KOLOSE 3:8 - Allah Wene Fano Wene Hupla Inane

⁸ A'nogo meneat he, yogondak hit hinobabut ekhe yi mene mondogat herakfisanoat. Ina'mage lagaikherek andi inom, ina'makwe het-pet ikherek andi inom, it ekhe weagerinafarek andi inom, inambeba re inabok weak palhik, weak hilingitarek mene asegen abok igik agarek andi inom, herakfisikhi logoino o.

KOLOSE 3:8 ပူးပေါင်းရင်းမြစ်များ

MAZMUR 37:8

Hiren hina'mage lagaluk hinendawimo het-pet u fuk, A'nogo hilinghinabigin andi re weaget hinabigiluk hilinghinabigin.

AMSAL 17:14

Yei wene eroratarek andi re i yagare'ma hutarek higit, andi faget he wene oan palhi'lek logolik heise logoin fano.

AMSAL 19:19

Ap ina'mage weak-weak lagaikherek mene andi re fanoat, oba nen he ambisangma asigin mene andoma aren ogo enegat hagain. Haren at lebethagain halok he, ebenagaik at a'mage lagauwageluk hilingisigin

AMSAL 29:22

Ap a'mage weak-weak lagaikherek mene andiba nen, it afuni hokhorogo wene palharek oba weak hilingitarek andi.

MATIUS 5:22

Mene re, an nen wene ekhe yi yagahisak. Hat sa nen hagailak faget ha'mage lagagu halok he, wene ekhe hoba fagain werego. Nen, hat sa nen hagailak ekhe yagati logolik he: Hat he, hebe kembu yi re! iluk ugu halok he, it ap wene ero pilingitare'ma andoma wokharek laluk, wene hoba fogoin aro. Nen, hat sa nen: Hat he, hendawinggen mondok lek yi ri! Iluk ugu halok he, wene hoba fuluk endu amuilo'ma andoma lakhobagagin o.

ROMA 13:13

O selek oba logolik hilingitarek hak, ninobabut higithogo hilingiti logouwok. Seni naluk weak hilingitik, i hinago naluk lugulugwi palhik, agarek andi hak hilingisugun lego. Hesanggeat pailak fakfisigik, inenggali lek hilingitik, agarek andi hak hilingisugun lego. Wene palhik, pou igik, agarek andi hak hilingisugun legaro.

1 KORINTUS 3:3

Hit-hirat pou igik, wene palhik, ikhi lagep halok he, hinobabut he, afuni inobaburat welagebo. Afuni inobabut inetogat logolik hilingitarek hak hilingiti lagep andi nen yagahisigi o.

2 KORINTUS 12:20

An hobuk hinoba wesigin andi wesimbik he, an nen, ”It inobabut fano were'ma lagain,” iluk anggikhi lagi hak, lek. We, weak were'ma hisa wagik, nen, hiren he, ”At Paulus obabut fano,” iluk ikhi lagep hak, lek. We, weak logolik hisa wagik, inogo iluk, nendawinggen firi'logo. Hit-hit hinom weak welagik, wene palhik, hina'mage lagagik, hinonggwarek faget enek hilingitik, inabok weak weinam palhik, hinagaisogo palhik, hinonggwaregen fogerakhigik, hesangge-pesangge hilingitik, ugunem an wesigin andi, nailo.

GALATIA 5:15

A'nogo meneat he, wam onggwaregen wam ekhe aigen libilhik, warogo haumhogo ninggik, ikherek hak, hit-hit hinonggwaregen a'nogo hilingiti logogun halok he, hinebe alomat larik lagep hanogoluk hinebe hebelogo logoino o.

GALATIA 5:20

tugwi kembuba himbirik logolik hilingitik, afuni ekhe inebe weak asuageluk wesarogo hilingitik, afuni ekhe inom weim palek welagik, heksek welagik, wene palhik, ina'mage horogat welagik, inonggwarek faget enek esinet fakhigik, afuni inebe misigat mene inom huli-huli hilingitik, hek-hek hilingitik,

GALATIA 5:26

A'nogo hilingiti logolik, ninonggwaregen fogerakhigi'legat, nit-nit ekhe nen ekhe inendawimo weak asuageluk hilingiti'legat, nit-nit wene palogo ekhe nen ekhe ninabiret fisigi'legat, hilingiti logouwogo.

EFESUS 4:22

Attak he, hinendawimo yi namolo ti namolo anggikhi lagagip andi nen he, lalhinafunem he, hinebe alomat lakhikhi lagagip andi nen he, hinobabut attak mene andi herakfisano o.

EFESUS 4:25

Nit mondogat ninebe at Kristus enggi eisok hangge ninom hundik welago andi nen he, ineranen agarek mene andi herakfisaluk he, hinerugwi hinagaila'lak hinom hinane eberogoat mene nek ikhi logoino o.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

EFESUS 4:29

Weneane uogeluk halok he, weak mene ikhi logogubo. Wene fano mene ugunem it ekhe inendawinggen oan mene inesanggo holugun mene andi Allah nen fanorinafunem, inendawinggen wurik asuageluk, wene fano mene nek ikhi logoino o.

EFESUS 5:4

Pailak fakfisagarek mene abok igik, wene inendawinggen lek agarek mene igik, inenggalimo mene faget asegen abok igik, u lek mene andi igi'legat, Allah at hai watu mondok logoino o.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.

KOLOSE 3:9

Su attak mene nonggologo lakfisaluk he, hobuk ket mene labetarek hak, hit hinobabut attak hilingiti lagagip mene herakfisaluk, hobuk hinobabut ket mene wanhigip andi nen, hineranhogo wene ikhi logogubo. Hinobabut ket mene andi, Allah nenat elalhinafikhemo andi nen he, at onggwarek obabut hangge hilingla'luk he, ebe mondok furogo hinelu asuageluk, hobugalebat hilinghinabi'logo andi.

1 TIMOTIUS 1:20

It weak a'nogo hilingitarek andi, inebe ekhe re, Himeneus Aleksander emberegen Allah abok weak palhi lagaikhama, hobuk inobabut hebelasimbik weak hilingiti'lek kamo uageluk inebe Iblis wogetimo werek andi.

IBRANI 12:1

It afuni attak hilingirik wagaukwa mene inabok ilik wago andi, inebe esa hokhorogo ninera'lukwe yiling-waling ineilenggen kwelakninarek werek andi nen he, sa awewerek-sa awewerek louwogeluk yi mene ti mene inoba enggin mene korogo fuluk lagaikharek andi hak, nit ninoba enggin-fenggin welagarek mene andi inom, ninobabut weak hilingitorek mene ninoba laberek mondok welagarek mene andi inom, mondogat korogo herakfisaluk, Allah nen, ”Huli yi huli lano,” iluk yaganisasikhe andi, ninendawimo nen he, ”Ninelokhoma pikhit huli andibaat louwok,” iluk, ninomamerogo laga logouwogo.

YAKOBUS 2:7

Nen, ninoe Enupogot enu fano lili'logo mene a'nogo enu hombuk palogo ebe eisewerek agagip mene andi, it inenggi werek mene andi nenat, at enu weaget fili'lagwi anggigi.

1 PETRUS 2:1

Andi nen, hit weak hilingiti lagep mene andi mondogat herakfisaluk logoino o. Afuni ekhe lalinafik, hinendawinggen pire hilingitik, wene palhik, hinera nen afuni ekhe inabok weak palhik, ikhi lagep andi, herakfisikhi logoino o.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

2 PETRUS 2:7

A'nogo inoati logolik, at Lot enek he, obabut higithogo Allah amolo mene hilingitunem, it afuni andoma mene inenggali lek weak hilingiti lagaukwaba re, at endawimo weak ago mondok were'ma Allah nen telhikhe andi.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

YUDAS 1:8

A'nogoat he, it afuni andi inabi hili'lagwi hak inendawinggen lek logolik he, inonggwarek inebe weagetfakhigik, ninoe Enupogot inendawimo sebelfigik, pogoroba fogerinafarek mene andi inabok weak igik, ili'lagwi andi.

WAHYU 16:9

A'nogo aigen endu hangge inoba hokhorogo nunggunem heinet wati logolik, Allah a'mage inoba fuluk weagerinabigin higithogoat weagerinafi laga meneat he, at ebe fogerasuogeluk weak hilingiti lagaikha mene herakfisaluk, inobabut hebelagi'lek logolik, iren he, ”Allah ebe ninggin la'lebe,” iluk, enu weageratoat welagaikha isigi.