KOLOSE 3:22 - Allah Wene Fano Wene Hupla Inane

²² Hit inamingmingengge mene nerugwi nagaila'lak. Hinogogwi kweangma mene nen, yi mene ti mene hilingisuageluk ugunem, inebe ineilhanem halok inendawimo fanorogo hilingitik, inebe le'ma halok kamo igik, ikhi logogubo. Athe, ninoe Enupogot hinailorogo hinendawinggen misigat logolik, hinogogwi andi inane hologo hilingfisikhi logoino o.

KOLOSE 3:22 ပူးပေါင်းရင်းမြစ်များ

KEJADIAN 42:18

Inenggi henaganek oba at Yusuf en it omanogo yagaisikhi logolik, ”An he Allah oba nailorogo logolik higithogo hilingiti laginggere, hiren wene misik yi higithogo hilingisugun halok enek he hinagap telogo hinobagagin o.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

NEHEMIA 5:9

Andi nen he, an nen ekhe ikhi logolik he, ”Hit he Allahba hinendawinggen hinailo a'luk welagep oba re it afuni nit ninaselei mene ineisena TUHAN hak mene ogo ekhe werek lek mene andoma nen nit nonomame legetfugu aplere selek ekhe logou lek mene re hiren hilingiti lagep mene andiba re mondok weak mene hilingiti lagep andi.

MAZMUR 123:2

Afuni inamingmingengge nen it inogogwi inoba inendawinggen himbirik logolik werek higit, nen it inamingmingengge helime mene nen inagaisawi inoba inendawinggen himbirik welagaikharek higit, niren a'nogo nek Haren hendawi nisoageluk, Hat Tuhan nit nineisena Allah nenangot hafu welago.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

PENGKHOTBAH 5:7

Ap kain inenuwerek mene logolik melalinafarek mene nen ap kunggu inenggi lek mene sebelogo fisigik, it inobaget katokhogo hilingfisigi'legengge hilingitik, hilingitu werek halok he wene andi faget fogerinabu fuk. Ap pegawai werek mene re inogogwi it inunggul mene nen kagalinarek werek, andi hakhogo it ineabu legoma werek inaben ogore it inagoromi kagalinarek weregat.

PENGKHOTBAH 8:12

Ap weak enek hilingitarek mene nen weak ero seratus nen hilingirik lagain meneba nen ogore at ebe eluk uanhogo werek. Oba nen he ap Allah faget inailo anggagarek mene halok he ineluk fano inagaiyekhogo nek logogun.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MATIUS 6:22

A'nogo yagaisasikhesik he, ekhe mel yagaisasikhe: ”Hinebe selekhogo esage ibilik hangge, hineilenggen andiat werego. Halok he, hineilenggen fano halok, hinebe abirengge mondok selegat logogun o.

MATIUS 8:9

An ogo re, nogogwi kaindek inawe a'ma logolik inane holhik, nen, an nagoromi tentara menere nawe a'ma logolik nane holhik, hilingiti lagoma re, an nen at ekhe ”Lan o,” iluk yagati halok he, lili'lago aro. Nen at ekheba, hat eme o, iluk yagati halok he, weri'lago aro. Nen, namingmingengge ekheba, yi mene hilingisin iluk yagati halok he, nane higithogoat hilingiteregaro,” iluk yagatikhemo

LUKAS 6:46

A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.

LUKAS 7:8

An ogo re, nogogwi kaindek mene inawe a'ma logolik, inane holhik, nen an nagoromi tentara mene andi an nawe a'ma logolik, an nane holhik, hilingitorek andi nen he, an nen, at ekhe, lano, iluk yagati halok lagarek. Nen, ekhe, eme o iluk yagati halok he, wagaregaro. Nen, namingmingengge ekhe, yi hilingisin, iluk yagati halok he, hilingiteregaro, iluk yagahesuageluk lakninobagai wagama wago,” iluk yagatukwa.

KISAH PARA RASUL 2:46

A'nogo hilingiti logolik he, inenggi ekhe kamo igi'lek hundik-handigat Allah awi wuri'mo andogotik, inendawimo inagaiyek hikhi logolik, inendawinggen sebelek logolik inailokwe sumburu inom kurogo ninggik, ikhi lagaukwa.

2 KORINTUS 7:1

Halok he, nerugwi nagaila'lak. Hinebe nendawi e. At Allah nen a'nogo logogun iluk abok yaganisasikhe andi nen, ninebeba nen, ninendawinggen oba nen, weak hilingitorek mene andi, fanorogo horogo herakfisouwogo. A'nogo herakfisambik, Allah ebe ninailo logolik he, ninebe at faget fisaluk logouwogen, ninendawinggen katokhogo wurigerati logouwogo.

GALATIA 1:10

An nane igi andi re, afuni nen, ”Hat fano egen,” iluk yaganesuageluk ikhi lagi a? Athe, Allah nen, ”Hat fano egen,” iluk, yaganesuageluk ikhi lagi a. Afuni inendawimo fanorogo ikhi lagi halok he, an nebe Kristus amingmingengge igin legaro. Mene re, an Allah endawimo fanorogo ikhi lagi o.

KOLOSE 3:20

Nen, hit yenggerugwi, nagoromi. Hineisugwi hinagaisawi lagen yi mene ti mene faget yagahisugunem, inane hologo hilingiti logogun halok ninoe Enupogot oba liok igin andi nen he, a'nogoat hilingiti logoino o.

1 TESALONIKA 2:4

Athe, we, at Allah nenat ninobabut palogo nen he: ”Fano wene andi, hirat waluk nikhi logobagaik,” iluk, ninayonggo fesikhe higithogo yagahisikhi logolik, afuni inendawimo fanorogo yagaisogorek fuk. Lego. We, Allah ninobabut pali'logo mene a'nogo endawimo fanorogo yagaisogorego.

FILEMON 1:16

At hobuk hat hemberek logogun andi, ebe hamingmingengge logolik, hat faget hilingiti logogin meneat he, andi nek fuk. Athe, at ebe Allah amlogo agasik ninagailak ninendawi hundik meneat logogin andi. Aren he, an nendawi meneat logolik, an faget fano mondok hilingiri'logo andi, endebaro. Hat faget enek he, at ebe kweangma hamingmingengge logolik, hagailak hemberek ninoe Enupogot hinom hundik logogun andi nen, ebenagaik hendawinggen tulem mondok logogin o.