KOLOSE 3:2 - Allah Wene Fano Wene Hupla Inane

^2-3 Hinebe wa'lagagipsik he hobuk Kristus hinomat hineluk logogun mene Allah nen oan sele'mat figi'lek hinago werek andi nen, hinendawimo re, yi mene ti mene kweangma mene oba ebeti'lek logolik he, pogoroba mene faget enek, oba ebeti logoino o.

KOLOSE 3:2 ပူးပေါင်းရင်းမြစ်များ

1 TAWARIKH 22:19

Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.

1 TAWARIKH 29:3

An nen Tuhan Awi andi faget nendawimo nagaiyek anggikhi logolik he, emas, perak inom, an nonggwarek nangge mene ogo figiat.

MAZMUR 62:10

Afuni re, we set misigam lek agagarek andi higit welago, afuni inenu werek mene inom, inenu lek sebelek mene inom he we higit elo'lek enek welago. Nen, inebe enggin walisamo nen he mondok inagut siserek lagou hak, set misigam furogo lagarek andi endep ekhe enggin hak oba nen, it inagut he se fulung falangsek logou hago.

MAZMUR 91:14

Nineisena Tuhan nen ikhi logolik he, ”Ap ekhe an noba endawinggen himbirik logolik logogun mene re, hobuk An nen telinabigin o. Nen, ap ekhe ambeba nen Neisena Tuhan he At andi aro, iluk fakhogo ugun mene re, An nen nawe a'ma fisambik ferinarek logogin o.

PENGKHOTBAH 7:14

Andi nen he hat hoba fano mene ekhe agu halok he hagaiyek anggikhi logoino. Oba nen hat enggin mene hoba agu halok he, fano mene inom weak mene inom andoma re Allah nenat wokheri'lago hilingi'mo re honggorasu fuk. Nit afuni re hobuk asigin mene andi re ninggi'nogo hilinglasigin iluk ninonggot welago hilingi'more.

MATIUS 16:23

Komotikhemo, at Yesus elokhe hebekhogo Petrus kwelakhasikhesik he mel yagatikhe: ”Hat he, Iblis higi. Allah endawimo anggikherek higithogo ebeti'lek, we afuni nen anggagarek hak higithogo ebetfuluk nanggwe palhi lagen yi, nelokhoma yoma logogin lego. Hela lan o,” iluk yagatikhe.

MATIUS 6:19

A'nogo yagaisasikhesik he, ekhe mel yagaisasikhe: ”Afuni nen yi mene ti mene kweangma yoma andogorogo fugunem he, elugengge nen palhik, kulumage figik, ap ineil masi weak mene nen yogot wani kwigik, hilingitare'ma yoma re, yi mene ti mene andi andogorogo fogoin lego.

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 16:11

Andi hak, hit hinagarek yi mene ti mene kweangma mene ineilmasirogo hilingitarek mene andi wokhisamo fisogo logolik, higithogo welagi'lek halok he, ebe fano mene andi eise logobagaigeluk sa nen wokhisagain.

FILIPI 1:23

An hilingisu mene wene ebe pire mene nen miming nabi'lago, andi nen he, an wa'lasigin halok he, at Kristus nemberek logoumo fano. Ebe fano mondok he andi aro.

KOLOSE 3:1

At Allah nen he, Kristus eluget fikhi logolik, hit hinomat hineluget hinafikhemo welagep andi nen, yi mene ti mene Kristus ebe pogoroba Allah era'lu enggi ebekwe kainat welagarek oba andoma mene hela louwogeluk, hinomamerogo hilingiti logoino o.

KOLOSE 3:5

Andi nen he, hinobabut hinetogat logolik, hinendawimo nen yi namolo ti namolo anggikhi lagep mene andi mondogat watfisikhi logoino o. Hinobabut andi re, pailak hilingitarek mene andi inom, inendawimo nen namolo iluk anggagarek mene andi inom, inendawinggen nenggaresik inoba aigage lagaikherek andi inom, ineilenggen yerisaluk inendawimo nen namolo e anggagarek andi inom, tugwi kembuba himbirik hak, inendawimo nen: ”Yi mene ti mene an mene nek logoilep,” iluk anggagarek andi inom, hinobabut andi mene mondogat warogo herakfisikhi logoino o.