KOLOSE 3:11 - Allah Wene Fano Wene Hupla Inane

¹¹ A'nogo hilinghinafunem he ninebe mondogat ninoe Enupogot Kristus alegatma andi nen ninebe mondogat at ninom hundik welago andi nen, inunggulenu Yunani mene igik, Yahuri mene igik, agarek andi inom, inagap inenggalimo mene palek mene igik, palek lek mene igik, agarek andi inom, inane unggut palek mene igik, inebe Yali-Somagai mene igik, agarek andi inom, inamingmingengge mene igik, inale'ma mene igik, agarek andi inom, ikhi logogun lek mene welagep andi.

KOLOSE 3:11 ပူးပေါင်းရင်းမြစ်များ

MAZMUR 117:2

At Tuhan nen endawi hundik hilingninaferek mene andi re mondok hokho mene hilingik. Aren tiphogo nek hilingiterek mene andi re mondok-mondok logogin mene. Andi nen he Tuhan enek fogeratu mondok logouwak!

YESAYA 49:6

At Tuhan nen yaganeti logolik, ”Namingmingengge yi sa, hat he yabu hokho mene ekhe haren hilingisigin mene nenangot habi'lago o, haren he Yakub ombawi mene fena andem enek inambotkwe woginarek inaiba fisa wesigin he fuk, athe Israel mene inunggulenu lombok lego welagaikhe mene a'nogo obali'mo halfisagain mene andi nek he fugat, oba nen he afuni o kweangma mondogat inagap telinabuageluk, An nen hat hoba inunggulenu ekhe mene-ekhe mene omanogo selegerinafu mene hobagagin o,” iluk yaganete.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YEREMIA 16:19

Tuhan neisena, ”Harenat an hawe a'ma fe'narek logolik an nomame wo'neti lagen, An nelokhoma lek were'ma Harenat lebetniikhi lagen. Yi afuni ti afuni o kweang unggut-unggut welagaikharek mene andoma nen Hat hambit we'luk iren ikhi logolik, ”Nit ninombawi re tugwi kembu we eberogo lek mene fetaluk welagaukwa.

YEHEZKIEL 47:22

nen, kweang andi re hit hinanggweang eiserogo logolik mondok-mondok logogin mene. Ap pok mene hit hinanggele'ma logogun mene inom, nen it inagainafuri andoma nen ta'lasugun mene ogore, kweang andoma meneat helikhi logogun. It andi nen anggikhi logogun he, nit he mondok-mondogat Israel mene agoma o anggikhi logogun, nen it Israel mene inunggulenu lombok kweang sumburogo helogoin sambul andem he iren oagengge walhalugen helogoin.

HOSEA 2:23

An nen nagainafuri hinebe hinaiba andoma fano mondok logobagaigeluk hilinghinabigin. Hit faget ikhi logolik he, Nabit mene, iluk igi mene andi, hobuk An nen hit hinebe nendawit hinafi logogin o. Nen, Hinebe An nagainafuri lek, iluk isigi mene andi, hobuk An nen, hit An nagainafuri o, iluk igik, nen, hiren he nit nineisena re Allah aro, iluk yaganetik, ikhi logogun o,” iluk ikhe.

AMOS 9:12

Ap Israel mene nen he o Edom kweang oba fena ineluk werek mene inom, nen inunggulenu mondogat attak An nagainafuri hilingik welagaukwa mene inom, iren sebelek logogun. An Tuhan nen nane arat igi, nen andoma mondogat he An nenat hilingisigin enego,” iluk ikhe isikhe.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

ZAKHARIA 2:11

Hinenggi andem oba re, afuni inunggulenu hokhorogo Tuhan ambit At againafuri mene asugun iluk waga logogun. Nen, At ebe hit hinanggele'ma were'ma, an he At Tuhan nen hit hinoba laknobagai wagama iluk hinelu asugun o.

MALEAKHI 1:11

Afuni inunggulenu lombok o kweangma yi awi ti awi welagaikharek mene nen An agaukhogo fogetnafarek andi nen he, iren an fogetnafi logolik, o ekhema-ekhema nen dupa amben fano mene Nenuba nolnetik, wam, yi mene ti mene An nobaget nobagaluk nolnesubaat nolnetik, agarek andi. Andi re, yi afuni ti afuni mondogaren An fogetnafu welagaikharek andi nen o.

YOHANES 14:23

at Yesus nen he, mel yagaisasikhe: ”At sa nen an nebe endawinggen hundik halok he, nane hologo hilingiti logogin o. Nane hologo hilingiti logoumo, neisena nen at andi endawinggen hundik logogin o. A'nogo logolik, an neisena nemberek ap andi oba we'luk, at ninom mondok logogun o.

YOHANES 15:5

Hele ebe an aro. Nen, nenggisok hit aro. Hit an ninom hundik lek, we kobolek logolik, yi mene ti mene ekhe hilingisu mondok elo'lek andi nen he, at sa nen an nemberek hundik, nen, an at nemberek hundik, logogun halok he, at andi enggen hokhorogo isu hak, fano mene hokhorogo hilingisigin o.

YOHANES 17:23

It eberogoat inebe misigat logouwagen he, it he an ninom hundik, nen hat he an ninom hundik logouwogo. A'nogo logogun halok, it afuni kweangma mene nen ikhi logolik he, At andi re, eisena nen lakfei wagaikhesik ebe endawinggen hundik welagarek andi hak, it inebe at, faget tegelek were'ma endawi hundik hilinginaferego, iluk inelu asimbik futfogoin o.

KISAH PARA RASUL 28:2

Yaganisasukwasik, inendawimo inagaiyekhogo anggilukhogo wo'ninafukwasik, o meiso wagaikhemo re, sogoi en endu nonggwalogo sogoi sakhoageluk ninobagasukwa.

KISAH PARA RASUL 28:4

Enggiba hundik were'ma, afuni inawiwerek mene omanogo ineilenggen hasukwasik, it-it ikhi logolik he, ”Ap yi re, afuni inoare mene o. Ima nen telogo wulibi waga meneat he, tugwi kembu enu Unggum, afuni inebe inoaterek mene a'nogo nen, at ebe eluk logogin lek, iluk, wate yi,” iluk isukwa.

ROMA 1:14

Eberogoat afuni yi wene ti wene futfagarek mene inom, futfagare'lek mene inom, sekolah yanggulha mene inom, yanggulhi'lek mene inom mondogat fano wene yagaisele iluk anggikhi lagi meneat he, an noba palegengge hangge welagi o.

ROMA 10:12

It afuni Yahudi mene hunogoat, nen, afuni Yunani mene hunogoat, ugun lek. Nit mondogat nineisena Enupogot he, Allah misigaro. Nen, aren wogisoageluk ayonggo fagarek mene halok inebe mondogat hokhorogoat wogisikherego.

ROMA 3:29

At Allah re, nit afuni Yahudi mene nek nineisena nogo? It endakwe mene ninomat nineisena lek nogo? Eberogoat afuni endakwe mene ninomat nineisena o.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.

1 KORINTUS 14:11

A'nogo meneat he, it inane unggut pale'ma an nonggot halok he, at ekhe nen ugunem, an nen nesanggo ninggi'nogo holigin? Nen, an nane ugunem, nane unggut pale'ma re, aren nane ninggi'nogo esanggo holigin? Elo'lego.

1 KORINTUS 7:19

Inagap inenggalimo mene a'nogo palek logogun inom, pale'lek logogun inom, andi esin fuk. Lego. Ebe esin he, Allah ane hologo hilingiti logogun andi aro.

GALATIA 2:20

Nen, yogondak nebe neluk welagi yi re, nonggwarek nomameba neluk welagi fuk. We, at Kristus at nendawimo logolik eluk welagarego. At ebe Allah amlogoat logolik, nebe endawi nen an fagerat, ”Noasuak,” iluk anggasikheba ebe watukwa andi. Nen, an nendawinggen at oba himbirik were'ma re, at ebe nendawimo were'ma, neluk welagirek andi.

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

EFESUS 1:23

Nit Allah againafuri ninebe at Kristus ebe aro. Mene re, yi mene ti mene, pogoroba kweangma welagarek mene mondogat at Kristus endawimo peterogo logolik, nit Allah againafuri at ebe hangge were'ma, ninendawimo peterogo welagarek andi.

EFESUS 2:14

Afuni Yahudi mene inom, endakwe mene inom, inom heksek were'ma re, tulemkwe palogo leget hokho mene hak welagaikhe mene re, at Yesus nen lambulogo ninobagaikherek mene a'nogo ebe wa'laga logolik huli palek a'nogo meisalogo legetfisasikhesik he, ninebe misigat lambulogo ninobagasikhemo welago andi.

EFESUS 2:15

At Kristus nen, ninunggul enu Yahudi mene inom, endakwe mene inom, pire andem welagaikhe meneat, at ninom hunogo misigat ninobagaluk ninunggulenu misigat ket mene lambulogo ninobagaigeluk he, wene Allah nen komorogo ”Yi'nogo hilingi'no, ti'nogo hilingi'no,” iluk yaganisasikhemo wene palek werek mene andi sebelfisikhi logolik, ninom hunogo ninobagasikhe andi.

EFESUS 3:17

Hinendawinggen at Kristus oba himbiret foumo, at ebe hinendawimo awi wurogo were'ma re, yi mene ti mene awi yatunem omanggen yatik, o tik ninghogo watik, agarek hak, hinobabut he, afuni ekhe inebe inendawirogo welagaikharek andi meneba hinomanggen yakfuluk ninghogo logobagaigen iluk, Allah ayonggo fikhi lagi aro.

EFESUS 3:6

Fano wene andiba, it afuni endakwe mene inom, Yahudi mene inom, inom higithogoat eisewerek hilinglagik, Kristus ebe misigat mene ninom higithogo hunogo ninobagagik, ikhemo welago. Wene fageat Allah nen, ”Yi'nogo hilinghinabigin,” iluk, abok yaganisasikhe a'nogoba, ”Afuni endakwe mene Kristus Yesus inom hundik were'ma, fano wene andiba ninom higithogo hilingninabigin,” iluk, ninelu aga andi.

EFESUS 6:8

Hinobabut fano hilingiti logogun halok, hineisena Tuhan nen hit hinamingmingengge mene inom, hit hinale'ma welagep mene hinomat, hinebe lombok onggo wokhisagaino.

KOLOSE 2:10

Malaikat pogoroba mene inom, munggwarengge obabut weak mene inom, inawe a'ma ferinarek were'ma inane holharek mene, Kristus ane holugun andi nen, hit ogo re, at hinom hundik logolik, hinendawinggen katokhogo wurik agepsik welagep andi.

1 YOHANES 5:20

At Allah amlogo ninoba pi wagaikhesik, Allah ebe mene ninelu asuageluk ninendawinggen kagalogo yaganisasikhe. A'nogo yaganisasikhemo, nit he, Allah ebe mene amlogo Yesus Kristus emberek ninom hundik mondok welago. Nen, at Yesus re, ebe Allah ebe mene logolik nabulal-habulal ero arat welagarego.

2 YOHANES 1:9

Ap sa nen wene Kristus nen yaganisasikhe wene andiba louksek hilingitu welagi'lek, hunogoat mene hilingiterek halok he, Allah ebe eisewerek agi'lek werego. A'nogo meneat he, ap sa nen wene Kristus nen yaganisasikhe wene andiba louksek hilingitu logogin halok he, nineisena Allah inom, amlogo Yesus inom, emberek eisewerek agaikhasik werego.