KOLOSE 3:19 - Allah Wene Fano Wene Hupla Inane

¹⁹ Nen, hit ap nagaila'lak. Hinagagwi inoba wiyik-weakhogo hilinginafi'legat hinendawirogo logoino o.

KOLOSE 3:19 ပူးပေါင်းရင်းမြစ်များ

KEJADIAN 24:67

A'nogo arat yagatikhemo, at Ishak en Ribka waluk he, agaisa Sara aiba welagaikheba kwisikhesik he, agwe ikhasikhe. Ikhasikhe andiba, Ishak agaisa wa'lagaikhemo endawimo weak welagaikhe mene re, agwe Ribka helasikheba nen endawimo fano agaikhesik, endawinggen hundik mondok welagaikhe.

LUKAS 14:26

”Hit hineisugwi hinagaisawi inom, hinagagwi hinagainafuri inom, hinogogwi hinagoromi inom, hinonggwarek hinebe inom faget enek anggikhi logolik, an nagoromi asuogeluk nombo'ne wesumo re, elo'lego.

ROMA 3:14

Inane puk wea'ma re, homan fisili'lagwi mene inendawimo peterek logolik ugu mondok werek.

EFESUS 4:31

Inane haro weak igik, ina'makwe het-pet igik, ina'mage lagaluk, inane uarek-puarek wene palhik, ineranhogo inabok weak palhik, agarek mene andi herakfisikhi logolik he, weagerinafarek mene inom mondogat herakfisikhi logoino o.

EFESUS 5:25

At Kristus nen nit Allah againafuri ninebe endawit ninafikhesik he, ”It faget noasuago,” iluk anggasikheba ebe watukwama wa'lagaikhe hak, hit aben ogo re, hinagagwi a'nogoat hinendawirogo hilingiti logoino o.

EFESUS 5:33

Mene re, hit hinebe faget inomat isikhe. Hit ap he, hinonggwarek hinebe hinendawirogo welagep hak, hinagagwi lombok hinendawirogo welagik, hit hemi hinaguni lombok agaugwerinafik, ikhi logoino o.

KOLOSE 3:21

Nen hit ap inaluendek yi, nagaila'lak. Hinagainafuri inendawimo weak asinogo iluk ina'mage liafi logogubo.

YAKOBUS 3:14

Menere, hinendawimo weak a'luk wene palhik, hinonggwarek faget enek ebetik, ikhi logolik he, hinonggwaregen, ”An fano,” iluk hinonggwaregen fogerakhikhi logogubo. A'nogo hilingisugun halok he, Allah ane ebe wene andi mene sagalogo hineranen ugun andi wesa o.

1 PETRUS 3:7

Nen, hit ap ogo re, Allah obabut fano nen hinagagwi hinom higithogoat hineluk mondok logouwageluk eisewerek hinobagaikhemo welagep andi nen, hit samban ugunem Allah nen hinane esanggo holhi'lek kamo inogo iluk, hinagagwi hinom fano logolik, hinendawimo nen he, ”Hemi inomame lek,” iluk futfuluk, hinane agaukhogo yagaisigik, hinendawirinafik, ikhi logoino o.”