KOLOSE 4:2 - Allah Wene Fano Wene Hupla Inane

² Samban he, Allah hai wati logolik, hinaberali agi'lek hundik-handigat ikhi logolik, hinebe hebelogo logoino o.

KOLOSE 4:2 ပူးပေါင်းရင်းမြစ်များ

AYUB 15:4

Nen haren egen mene andoma hologo hilingisumo nen he, ap misigen iluk ogo ekhe Allah ba ailo welagi'lek, samban igi'lek logou hago.

MAZMUR 109:4

An nen it faget nendawi hundik hilinginafi logolik inobaget samban ugu kwelek oba nen, iren an noba fu'mo hikhibet niili'lagwi.

MATIUS 26:41

Weak hilingisuageluk hinendawimo kagali wesinogo iluk, hinebe hebelogo logolik he, sambanat ikhi logoni o. Hinendawimo nen elok hilingisigin iluk anggikhi lagep meneat he, hinebe nen a'nogo hilingisugun he, elo'lego,” iluk yagaisasikhesik he,

MARKUS 13:33

Mera hilinglasigin hit hinonggorat andi nen he, hinobabut hebelogo kagalek logoino o.

LUKAS 18:1

A'nogo yagaisasikhesik he, at Yesus nen agoromi ane wanhi lagaukwa mene omanogo samban ikhi logolik inendawimo kamo igi'lek, hundik-handigat ikhi logouwageluk, wene ekhe oba lirogo yagaisikhi logolik he, mel yagaisasikhe:

LUKAS 21:36

Yi'nogo ti'nogo mondogat hilinglasigin igi a'nogo hilinglagu kwelek he, hinomamerogo hinafe morogo logolik, hinenggali legat nelokhoma mendek were'ma, an abat ta'lasi wagagi a'nogo hisa wesigen he, hundik-handik sambanat ikhi logolik he, hinebe hebelogo logoino o,” iluk yagaisasikhe.

KISAH PARA RASUL 1:14

It inebe andem inom, Yesus agaisa Maria inom, hemi ekhe inom, Yesus agoromi ombo'ne mene inomat, inebe mondogat inendawinggen misigat logolik he, samban ugu mondok welagaukwa.

ROMA 12:12

Hiren he, ”Hobuk at Allah nen fano hilingisigin werego,” iluk, hinendawimo hinagaiyekhogo yi enggin ti enggin hikhi logolik he, hinafe morogo samban kamo igi'lek ugu mondok logoino o.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

KOLOSE 3:15

At Allah nen Kristus ebe misigat mene hinom lambulogo hundik logobagaigeluk hinayonggo fesikhe andi nen, yi mene ti mene faget hilingisuogeluk hinendawimo nen he: ”Kristus nen ninom lambulogo ninobagasikhemo welago,” iluk, wene andiat esinet fikhi logolik he, higithogo hilingiti logoino o. A'nogo hilingiti logolik, Allah ebe hai wati logoino o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

KOLOSE 4:12

At Epafras, Kristus Yesus amingmingengge ebe hit meneat a'nogo nen, hai wathinafe aro. Aren he, hit hinendawimo nen: ”Allah ane andi eberogoat,” iluk futfuluk he, hinendawinggen wurik asimbik hinebe mendegat logolik he, yi mene ti mene Allah endawimo anggikherek hak hilingitu logobagaigeluk samban hit faget ninghogo ugu mondogat welagarek.

1 PETRUS 4:7

Yi mene ti mene mondogat wurep oba hilinglasigin mene horogat asi waga iluk, samban ikhi logouwogeluk, hinendawinggen sebelek logolik, hinobabut hebelogo logoino.

1 SAMUEL 1:12

At Hana a'nogo samban aninurogoat ugu were'ma, at Eli Hana ambeba eilenggen kumuti lagaikhe.

1 SAMUEL 12:23

Nen, an nebe re, hit faget samban igi'lek, nineisena Tuhan ane sagalogo herakfisaluk an weak hilingisigin he, nabiro. At he, hiren yi mene ti mene fano higithogo hilingiti logobagaigiluk an nen wene yagahisugu mondok logogin o.