KOLOSE 3:20 - Allah Wene Fano Wene Hupla Inane

²⁰ Nen, hit yenggerugwi, nagoromi. Hineisugwi hinagaisawi lagen yi mene ti mene faget yagahisugunem, inane hologo hilingiti logogun halok ninoe Enupogot oba liok igin andi nen he, a'nogoat hilingiti logoino o.

KOLOSE 3:20 ပူးပေါင်းရင်းမြစ်များ

KEJADIAN 28:7

A'nogo holhikhesik, at Yakub eisena agaisa inane hologo re, o Mesopotamia arat laga, iluk elu agaikheat.

KELUARAN 20:12

Hit o an nen wokhisagain oba andoma fano mondok logolik, hinebe umur uanhogo logobagaigen he, hineisugwi hinagaisawi agaugwerinafi logoino o.

AMSAL 20:20

Ap ekhe eisena agaisa homan fisikherek mene andi re eluk longgo igin, andi re o hubanggo esage nagul fugunem o hup kiruak teng ikherek andi hak hilinglasigin.

AMSAL 30:11

It ekhe nen he ineisugwi homan fisigik, nen inagaisawi aganget fisigi'lek hilingitik, agarek.

AMSAL 30:17

Ap ineisugwi inagaisalak yaman a'luk were'ma puliaphogo fisagarek mene andi re it inebe hambokhogo enda'ma wulak fisa wesumo sue kuri nen ineilenggen hulelogo ninggik, nen sue rajawali nen inebe warek fili omanogo ninggik igin andi re inobabut obaat hilingisigin.

AMSAL 6:20

Namlogo e, heisena nen yagahete mene andem enek hilingiti logoino. Nen hagaisa nen komothabi'lago mene andem he honggorasu fuk.

YEREMIA 35:8

Ma re nit he Yonadab en yaganisasikhe mene omanogo re niren hologo nek hilingiti lago. Nit he nineluk logogun huli andoma re nit ninebe inom ninagagwi, ninagainafuri inomen he anggur ninggi logogun lek.

YEHEZKIEL 22:7

Afuni haren mene werekwe oma nen ap misigen ogo ekhe ineisugwi inagaisawi legeisogo fisagarek mene ekhe werek lek. Hat hane nen ap pok mene lalinafi logolik, hemi sogwe mene inom, yenggerugwi suarek mene inom inangge omanogo ekhe inomat mangorogo helikhi lagen.

IMAMAT 19:3

Hineisena Tuhan Allah, An Nebeat welagimo re, An nen, yi'nogo hilingiti logoino, iluk yagahisasigi andi hak, hinebe lombok hineisugwi hinagaisawi agaugwerinafi logolik, linggene Sabat oba re, An nobaget weat logoino o.

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MATIUS 19:19

Hineisugwi hinagaisawi inane hologo agaugwerinafi logoino o. Hinonggwarek hinebe hinendawinggen hundik welagep andi hak, it afuni ekhe hinom welagep mene andi hinendawinggen hundik logoino o, iluk komotninafikhe wene andi faget igi o,” iluk, yagatikhemo re,

EFESUS 5:24

Nen, nit Allah againafuri Kristus awe a'ma logolik ane hologo hilingitorek hak, hit hemi re, yi mene ti mene faget mondogat hilingisuogeluk he, hinaguniat inawe a'ma logolik inane hologo hilingiti logoino o.

ULANGAN 27:16

’Ap ekhe ineisugwi inagaisawi legeisogo fisigi'lek sebelfisili'lagwi mene andi re homan ugu logouwak,’ ugunem. ’Amin!’ ikhi logogun.

ULANGAN 5:16

O kweang hit wokhisigi meneba andoma hineluk uanhogo logolik, hinaiba fanorogo logobagaigen he, hineisugwi hinagaisawi agaugwerinafik, halinafik hilinginafi logoino. Iluk An hineisena Tuhan Allah nawene andiat yagahisigi.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

KOLOSE 3:22

Hit inamingmingengge mene nerugwi nagaila'lak. Hinogogwi kweangma mene nen, yi mene ti mene hilingisuageluk ugunem, inebe ineilhanem halok inendawimo fanorogo hilingitik, inebe le'ma halok kamo igik, ikhi logogubo. Athe, ninoe Enupogot hinailorogo hinendawinggen misigat logolik, hinogogwi andi inane hologo hilingfisikhi logoino o.

TITUS 2:9

It inamingmingengge mene andi, inogogwi kaindegen yi mene ti mene faget ugunem, inendawimo fanorogo, inane onggo igi'lek inane hologoat hilingiti logolik,

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

RUT 3:5

A'nogo yagatikhemo, at Rut en he, ”I o, nagaisa. An nen he, haren yaganeten higithogoat mondogat hilingisigin o,” iluk yagatikhe.