KOLOSE 3:15 - Allah Wene Fano Wene Hupla Inane

¹⁵ At Allah nen Kristus ebe misigat mene hinom lambulogo hundik logobagaigeluk hinayonggo fesikhe andi nen, yi mene ti mene faget hilingisuogeluk hinendawimo nen he: ”Kristus nen ninom lambulogo ninobagasikhemo welago,” iluk, wene andiat esinet fikhi logolik he, higithogo hilingiti logoino o. A'nogo hilingiti logolik, Allah ebe hai wati logoino o.

KOLOSE 3:15 ပူးပေါင်းရင်းမြစ်များ

MAZMUR 100:4

Hit hinebe nineisena awi ambe palek oba andoma kwikhi logolik he wuni hai watu awuniba ilik kwi waga logoino, At awi solombon ambe palogo wurik oba andoma kwikhi logolik he Wuni fogeratarek awuni warik kwikhi logoinoat. Hiren he At enek legeisogo fikhi logolik fogerati logoino.

MAZMUR 107:22

Iren he, yi mene ti mene At faget fisaluk waluk waga logolik, At hai wati logouwak. Nen At obabut hilingiti lagaikhe mene andoma it afuni ekhe fakhogo yagaisikhi logolik he wuni inanggilukhogo wati logouwak.

MAZMUR 116:17

An samban hayonggo fikhi logolik, hai wathafi lagi, iluk, Hat faget ekhe hobagai wesigin o.

MAZMUR 29:11

We At Tuhan nen enek againafuri inomame wogisigik, it inoba mondok fanorogo hilingfisigik, ikhi logouwak.

YESAYA 26:3

Tuhan, ap endawinggen hambuksek mene andi re Hat hoba endawinggen eberogo anggaluk hilingitunem he Haren at oba endawinggen hambukhogo, ailo legengge logouwageluk wogeti lagen.

YESAYA 27:5

Oba nen he An nagainafuri it inaselei mene omanogo nen An telinabuageluk noba wagu halok he, it andi An ninom lambulasuogen iluk wesuago, io wesuago!” ikhi logogin.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YESAYA 57:19

An nen ap yatkwe werek mene inom, horok-horokwe werek mene inom, fano liokhogo welagaikharek mene afuni mondogat inoba wogisagain. An nen nagainafuri fano higirinabigin.

YUNUS 2:9

A'nogo meneat he, an enek he, Hat faget wuniba fogethafik, hanggo ekhe warogo nolhetik, igin o. An nen, yi'nogo hilingisigin, iluk wene watheti mene andoma re, mondogat hilingisigin. Hat Tuhan he telinafendek mene o, neisena,” iluk ayonggo fesikhe.

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

ROMA 1:21

Allah ebe a'nogo inelu logoligat, iren he: ”Allah ebe Walhasikhe mene aro,” iluk, ebe fogerati'lek, hai wati'lek, welagaukwa. A'nogo logolik he, hunogo mene ebe mene lek meneat he, menenei oba ebeti lagaukwa andi nen, inendawinggen mum agaikhe andi.

ROMA 15:13

”Hobuk fano asigin,” iluk ninendawimo ninagaiyek hogorek andi, ero at Allah nenat hilingninaferek. Hit a'nogo hinendawimo agaiyek hokhorogo hikhi logouwageluk Allah Areagun omameba hilinghinabuak. A'nogo hilinghinabuagen he, hinendawinggen at oba himbiret fesigip andiba himbiret fuluk were'ma, aren hinendawimo agaiyek hokhorogo hikhi logouwageluk hilinghinafik, hinendawinggen hambugethinafik, uago.

ROMA 5:1

Yogondak he, nit ninendawinggen Allah oba himbiret fesugu andi nen, wene ninoba mene korogo wokhaluk ninom ninambotkwe hunogo ninobagaikhemo, ninoe Enupogot Yesus Kristus nen hilingitikhe andiba Allah ninom lambulogo fano liokhogo welago.

1 KORINTUS 10:17

Nit ninebe mondogaren he, sumburu misigat mene kurogo nonggorek andi hangge ninebe hokhorogo meneat he, misigaro.

1 KORINTUS 7:15

At ap endawinggen Kristus oba himbiret figi'lek mene andi agwe herakfisikhe halok he, herakfisoagaro. Nen, at he endawinggen Kristus oba himbiret figi'lek mene andi agun herakfisaluk taukhogo wulife halok he, wulibuagaro. Allah nen he, ninendawinggen hambukhogo fano logouwageluk ninayonggo fesikhe andi nen he, a'nogo hilingisugun halok, wene hinoba fagain lego.

2 KORINTUS 4:15

Nit yi enggin ti enggin mondogat hikhi lago andi re, hit fageraro. A'nogo hikhi lagoba, at Allah obabut fano mondogen afuni ekhe endawiratik, ekhe endawiratik, inebe hokhorogoat lambulik endawirinafi logolik telinafunem he, inebe hokhorogoaren, Allah hai wari'lagwi andiba, it ekhe nen Allah fogerari'lagwio.

2 KORINTUS 9:11

A'nogo wokhisamo re, hiren yi mene ti mene oba himbirik logolik hinenggi werek hokhoat it ekhe leberisikhi logoguno. A'nogo leberisogoin mene andi, niren sumburogo wogisugunem he, Allah hai wasugun aro.

EFESUS 4:16

Ninebe ninenggi nineisok ninoba hundik welagarek mene ekhe mondogat ninomanggen oba hundik fano logolik, hunogo tomok hilingisu mene hilingitunem, ninebe fano welagorek andi hak, nit ninoe Kristus ebe ninom hundik logolik, ninobabut lombok hilingiti logogun mene higithogoat hilingiti logogun halok, afuni inalue aga logolik inendawinggen wurik agarek hak, afuni ekhe inebe ninendawirogo hilingiti logolik, ninebe Kristus ebe hangge ninomame asimbik logogun andi.

EFESUS 4:4

Allah nen hinayonggo fikhi logolik he, ”An nen fanothinabigino,” iluk, abok misigat mene yagahisasikhe hak, at ebe misigat mene hinom hunetik, Areagun misigat mene wanhik, isigip andi.

EFESUS 5:1

Hinebe Allah againafuri at endawi mene welagep andi nen he, at obabut wanino.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

KOLOSE 1:12

nineisena Allah hai watik, ikhi logogun andi. At nineisena nen, at againafuri ekhe hinomat selek oba hinawi werek logouwageluk hilinghinafikhemo welagep andi nen, arat hai wati logogun andi.

KOLOSE 2:7

e omanggen kweangma ninghogo yaterek andi hak, hinomanggen Yesus oba ninghogo yakfuluk logolik he, o anduli ninghogo pelakfuluk o ebe amboloba wutarek hak, hinendawinggen Kristus oba himbiret fesigip mene a'nogo, hinenggi pukhogo fisogo logolik, Allah hai wato mondok logoino o.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

1 TESALONIKA 5:18

Allah endawimo nen he: ”Hit Kristus Yesus hinom hundik logolik yi mene ti mene mondogat faget an hai wa'nafi logoguno,” iluk anggikherek andi nen he, a'nogoat hilingiti logoino.

1 TIMOTIUS 2:1

An nen wene ekhe esin mene yi Allah againafuri komorinabinogeluk yagahesik. Nit afuni ninom fano liokhogo logolik he, Allah fogeratik, afuni faget higithogo hilingitik, ikhi logouwogen he, afuni mondogat faget inom, kaindek inenupogot faget inom, it ekhe inenuwerek logolik fetninarek welagaikharek mene andi inebe mondogat faget inom, samban ikhi logolik he, Allah ayonggo figik, kino yagatik, hai watik, ikhi logouwageluk komorinafi logoino o.

1 TIMOTIUS 6:12

Afuni inawe walhouwogeluk sa awewerek-sa awewerek walhagarek hak, nineluk mondok logogun andi mene hela lageluk, hendawinggen Allah oba himbirik logolik, at faget homamerogo hilingiti logoino. A'nogo hilingiti logombik, andi mene hela lanogeluk, Allah nen hayonggo fesikhemo, haren he, ”Nendawinggen Kristus oba himbiret fuluk yi'nogo hilingiti logogin,” iluk afuni hokhorogoat ineilhanem fakhogo isigin andi higithogoat homamerogo hilingiti logoino.

IBRANI 13:15

Andi nen he, at Yesus ninom hundik logolik, niren he, ”Allah neisena,” iluk wam warogo at faget wogeti logou hak, hundik-handik ninambeba Allah enu hokhorogo fogeratu mondok logouwogo.

WAHYU 7:12

A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.