KOLOSE 4:10 - Allah Wene Fano Wene Hupla Inane

¹⁰ Aristarkhus an nemberek ninenggi hele warek welago mene nen hai wathinafik, Barnabas agailak Markus a'nogo nen hai wathinafik, aga o. At Markus faget wene attak yagahisasigi hagat, at ebe hinoba waga halok, fanorogo wanino.

KOLOSE 4:10 ပူးပေါင်းရင်းမြစ်များ

KISAH PARA RASUL 12:12

A'nogo futfesikhesik he, he Maria ap enu Yohanes igik, Markus igik, agarek mene andi agaisa aiba andoma afuni inebe hokhorogoat andogotukwasik he, samban ugunem lagaikhe.

KISAH PARA RASUL 12:25

A'nogo hokho agu kwelek he, it Barnabas Saulus emberegen, afuni Yerusalem mene arat leberisaluk he, inambotkwe wesuogeluk, ap enu Yohanes igik, Markus igik ikhi lagaukwa mene andi waluk wagaukwa.

KISAH PARA RASUL 13:13

At Paulus lak o Pafos andoma nen he, i soba o propinsi enu Pamfilia kota enu Perga andoma wagaukwa. Wagaukwasik he, at enu Yohanes igik, Markus igik agarek mene a'nogo nen, it andoma herakfisaluk he, hobuk ambotkwe o Yerusalem lagaikhe.

KISAH PARA RASUL 13:5

Wagaukwasik, o Salamis wagaukwasik he, afuni Yahudi mene o samban ikhi lagaukwa kwe kwisukwasik he Allah ane yagaisilik nikhi lagaukwa. Yagaisilik nugu kwelek, at enu Yohanes igik, Markus igik ikhi lagaukwa mene a'nogo nen leberisikhi lagaikhe.

KISAH PARA RASUL 19:29

A'nogo ikhi logolik, inane sagalhunem, afuni o kota Efesus andoma mene fungusegat andogosi waga logolik he, ap o propinsi Makedonia mene inebe pire, Paulus inom nikhi lagaukwa mene, inenu Gayus inom, Aristarkhus inom, inebe fakfisasukwasik kweang wagane'ma woginarek kwisukwa.

KISAH PARA RASUL 20:4

Lageluk ugunem, ap Sopater, Pirus amlogo, awi o Berea mene inom, Aristarkhus, Sekundus emberek inawi o Tesalonika mene inom, Gayus awi Derbe mene inom, Timotius inom, Tikhikus Trofimus emberek inawi o propinsi Asia mene inom, inom lagaukwa.

KISAH PARA RASUL 27:2

A'nogo inebe at enggiba fesukwama, e so ebe o Adramitium en waluk wagaukwasik were'ma, afuni o propinsi Asia e so kwikherek kwe lombok pelakfisaluk wesuogeluk ugunem, ap Aristarkhus, aiba o propinsi Makedonia kota enu Tesalonika mene ninom, e so andi elema kwisugusik wagagu.

KISAH PARA RASUL 4:36

A'nogo hilingiti logolik he, ap ekhe enu Yusuf. Unggulenu Lewi mene. Aiba o enu Siprus mene, it ap Yesus nen inebe wenagaisogo inayonggo fuluk lakfisasikhe mene omanogo nen, nit ninaneba enu inendawinggen sebelek iluk u hak, it inaneba enu Barnabas salhukwa.

ROMA 16:2

hit hinoe Tuhan Yesus hinom hundik logolik, Allah againafuri nen wanugun higithogoat, at ebe wanubagaigen iluk yagahisigi o. At agarek yi mene ti mene lek halok he, hit mene ekhe wogeti logoino o. Aren he, afuni hokhorogoat leberisigik, an nebe inom lebetniigik, ikhi lagaikhesi'mo re, hiren at ebe wanino o.

ROMA 16:7

At Andronikus, Yunias emberek, ”Aren hai wathinafe,” iluk yagaisano aro. It he, an ninom ninunggulenu misigat mene ninenggi hele warek ninomat warek welagagusik. Afuni hokhorogo hak Kristus nen inayonggo fesikhesik lakfisa wagaikhe meneat he, inenu werek he, iraro. It tak inendawinggen Kristus oba himbiret fesukwasi'mo nen, an hobuk himbiret fesigi.

FILEMON 1:23

At Epafras nemberek Kristus Yesus faget hilingiti lago andi nen, ninenggi hele warogo ninobagama welago mene a'nogo nen hai wathafe o.

FILEMON 1:24

Nen, an nagaila'lak Kristus faget hilingiti lago mene, Markus inom, Aristarkhus inom, Demas inom, Lukas inom, inebe mondogaren hai wathafa aro.

1 PETRUS 5:13

Hinerugwi hinagaila'lak Allah againafuri aren wenaginafikhe mene o Babylon yoma welagaikharek mene nen hai wathinafik, namlogo Markus nen hai wathinafik, aga o.