KOLOSE 4:17 - Allah Wene Fano Wene Hupla Inane

¹⁷ At Arkhipus a'nogo wene mel iluk yaga'no: ”Ninoe Enupogoren yabu at faget yi'nogo hilingi'no iluk hayonggo fikhe mene andi, wurep kobokhogo hilingi'no,” iluk yaga'no.

KOLOSE 4:17 ပူးပေါင်းရင်းမြစ်များ

2 TAWARIKH 29:11

Nagainafuri e, hit he Tuhan obaget wene kabogetik, At obaget enek hilingitik, amben fanongge a'nogo noletik, it afuni holhu mene wene kabogetuba melalinafik, hilingiti logouwageluk At Tuhan nen wenakhinafemo re, hiren higilik-higilik la fuk,” iluk yagaisasikhe.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

BILANGAN 18:5

An nen afuni Israel mene inoba ekhe na'mage figi hanogo re yabu O Senggelek Hore'ma a'nogo inom, nen mezbah oba andoma inom he, we hat Harun inom, it hagainafuri inomen nek hilingiti logogun.

MATIUS 25:17

Nen, ap ekhe 2.000 nen wanhikhe mene a'nogo, a'nogoat hobuk 2.000 ekhe inom mangorogo fesikheat.

KISAH PARA RASUL 14:23

A'nogo yagaisaluk wulibi waga logolik he, o yi awi ti awi, Allah againafuri andogoti lagaukwa lombok, inogogwi ferinarek logouwageluk menfisaluk he, inenggi ekhe samban uogeluk sumburu ninggi'lek weat logolik samban yi'nogo ikhi lagaukwa: ”Tuhan Yesus ninoe. Hagainafuri inendawinggen hoba himbirik werek mene yi, ferinarek logoinogen iluk hat henggiba fogo o,” iluk samban ilik wulibi wagaukwa.

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

1 TIMOTIUS 4:14

Hat faget fageat it ap Allah againafuri kwelaginarek welagaikharek mene nen inenggi hunggul oba sebelhu kwelek, it ap Allah ane yagaisagarek mene nen mel isukwa andi: ”Hat hobuk yi'nogo hilingiti logoino,” iluk, yagahetukwa higithogo, Allah obabut fano nen ninobabut tomok wo'nisikherek a'nogo hat wokhetikhe mene andiba hilingiti'lek hobakhenene herakfisaguno.

1 TIMOTIUS 4:16

A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

1 TIMOTIUS 6:20

Timotius namlogo e. Allah nen hayonggo fikhi logolik, ”Yi mene hilingiti logoino,” iluk, hoba fesikhe mene andiat fanorogo fisogo logolik, homamerogo hilingiti logoino. It ekhe nen Allah ane yagaisogoin mene andi igi'lek logolik, we tulemat, lek asigin mene fagerat wene palhi logolik, ”Wene ninelu,” iluk, ili'lagwi andi re inonggot logoligenat ili'lagwio. It andi nen he, ”Wene ebe mene arat futfogo,” iluk ikhi logolik, Allah ane eberogoat mene herakfisaluk nong asi wulifa andi nen, wene andi mene wanhi'lek herakfisaluk logoino o. Nagaila'lak. Allah obabut fano a'nogo nenat fethinarek logouwago.

2 TIMOTIUS 1:6

A'nogo himbirik welagen andi nen he, an nen nenggi hunggul sebelhunem, Allah obabut fano nen, ”Hat yi'nogo hilingiti logoino,” iluk hobabut wokhetikhe mene andi, endu nonggwalharek hak, hendawimo aganhan asimbik logoinogeluk hendawimo kagalogo yagaheti o.

2 TIMOTIUS 2:2

An nen wene afuni hokhorogoat ineilhanem yagahetigimo wanhigin mene a'nogo, haren it afuni ekhe inobabut humbunsek mene nen it ekhe yagaisikhi logouwageluk, inoba feino.