KOLOSE 2:8 - Allah Wene Fano Wene Hupla Inane

⁸ A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.

KOLOSE 2:8 ပူးပေါင်းရင်းမြစ်များ

KIDUNG AGUNG 2:15

Nit nineabumo anggur awi yago mene omanogo hokho asigin ha'ma nen he, No kelinci hak mene andoma nen weagerogo fili'lagongge re senfeni o.

YEREMIA 29:8

An Tuhan Nomame Mondok Hokho mene, Israel mene ineisena Allah nen he, hit hinanggelekwe ap nabi werek mene andoma nen ogo, nen ap sa nen halok ogo, iren yagahisikhi logolik, hobuk yi'nogo hilinglasigin ti'nogo hilinglasigin iluk yagahisugunem hit lalhinabinogoluk ebet hisikhi lagi andi. Iren inabi wokhaluk yagaisagarek mene andoma faget eberogo anggikhi logou fuk.

MATIUS 10:17

Afuni nen it ap wene ero pilingitare'ma inoba wokhinarek lagik, o samban agare'ma andoma nen yei hinoatik, ugun a'naga re, hinebe hebelogo logoino o.

MATIUS 16:6

at Yesus nen mel yagaisasikhe: ”It ap Farisi mene inom, ap Saduki mene inom, enggen sumburu roti fisuageluk anggelekwe pelafarek andi hangge mene fisogo werek andiba weagethinabinogo iluk, hinebe hebelogo logoino o,” iluk yagaisasikhe.

MATIUS 7:15

A'nogo yagaisasikhesik, ekhe mel yagaisasikhe: ”It ekhe ineranen Allah ane yagaisagarek mene hak hinoba wesimbik hinendawimo kagalinogo iluk he, hinebe hebelogo logoino o. It andi inelokhonggen wam domba wam ena mene hangge hilingisogo nen wesugun meneat he, inendawinggen elonggoma re, mene olo mene aik anini weak mene hangge wesugun o.

KISAH PARA RASUL 17:18

A'nogo ikhi logolik he, aren it afuni wene Epikuros wene fisogo logolik it ekhe yagaisikhi lagaukwa mene inom, wene Stoa wene fisogo logolik, it ekhe yagaisikhi lagaukwa mene inom, wene inendawimo kagalogo yagaisugunem, iren onggo yagatik, iren at yagatunem, aren onggo yagaisigik, ikhi lagaukwa. A'nogo ikhi lagaukwa mene ekhe nen he, at Paulus faget mel isukwa: ”Athe, wene elu nogo? Onggot. We, endebat elu logoligat he, ane nek mondok hokhorogo yaganisili'logo,” iluk isukwa. A'nogo isukwama, it ekhe nen he, at Paulus nen fano wene yagaisikhi logolik he, Yesus nen hilingitikhe wene yagaisigik, afuni wa'lagunem en Allah nen inelugerinaferek wene yagaisigik, ikhi lagaikhe andi nen, mel isukwa: ”Afuni hunogo mene inawesa wene faget yaganisili'logo he a,” iluk isukwa.

KISAH PARA RASUL 17:32

”At wa'lagaikhesi'mo nen, eluget fesikhemo werego,” iluk yagaisugunem, inesanggo holhukwasik, it ekhe nen he, Paulus endo yatukwa. Nen, it ekhe nen he, ”Wene egen andi, nit ninesanggo hobuk holuageluk henggi ekhe sambul halok yaganisagain aro,” iluk yagatukwa.

ROMA 16:17

Nerugwi nagaila'lak. Hinendawimo kagalogo re, wene ekhe yi nane ninghogo yagahisago. It afuni ekhe hobuk we'luk, wene attak yagahisasukwama wanhigip mene herakfisoageluk he, hinebe minggilogo hinobagagik, hinendawimo weagethinafik, ugu halok he, hinebe hebelogo logolik, inane hinesanggo holhi'lek, herakfisaluk agaiseti logoino.

1 KORINTUS 10:12

Andi nen he, hat ekhe hendawimo nen: ”An nendawinggen wurik, mendek welagi o,” iluk anggegen halok he, sanokhogo lagi hanogoluk hafe hebelogo logoino.

1 KORINTUS 8:9

Hit hesangge nogoinat meneat he, nunggunem en, it afuni ekhe inendawinggen oan mene weak asinogo iluk he, hinebe hebelogo logoino.

GALATIA 1:14

Wene nit Yahudi mene ninombalagen yaganisasukwa mene a'nogo fisogo logolik he, it an nagaila'lak ninom higit mene nen wene inendawimo seramhogo hilingitu kwelek, an enek he, nomamerogoat hilingiti lagagi andi.

GALATIA 4:3

Andi hak he, nit ninendawinggen oan were'ma, munggwarengge obabut weak mene kweangma yoma enggiba welagarek mene nen awe a'ma ninobagaluk welagaikhe andi.

GALATIA 4:9

Mene re, an nen he, ”At Allah hinebe elu welagarek,” iluk uwem, ”Hit yogondagen Allah ebe hinelu agep,” iluk igi andi. Halok he, hit hinonggwaregen munggwarengge obabut weak omame lek mene, eilmo lek mene, andi oba hobuk hinambotkwe awe a'ma kuogeluk ikhi lagep andi, nenahalok.

GALATIA 5:15

A'nogo meneat he, wam onggwaregen wam ekhe aigen libilhik, warogo haumhogo ninggik, ikherek hak, hit-hit hinonggwaregen a'nogo hilingiti logogun halok he, hinebe alomat larik lagep hanogoluk hinebe hebelogo logoino o.

EFESUS 2:2

Andi sambul he, afuni yoma inobabut inetogat logolik hilingitarek hak hilingiti lagagip. A'nogo hilingiti logolik, munggwarengge inobabut weak mene inoe kain pogot abel manggwe yoma eisewerek logolik, afuni Allah ane inabiren inesanggo holharek lek mene inendawimo kwisikhesik yogondak inendawimo kagalhoat welagarek mene a'nogo ane hologo welagagip andi.

EFESUS 4:20

Meneat he, at Kristus nen, ”Hit weak a'nogo hilingiti logoino,” iluk, yagahisigi'lek.

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

ULANGAN 6:12

nineisena Tuhan hit hinebe afuni Mesir mene nen inamingmingengge higit fethinarek were'ma telogo wokhinarek wulibi wagaikhe mene a'nogo oba hinonggot asinogo iluk eberek mondok logoino.

FILIPI 3:2

It afuni ekhe inobabut mene olo mene obabut hangge andi nen, yi mene ti mene faget weak hilingiti logolik, ”Hinagap hinenggalimo mene palogo lakfisano,” iluk hinendawimo kagali wesinogo iluk hinebe hebelogo logoino o.

KOLOSE 2:18

Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.

KOLOSE 2:20

Hit Kristus hinom hundik logolik wa'lagagip andi nen, munggwarengge obabut weak mene kweangma yoma enggi fisogo welagarek mene a'nogo nen hinebe hele warogo fethinarek were'ma, Allah nen hele fikhalhinafikhe andi. Meneat he, hit hinobabut it ekhe kweangma inobabut inetogat logolik hilingitarek hagat hilingiti lagep andi nenahalok? It andi nen he, ”Yi mene ti mene ekhe hinenggi ninghogo fakfigik, uphogo fakhigik, ekhe enduk mikhigik, ugubo,” iluk komorinafunem nenahalok hologo hilingiti lagep?

KOLOSE 2:22

Wene andi afuni nenat, yi mene ti mene nunggunem lek agarek mene fagerat: ”Yi'nogo hilingiti logouwok,” iluk wene palek hagat komorinafik, yagaisigik, ili'lagwi andi.

KOLOSE 2:23

It andi ineranenat afuni yagaisikhi logolik he: ”Malaikat inawe a'ma logolik fogerinafik, hinendawimo nen he, nebe kembu, iluk igik, inendawinggen fano asuageluk, inenggi inesanggo inelha palagarek hak, inagap oba wiik-weakhogo hilingitik, ikhi logouwago,” iluk wene inendawimo wenggelogo fano higithogo yagaisili'lagwi andi. Mene re, inoba aigage lagagunem, wene andiba nen inendawinggen sebelu lek hago.

1 TIMOTIUS 6:20

Timotius namlogo e. Allah nen hayonggo fikhi logolik, ”Yi mene hilingiti logoino,” iluk, hoba fesikhe mene andiat fanorogo fisogo logolik, homamerogo hilingiti logoino. It ekhe nen Allah ane yagaisogoin mene andi igi'lek logolik, we tulemat, lek asigin mene fagerat wene palhi logolik, ”Wene ninelu,” iluk, ili'lagwi andi re inonggot logoligenat ili'lagwio. It andi nen he, ”Wene ebe mene arat futfogo,” iluk ikhi logolik, Allah ane eberogoat mene herakfisaluk nong asi wulifa andi nen, wene andi mene wanhi'lek herakfisaluk logoino o. Nagaila'lak. Allah obabut fano a'nogo nenat fethinarek logouwago.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

IBRANI 13:9

A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.

IBRANI 3:12

Halok he, nerugwi nagaila'lak. Hit ekhe hinobabut weak a'luk, hinendawinggen Allah eluk mondok welagarek mene oba himbiret figi'lek logolik, at ebe herakfisaluk hinambotkwe wulibi lanogo iluk, hinobabut hebelogo logoino o.

1 PETRUS 1:18

Attak he, hinambu hinombalak hilingiti lagaukwa andi hak, it inobabut waganogo legasigin mene faget tulemat alemarogo hilingiti lagagip andi nen, hinenggi hele warek hak were'ma, Allah nen hinebe hinonggo palogo telhinafikhe andi hineluaro. Onggo andi re, legasigin mene emas oba, perak oba hinonggo palhinafikhe fuk.

2 PETRUS 3:17

Nerugwi nagaila'lak. Hinebe nendawi e. Wene andi oan hilinglagi'lek werek kwelek he, hinelurogo logobagaigeluk furogo yagahisigi andi. Hinelu logolik, hinonggwarek hinendawinggen wurikhogoat logoino. It afuni ekhe komore'lek hilingitarek mene andi nen, wene weak wene yagahisikhi logolik, hiren he, ”Eberogoat” anggaluk hinendawinggen wurik welagep mene andi kobokhogo herakfugunem hinebe nongasinogo iluk, hinobabut hebelogo logoino o.

2 YOHANES 1:8

Nen, niren hit hilinghinobagakhi lagagu a'nogo faget, hit ekhe onggo wanhi'lek nong asinogo iluk, mondogat wanubagaigen he, hinobabut hebelogo logoino. Logolik he, Allah nen, ”Hit onggo wokhisagain,” iluk wene wa'nisasikhe a'nogo, hit ekhe nong agi'lek mondogat helobagaigen he, hinomamerogo hilingiti logoino o.