yi mene ti mene faget endawimo mondok wenggelek,” iluk he, yagaisugunem yogondak ya inelu asuageluk, fagearen wene andi Allah endawimo hinago mondok welagaikhe.

EFESUS 4:1

An neisena Tuhan faget nenggi hele warogo nobagagama logolik he, hit wene ekhe komothinabik. Nerugwi nagaila'lak. Hit hinobabut he, at Allah nen hinayonggo fesikhe higithogoat hilingiti logoino o.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

KOLOSE 1:26

Wene andi, o endamat eroba nen yi tahun ti tahun hilinglaga logolik, afuni ekhe ti'larik-ta'larik wagu kwelek, Allah nen afuni yagaisigi'lek ineilmasirogo at endawimo hinago welagaikhe. Meneat he, yogondak nit at againafuri mene halok, sele'ma fakhogo yaganisasikhe andi.

KOLOSE 4:18

Nen ekhe yi re, an Paulus nonggwarek nenggi nen lisu palogo hai wathinafi o. Hiren he: ”Paulus enggi hele warek werek,” iluk noba eberek mondok logoino o. Allah obabut fano a'nogo nen fethinarek logouwago.

1 TESALONIKA 5:25

Nerugwi nagaila'lak. Nit faget samban ikhi logoino o.

2 TIMOTIUS 1:16

A'nogo meneat he, at Onesiforus againafuri inom enek he, hundik-handik, nendawimo fanorogo nendawinggen sebeli weri'lagwi andi nen he, ninoe Enupogoren endawirogo ferinarek logouwago. An nenggi hele warek were'ma noba wesu enggali legat,

2 TIMOTIUS 2:9

An fano wene a'nogo yagaisilik nugunem, it afuni ekhe nen, it ekhe weak hilingiri'lagwi mene hilinginabu hak, an yi enggin ti enggin hilingnafik, nenggi hele watik, ili'lagwi meneat he, Allah ane andi hele homasugun elo'lego. We, hele fikhalegat werek.

FILEMON 1:22

Hit mondogaren an faget samban Allah ayonggo fikhi lagep andi nen, aren hobuk nenggi hele fikhalogo wulaknobagambik, hinoba wo'narek wesigin anggikhi lagi. Halok he, an hobuk hinoba wesimbik nogo igin oba faget, hat haiba andoma o senggelek ekhe tegelogo nobagaluk logoino.