KOLOSE 3:12 - Allah Wene Fano Wene Hupla Inane

¹² Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

KOLOSE 3:12 ပူးပေါင်းရင်းမြစ်များ

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

YESAYA 45:4

Hat he An nebe honggot welagen oba nen, An nen hat henu hurogo wolhafigi o. Hunggulenu mene logouwageluk hilingisogo hobagasigi. An namingmingengge Yakub, nagainafuri Israel mene andi re An nonggwarek wenakhasigi mene hilingi'mo re, haren leberinabinogen iluk heabu yi wokheti o.

YESAYA 63:15

Tuhan neisena. Hat hebe pogoroba obalik mondok fano hore'ma ombak-bak eterek oba andoma nen heilenggen pela'nisame o. Hendawi nen hendawinggen waraluk homamerogoat lebetninafendek mene a'nogo koma lagama? Hendawinggenma abolok ugunem, hilingninafi lagen mene a'nogo inom hendawi nisaluk hilingninafi lagen mene a'nogo inom koma lagama? Andoma nit ninoba nen elele waganogo fisogo logou ugo.

YESAYA 65:9

It inunggulenu Israel mene nen it Yehuda ambisangma mene fena re An nen fanot fisamo re, it inambisangma mene nen he kweang An nandom oba omanogo helambik logogun. Afuni An nen wenaginafigimo iren An noba tiphogo hilingitu welagaikharek mene andoma re o andoma logogun.

YEREMIA 31:20

Israel ao, hat hebe re An nomalik nendawinggen hundik mene o, nendawi hundik hilingik welagi mene, nendawinggen tulem mene welagen. An nen hat wenakhe'luk hagut palhealugen he, nendawi ou agunem hat hobaget ebet hiugu welagi. Hat he An nen mondogat nendawit habimbik fanorogo hilinghobagagin.

YEREMIA 31:3

An nebe yatma nen it inoba weinam asi wagagi. Hit afuni Israel mene yi sani, An he o endamen engge hit hinoba nendawi hundik hilinghinafi lagimo re, hobuk mondok-mondok faget nendawi hundik hilinghinafi logolik logogin mene a'nogo inuk hisikhi logogin o.

MATIUS 24:22

Weak hilinglagunem hogoin andi re, at Allah nen he, ”Huli yi huli araro,” iluk igi'lek kamo ilepma re, afuni mondogat felelenghogo telinafi'lek weagat a'lep. Meneat he, At againafuri wenaginafikhe mene faget enek he, ”Weak arat hegebo,” iluk, huli wasigin werego.

MATIUS 24:31

A'nogo waga logolik he, an nen it malaikat Allah pogoroba nen yonggo lakfisa wagarek mene omanogo yonggo lakfisikhi logolik he, nambinggong ane hokho mene pak ugunem he, iren afuni an nen wenaginafigi mene omanogo, o unggut elikwe, yikwe, po'likwe, ma'likwe, yi awi ti awi o pogot ero-ero a'lima nen mondok andogerinabugun o,” iluk yagaisasikhe.

MARKUS 13:20

Weak hilinglasigin andi, nineisena Allah Enupogoren he: Huli yi huli araro, iluk igi'lek kamo ilepma re, afuni mondogat felelenghogo telinafi'lek weagat a'lep. Mene re afuni Allah nen wenaginafikhe mene halok, it faget enek he, Yogo. Weak arat hegebo, iluk ane huli wasigin werego.

MARKUS 13:22

It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.

MARKUS 13:27

Pi waga logolik he, it malaikat Allah nen yonggo pelakfisa wagarek mene omanogo, afuni Allah nen wenaginafikhe mene halok, o po'lima, ma'lima, elikwe, yikwe welagaikharek mene andogerinabuageluk pogot ero-ero yi awi ti awi a'lima lakfisagain o,” iluk yagaisasikhe.

LUKAS 1:78

Nineisena Allah obabut fano nen endawitninafikhesik, o hil lakfei wagarek andi hak, ninoba lakfei waga logolik,

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

ROMA 1:7

Hinebe At onggwarek faget fakhaluk logouwageluk hinayonggo fesikhemo welagebo. Andi halok, an nen wene lisu palogo hinoba lakfei waga logolik, Nineisena Allah inom, ninoe Enupogot Yesus Kristus inom, emberek inobabut fano a'nogo nen fano mene wokhisigik, hinendawinggen hambugethinafik ikhi logouwago, igi andi.

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

ROMA 9:11

It ap inebe pire andi, inebe ta'lagi'lek inobabut fano hilingitik, weak hilingitik, igi'lek werek kwelek, at Allah endawimo nen anggaluk wendeberogo fisasikhe andi ebe asimbik logouwageluk,

1 KORINTUS 13:4

Afuni ekhe inebe inendawirogo logolik he, inafe morogo welagaikharek andi. A'nogo inendawirogo logolik he, inobabut fano, pou igi'lek logolik, inonggwaregen sewirakhigik, fogerakhigik, agarek lek andi.

2 KORINTUS 6:6

A'nogo hikhi logoligat he, ninobabut weak hilingiti'lek tegelek logolik, fano wene ninelu welagik, ninafe morogo welagik, ninobabut enago welagik, ikhi lago. At Allah Areagun ninendawimo logolik afuni inebe eberogoat ninendawirogo welago.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

EFESUS 1:4

At Allah nenat ninebe at onggwarek faget fakhaluk, at eilhanem tegelek logouwageluk, pogot kweang oan elalhi'lek logolik, wena'ninafikhe andi ebe at Kristus nenat wena'ninafikhe o.

EFESUS 4:2

Hit-hit nendawi-hendawirogo leberisigik, hundik-handik hinendawinggen sebel fakhaluk welagik, hinobabut enago welagik, hinafe morogo welagik, ikhi logoino o.

EFESUS 4:24

Hinebe eberogoat, at Allah nen onggwarek faget fakhaluk, aren he, hinobabut higithogo hilingiti logouwageluk, at obabut hangge ket mene hilinghinafe mene andi, su labetarek hagat labeti logoino o.

EFESUS 4:32

Herakfisaluk he, hit-hit hinobabut enago lioksek logolik he, hit weak hilingiti lagagip mene at Kristus nen sebelogo legetfesikhe mene, Allah nen legetfisasikhe andi hak, hinerugwi hinagaila'lak ekhe nen weagethinafu halok he, wene andi legetfisikhi logoino o.

FILIPI 1:8

Yesus Kristus nen hit hinebe mondogat endawi welagarek hak, an nen hit nendawiat logolik he: ”Ninom logoilo e,” iluk, nendawimo eberogoat anggikhi lagi mene andi, at Allah eluo.

1 TESALONIKA 5:15

Afuni nen hit ekhe weaget hinafunem, onggo-onggo weagerinafi'lek logolik, hit-hit faget inom, afuni mondogat faget inom, inobabut fanorogo hilingitarek andi meneat esinet fikhi logoino o.

2 TIMOTIUS 1:9

At Allah nen ninebe telninafik, at onggwarek againafuri asuageluk ninayonggo figik, isikhe andi re, niren ekhe hilingituguba ninayonggo fesikhe fuk. Athe, Allah obabut fano nen, attak yi mene ti mene oan elalhi'lek logolik, hobuk Kristus Yesus hilingisigin oba fanotninabigeluk, onggwarek endawimo nen anggaluk ninayonggo fesikhe andi.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

2 PETRUS 1:10

Andi nen he, nerugwi nagaila'lak. Hinebe Allah nen wenakhinafikhesik, hinayonggo fesikhe andi re, eberogoat hilinglasuageluk, hiren anggilukhogo hinomamerogo hilingiti logoino. A'nogo hilingiti logogun halok, hinendawinggen Allahba himbirik mene herakfisaluk wulibugun lego.

1 YOHANES 4:19

Attak Allah nen tak endawitninafikhe andi nen he, nit ogo re, nit-nit nendawi-hendawirogo logouwogo.

2 YOHANES 1:13

He ekhe Allah nen wenatikhe mene, eagwi nen inagaisahe ebe hai wasu hak, it Allah againafuri yoma mene nen he, hit hai wathinafa o.

WAHYU 17:14

A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.