KOLOSE 3:16 - Allah Wene Fano Wene Hupla Inane

¹⁶ Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

KOLOSE 3:16 ပူးပေါင်းရင်းမြစ်များ

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

1 TAWARIKH 25:7

It inagainafuri inebe 24 en andem inom, it inagaila'lak inebe fenakwe inom, andi re pinggong watu mene faget mondok milil-melalsek welagaukwa inap. It ap inebe lambulogo re 288 nen mene welagaukwa andi.

NEHEMIA 12:46

At Raja Daud welagaikheba nen, at wuni ugu mene faget elu-pelurek agun Asaf a'nogo welagaikheba nen enggere it wuni ikhi lagaukwa inap andoma re wuni Allah hai wati logolik hilingiti lagaukwa.

AYUB 23:12

Aren awene melalek ugu mene re an nen hologo nek hilingiti lagi, an nonggwarek nendawimo anggaluk hilingiti lagi lek, we At endawimo anggikherek mene nek hilingiti lagi.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

MAZMUR 119:54

An nebe kweangma eil horogat neluk logolik ya re, aren wene melalek menfesigin mene andoma re an nen wuni Hat fogethafu mene hilingfigi.

MAZMUR 138:1

Daud en isikhe mene. Tuhan neisena, an he nendawinggenma mondogaren he Hat enek hai wathafi logogin. It kembu dewa inelokhoma andoma nen, An he Hat hobaget wuni fogethafu awuni ikhi logogin.

MAZMUR 28:7

Tuhan andi re an nomamet figik, nebikhit agik, ikherek mene werek. Nen an nen At oba nendawinggen eberogo tibet fuluk welagi. Andi nen Aren he an lebetnafik, nendawimo nagaiyek mene nek hilingnobagagik hilingiri'lago. An nen At hai warogo awuni watu welagi.

MAZMUR 32:7

An nebe hinak lagirek oba re, hat hebe aro. An weak were'ma re, telnafendek andi nen, nane hokhorogo hai wathafi lagi o.

MAZMUR 71:23

An nen wuni fogethafu awuni Hat hobaget ikhi logolik he, an mondok nagaiyek hokho meneba wonoget fakhikhi logogin. Haren an nagap telogo nobagegenma re, an nebe nendawinggen oba nenat mondok nanggilukhogo nawuni wulagaisogo fogethafu welagirek.

AMSAL 14:8

Ap hebelek mene nen he ninggi'nogo hilingisigin iluk elu werek, oba nen ap kembu mene re at onggwarek kemburek andiba lalogo fakhikherek.

AMSAL 18:1

Ap ekhe nen it ekhe inale'ma herakfisaluk wulibi lagasik werek halok at onggwarek faget enek anggikherek, nen it ekhe inane re sagalogo herakfisikherek.

KIDUNG AGUNG 1:1

Wuni lego mene Salomo nen felalhikhe awuni.

YESAYA 10:2

Hiren a'nogo hilingiti lagep andiba re afuni inenggi lek mene omanogo it inangge mene heligik, it inawene higithogo palinafi'lek kwanirogo hilingitik, hemi sogwe mene inom, yenggerugwi suarek mene inom inangge teligik ugun iluk inanggwe palinafi lagep.

YESAYA 26:1

O andi sambul he o Yehuda kweang oba andoma afuni nen wuni wati logogun mene re yi: ”Nit ninawi kota yi re omame mondok hokho awi werek, O andi aleget he At Allah nen helep leget oba omamerogo wokfikhemo re, yoma nit ninagap elok telek welago.

YESAYA 30:29

Oba nen he hit Allah againafuri mene re linggene hokho meneba fogerati logolik, hubanggo wuni watarek hakhogo hinagaiyegeti logolik wuni wati logogun. Hit he afuni nen inanggilukhogo pinggong seruling oba futhilik lagunem he, uluk-uluk Tuhan Israel mene inalong palinaferek mene a'nogo awi wuri'mo andoma lagaikharek mene nen hilingitarek hak hilingiti logogun.

YESAYA 5:1

An nare ekhe eabu faget wuni felalogo igin mene andi hit ekhe hinesanggo holino. An nare ninom hundik mene at eabu re punu alilukwe kweang mondok heiselekwe werek.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

MATIUS 26:30

Wene a'nogo yagaisasikhesik he, wuni Allah awuni ekhe wa'luk wulifukwasik he, punu Zaitun oba lagasukwa.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

YOHANES 15:7

Hit an ninom hundik logolik nane hinendawimo werek halok, we, nena mene hit hinamolo mene an kino yaganesumo wokhisamo helogoin aro.

ROMA 10:17

Mene re, fano wene andi, Kristus abok yagaisa lagunemat inesanggo holharego. Nen, wene inesanggo holilugat, inendawinggen at oba himbiret fagarego.

ROMA 15:14

Nerugwi nagaila'lak. Hit hinobabut fano mondok logolik, yi wene ti wene hinelu mondogatma, hit-hit komo-komo ugun elok welagep andi, an nelu o.

1 KORINTUS 14:15

Halok he, an ninggi'nogo hilingisik. Yi'nogo hilingisigin. Samban andi re, Allah Areagun en yaganetu kwelek inane nonggot meneba elalinat igik, ninonggwarek ninaneba nendawinggen fut fulugen igik, igin o. Nen, wuni andi re, Allah Areagun en yaganetu kwelek inane nonggot meneba elalinat watik, ninonggwarek ninaneba nendawinggen fut fulugen watik, igin aro.

1 KORINTUS 14:26

Halok he, nerugwi nagaila'lak. Ninggi'nogo hilingiti logogun? Yi'nogo hilingiti logogun o. Hit hinebe andoget fuluk he, at ekhe nen Allah awuni isa igik, at ekhe nen wene senggerogo yagahisigik, at ekhe nen Allah endawimo wene yagahisigik, at ekhe nen wene inane hinonggot meneba elalinat ugunem, at ekhe nen hit hinaneba higithogo yagahisigik, ikhi logolik he, Allah againafuri inendawinggen ago warogo yi wene ti wene andi mondogat higit a'nogo ikhi logogun o.

EFESUS 1:17

Hit faget he, Tuhan Yesus Kristus eisena Allah fogeratu mondok welagaikharek mene a'nogo nen, hinendawimo mondok kagalek mene wokhisigik, at ebe furogo futfobagaigen iluk yagahisigik, ikhi logouwagen iluk, Areagun wokhisoageluk ayonggo fikhi lagi.

EFESUS 5:17

Hinendawinggen mum logogubo. We, nineisena Tuhan endawimo amolo anggikherek mene ero andiat herakhaluk higithogo hilingiti logoino.

EFESUS 5:19

Hit-hit wene hinane mati logolik, Allah wuniba inom, Allah fogeratu awuniba inom, Mazmur Daud en felalogo wati lagikhe awuniba inom, hinendawinggen oba nenat hinagaiyegeti logolik Tuhan fogerati logoino.

EFESUS 5:26

At Kristus nen a'nogo hilingitikhe andi re, nit Allah againafuri mondogat ninebe ninagambut pale'lek, ninagap pulangsek lek, fano logou hak, at eilhanem wene ninoba lekhogo, fano mondok tegelek logouwageluk, ninebe ima pelakninafunem, at Aweneba sobalogo ninobagaluk, at onggwarek faget fakhasikhesik ebe wa'lagaikhe andi.

KOLOSE 1:28

Andi nen, niren he, wene Kristus abok andi fakhogo afuni mondogat inebe lombok yagaisilik laga lago. A'nogo yagaisikhi lago andiba, inebe lombok Kristus inom hundik logolik, inendawinggen wurik asumo Allah ba woginarek wesuogeluk, ninendawimo eberek mondok logolik, komorinafik, wene yagaisigik, ilik laga lago andi.

KOLOSE 1:9

Hinabok a'nogo ugunem ninesanggo holhosik he, niren hit faget samban igik, Allah ayonggo figik, kamo igi'lek ugu mondogat welago. A'nogo ikhi logolik Allah Areagun en hinendawimo kagalhunem, hinendawimo mondok kagalogo wene futfuluk he, at Allah endawimo amolo anggikherek mene andi, hiren furogo hinelurogo logobagaigeluk ayonggo fikhi lagoaro.

KOLOSE 4:6

Hinane yi mene ti mene faget it ekhe yagaisikhi logolik, yi mene ti mene mayu folhunem enduk fano agarek hak: ”Wene andi fano o,” iluk wanuageluk, hinane liokhogo yagaisikhi logoino o. A'nogo yagaisugunem, it hinoba heinok wanhunem, wene onggo inebe lombok yagaisobagaigen, hinelurogo logoino o.

1 TESALONIKA 4:18

Andi nenat, wene andiba hit-hit hinendawinggen fanorogo, hinendawimo ago wat-wat ikhi logoino o.

2 TESALONIKA 3:15

A'nogo meneat he, hinom weim kagalek hak hilingiti logogubo. ”We. Ninerugwi ninagaila'lak Allah amlogomi meneat,” iluk, fanorogo komorinafi logoino o.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

2 TIMOTIUS 3:15

Hat hebe yenggerek oba nenat Allah ane lisu palek helu welagen mene andi hendawimo eberek mondok logoino o. A'nogo logolik, hendawinggen Kristus Yesus oba himbirik were'ma, Allah nen telhabigin mene futfeinogeluk, at ane lisu palek andibaat hendawimo elogat kagaligin werego.

TITUS 3:6

Allah nen Areagun wo'nisasikhe andi ebe re, Yesus Kristus ninebe telninaferek mene a'nogo nenat hokhorogo ninoba pelakfei wagaikhe andi.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

YAKOBUS 5:13

Hit ekhe hinendawinggen weak welagep halok he, samban ikhi logoino o. Nen, hit ekhe hinendawimo hinagaiyek hikhi lagep halok he, wuni Allah awuni wati logoino o.

1 YOHANES 2:14

Yenggerugwi nagainafuri e. Nineisena Allah hinelu agagipsik welagep andi nen, lisu palogo hinoba lakfei wagik. Hit neisenalage, at ebe o attak eroba nen welagarek mene a'nogo ebe hinelu agagipsik welagep andi nen lisu palogo hinoba lakfei wagik, hit ap alage nagoromi, hit he Allah ane hinendawimo were'ma hinomamerogo logolik at obabut weak mene arat mabenetfesigip andi nen, lisu palogo hinoba lakfei wagik, igi andi o.

1 YOHANES 2:24

Nen, hit he, wene attagat hinesanggo holhigip mene andi, hinendawimo wanimbik he, eberek mondogat logoino. A'nogo logogun halok he, hinebe nineisena Allah amlogo Yesus emberek hinom hundik logoguno.

1 YOHANES 2:27

At Kristus nen Allah Areagun wokhisasikhemo hinendawimo logolik, yi mene ti mene faget, eranen yagahisigi'lek, eberogoat enek yagahisili'logo andi nen he, afuni ekhe nen wene hit yagahisogoin elo'lego. Wene at Allah nen yagahisili'logo mene andi higithogoat hilingiti logolik, Kristus hinom hundik mondogat logoino o.

WAHYU 14:3

A'nogo inane hokho ikhi logolik, Allah ebe kain welagarek mene obuluk oba werek kwelek, it aren elalinafikhe mene ekhe inebe enggaminogo omanogo inom, ap inaluendek omanogo inom, ineilhanem wuni ket mene felalogo it afuni fena yanggulhi'lek inonggot, we, it afuni inebe 144.000 kweangma nen arat telinafe mene omanogo nek inelumo watunem inane nesanggo holhi.

WAHYU 15:3

A'nogo logolik, at Musa Allah amingmingengge a'nogo awuni inom, Domba Eak a'nogo awuni inom, emberek inawuni wati logolik mel ikhi lagaikha: ”Allah nineisena, Hat homame hokhoma re, Yi mene ti mene hilingisu hagenek, Elalin mene hokhorogo inailo mene nek hilingitendek. Hat yi afuni ti afuni ineisena Henupogot logolik, Higithogo nek hilinginafendek, Fano nek hilinginafendek, Nineisena.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.

WAHYU 5:9

A'nogo wuni ket mene felalogo wati logolik: Oi ye oi ye hu, oae oae oae hu: ”Hat enek he, arat hoatukwama wa'lagagindik, Afuni mondogat inunggulenu lombok, inane lombok, Inagap lombok, inawi lombok, Hat hamep oba Allah faget onggo palogo fisaluk, Eisewerek agagindik, Suesingga uan meneba lisu palek yinggilik andi, Waluk he, silo fagarek andi hak, Amusu te'merogo fesukwa mene andi, Elok fikhaligin.