KOLOSE 2:4 - Allah Wene Fano Wene Hupla Inane

⁴ It ekhe ineranhogo meneat he, inane eberogo wene hak lalhinabinogo iluk yagahisigi andi.

KOLOSE 2:4 ပူးပေါင်းရင်းမြစ်များ

MATIUS 24:4

at Yesus nen he, ”Afuni nen lalhinabinogoluk he, hinobabut hebelogo logoino o.

MARKUS 13:22

It afuni ekhe ineranenat ikhi logolik he, Kristus a'nogo nebe an aro, igik, nen, it ekhe nen he, Allah ane yagaisigirek mene re an aro, igik, i wesugun o. Wesimbik he, ”Afuni Allah nen wenaginafikhe mene omanogo lalinabugun hea? Lek hea,” iluk lalinabuogeluk he inane eberogoat anggoageluk elalin hilingisu lek mene hilingirik wesugun o.

KISAH PARA RASUL 20:30

A'nogo weagerinafu kwelek he, ap hit mene ekhe menla'luk he, afuni Yesus ane wanhukwa mene lisogo woginabuogeluk, wene weak wene yagaisikhi logogun aro.

1 KORINTUS 2:4

A'nogo logolik he, afuni inawene an nendawinggen kagalegen, nane fano nen, ninghogo yagahisasigi lego. We, at Allah Areagun omameba yagahisasigimo, ebe agaikhemo re hineilenggen hasigip.

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

GALATIA 2:4

A'nogo meneat he, it ekhe meneat he, ninagaila'lak Allah againafuri mene hak hilinglagaukwasik hinagaisogo kwi wagaukwasik he, agap enggalimo mene paluageluk isukwaat. A'nogo hinagaisogo kwi wagaukwasik he, nit Kristus ninom misigat a'luk ninale'ma logolik ninobabut hilingitorek mene andi, iren he, ”Ero ninggi'nogo nen hilingiri'lagwi,” iluk ero herasuogeluk kwi wagaukwa andi. A'nogo herakfuluk inawe a'ma ninobagasukwasik it hilingitarek mene andi hilingiti logouwageluk ineilenggen nisa kwi wagaukwa andi.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

EFESUS 4:17

An nineisena Tuhan ninom hundik logolik, aren yagahisa hak wene yi komorogo yagahisak. It afuni endakwe mene inobabut hilingiri'lagwi andi hak, hit hinobabut a'nogo hilingiti logogubo. It andi, we tulemat mene oba ebeti logolik he,

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

KOLOSE 2:18

Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.

KOLOSE 2:8

A'nogo ugu were'ma, afuni ekhe inendawimo wenggelek mene hak, wene we mene ineranhogoat yagahisikhi logolik, lalhinabinogo iluk he, hinobabut hebelogo logoino o. Wene andi re, Kristus nen isikhe mene higithogo ili'lagwi fuk. We, afuni ta'larik-ta'larik wagu kwelek, inombalagen he: ”O yoma yi mene ti mene himbirengge re, munggwarengge inobabut weak mene andi aro,” iluk ikhi lagaukwa mene higithogoat lalhinabi'lagwi andi.

2 TIMOTIUS 2:16

Mene re, it afuni ekhe nen ebe wene andi le'maat, tulemat, lek asigin mene ili'lagwi andi, herakfisaluk kwanirogo laga logoino. It andi a'nogo ikhi logolik, Allah ebe herakfisaluk yatma hak hela wulibi'lagwi andi.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

1 YOHANES 2:18

Nagainafuri e. O yogondak he, wurep oba welago o. Afuni ekhe nen he, ”Hobuk ap ekhe Kristus inom weim palek mene wesigin,” iluk yagahisasukwama, hinesanggo holhigip andi hak, o yogondak he, Kristus inom selei mene inebe hokhorogo arat weinam agaikhasik werek andi nen he, niren, ”O yogondak eberogoat wurep oba welago,” iluk ninendawinggen wenggelfuluk futfikhi lago.

1 YOHANES 2:26

Wene yi mondogat he, it afuni hit lalhinabuogeluk walhili'lagwi mene faget lisu palogo hinoba lakfei wagio.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

2 YOHANES 1:7

A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.

WAHYU 13:8

At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.

WAHYU 20:8

A'nogo liabi wagunem he, weim yabuogeluk, afuni inunggulenu lombok pogot ero-ero po'likwe, ma'likwe, elikwe, yikwe, welagaikharek mene lalinabigeluk inendawimo kagalik laga-laga higi. Andi re, o enu Gog mene inom, Magog mene inom, inoba weim yonggo lagasik, inebe mondok hokhorogo ial laut yenggelek esanggokwe welagarek andi hangge andogorogo fisikhemo welagaikha isigi.