KOLOSE 4:18 - Allah Wene Fano Wene Hupla Inane

¹⁸ Nen ekhe yi re, an Paulus nonggwarek nenggi nen lisu palogo hai wathinafi o. Hiren he: ”Paulus enggi hele warek werek,” iluk noba eberek mondok logoino o. Allah obabut fano a'nogo nen fethinarek logouwago.

KOLOSE 4:18 ပူးပေါင်းရင်းမြစ်များ

ROMA 16:20

At Allah afuni inendawinggen hambuget fikherek mene a'nogo nen, at Iblis andi hineisogen alperelogo herakfisoageluk weak-weagat hinawe a'ma fei wesigin werego. Ninoe Enupogot Yesus Kristus obabut fano a'nogo nen kwelakhinarek logouwago.

ROMA 16:22

”An Tertius Paulus ane ugu kwelek lisu yi palhi mene nen, ninoe Yesus Kristus ninom hundik logolik hai wathinafi aro.

ROMA 16:23

At Kayus nen an nebe wo'nafik, Allah againafuri mondogat at aiba andogoti logouwagen woginafik, ikhe mene andi nen hai wathinafe aro. At Erastus o kota yoma faget uang fisugunem fisogo welagarek mene andi nen hai wathinafe aro. Nen, ninagailak Kwartus nen hai wathinafe aro.”

1 KORINTUS 16:21

An Paulus nonggwarek nenggi nen lisu palogo hai wathinafi andi.

FILIPI 1:7

Allah obabut fano nen nayonggo fesikhemo re, an nenggi hele warek welagik, nenggi hele oan wati'le'ma fano wene elelerogo ninghogo hilingitik, ikhi lagi hak, hit mondogat a'nogoat ninom hilingiti logouwageluk hinayonggo fesikheat andi nen he, hit hinebe nendawinggen hundik welagio. Ma re, an nen hit mondogat faget: ”Yesus eberogoat hilinghinabi wesigin,” iluk angga mene higithogoat anggikhi lagi.

KOLOSE 4:3

Samban ikhi logolik, nit faget he, mel ikhi logoino: ”Allah nineisena. Wene Kristus nen hilingitikhe wene, attak hendawimo hinago welagaikhe mene a'nogo, it Paulus lagen yagaisilik nikhi logouwageluk, kwe hurisan o,” iluk, samban nit faget ikhi logoino o. Wene andi fagerat nenggi hele warogo nobagagama welagi.

2 TESALONIKA 3:17

An nen wene mondogat lisu palhi logolik: ”At Paulus nen palhemo higi,” iluk, enegat fut fouwageluk, wene wurep kobokhogo hai wathinafi logolik he, nonggwarek nenggi nenat palhirek a'nogo hak, yogondak yi hai wathinafi logolik palhi mene nenggi enegat andio.

2 TIMOTIUS 1:8

Andi nen he, ninoe Enupogot abok afuni ekhe yagaisageluk henggali legat fakhogo yagaisigik, nen, an at fagerat nenggi hele warogo nobagagama welagi yi faget, henggali lek halonghogo welagik, ikhi logoino. A'nogo ikhi logolik, afuni ekhe nen fano wene andi faget, yi enggin ti enggin hilingninafu kwelegat, an Allah omameba welagirek hagat, hafe morogo logoino.

2 TIMOTIUS 4:22

Ninoe Enupogot obabut fano a'nogo nen fetharek welagik, nineisena Allah fetninarek welagarek mene a'nogo nen hinebe mondogat fanothinafik, ikhi logouwago.

TITUS 3:15

It Allah againafuri an ninom yoma welagorek mene inebe mondogaren hai wathafa o. Nen, haren he, Allah againafuri inendawinggen at oba eberogoat himbiret fuluk, ninebe inendawi mene andoma, ”Paulus nen hai wathinafe,” iluk, yagaisano aro. Allah obabut fano a'nogo nen hit mondogat fethinarek logouwago.

IBRANI 13:25

Nerugwi nagaila'lak. Allah obabut fano a'nogo nen hit mondogat fethinarek logouwago.

IBRANI 13:3

It ekhe inenggi hele warek were'ma, hinendawimo nen he, ”Nit ogo re, ninomat ninenggi hele warek hangge welago,” iluk, it inoba ebetik, it ekhe yi weak ti weak hilinginafunem hit hinendawimo nen he, ”Nit ogo re, kweangma yoma oan were'ma a'nogoat hilingninabugun aro,” iluk, it inoba ebetik, ikhi logoino o.